ଯୋଗୀଙ୍କ ଟାର୍ଗେଟ ରାଡାରରେ ନବୀନ ସରକାର! ଓଡିଶା ଆସିଲେ, ମନଇଚ୍ଛା ବର୍ଷିଲେ । କାଳିଆ ଯୋଜନାକୁ କଟାକ୍ଷ କରି ବିଜେଡିକୁ ମାରିଲେ ବାଣ
କନକ ବ୍ୟୁରୋ : ୨୦୧୯ରେ ଓଡିଶାରେ ପଞ୍ଚାୟତ ନିର୍ବାଚନର ସଫଳତା ଦୋହରାଇବାକୁ କର୍ମୀଙ୍କୁ ଯୋଗୀଙ୍କ ଆହ୍ୱାନ । ଆଜି କଳାହାଣ୍ଡି ଓ ଖୋର୍ଦ୍ଧାରେ ବିଜେପିର ଦଳୀୟ କାର୍ଯ୍ୟକ୍ରମରେ ଯୋଗ ଦେଇ ନେତା ଓ କର୍ମୀଙ୍କୁ ବିଜୟର ମନ୍ତ୍ର ଦେଇଛନ୍ତି ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ମଂଚ ଉପରୁ ରାଜ୍ୟ ସରକାରଙ୍କୁ ଘେରିବାକୁ ଭୁଲିନାହାଁନ୍ତି ଯୋଗୀ । ରାଜ୍ୟ ସରକାରଙ୍କ କାଳିଆ ଯୋଜନାକୁ କଟାକ୍ଷ କରିଛନ୍ତି ଏବଂ ଟଙ୍କିକିଆ ଚାଉଳର ହିସାବ ଦେଇଛନ୍ତି ଯୋଗୀ ।
Kanak News is now on WhatsApp
Join and get latest news updates delivered to you via WhatsApp
ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ଯେଉଁଠୁ ଛାଡି ଥିଲେ, ବୋଧେ ସେଇଠୁ ନବୀନ ସରକାରଙ୍କୁ ସମାଲୋଚନା କରିବା ଆରମ୍ଭ କରିଛନ୍ତି ବିଜେପିର ଫାୟରବ୍ରାଣ୍ଡ ନେତା ତଥା ଉତରପ୍ରଦେଶର ମୁଖ୍ୟମନ୍ତ୍ରୀ । ଗୃହ ନିର୍ମାଣ, ଆୟୁଷ୍ମାନ ଯୋଜନା, ଟଙ୍କିକିଆ ଚାଉଳ, କାଳିଆ ଯୋଜନା ଆଦି ପ୍ରସଙ୍ଗରେ ନବୀନ ସରକାରଙ୍କୁ କଟାକ୍ଷ କରିଛନ୍ତି ଯୋଗୀ ଆଦିତ୍ୟନାଥ ।
ଗୃହ ନିର୍ମାଣ କ୍ଷେତ୍ରରେ ନବୀନ ସରକାର, ଉତରପ୍ରଦେଶଠାରୁ ବହୁ ପଛରେ ବୋଲି ଦାବି କରିଛନ୍ତି ଯୋଗୀ ଆଦିତ୍ୟନାଥ । ସେହିପରି ରାଜ୍ୟ ସରକାରଙ୍କ ସବୁଠାରୁ ଲୋକପ୍ରିୟ କାଳିଆ ଯୋଜନାକୁ ବି କଟାକ୍ଷ କରିବାକୁ ଭୁଲି ନାହିଁନ୍ତି ଯୋଗୀ ଆଦିତ୍ୟନାଥ । କାଳିଆ ଯୋଜନା ସହ ରାଜ୍ୟ ସରକାରଙ୍କ ସ୍ୱାସ୍ଥ୍ୟ କଲ୍ୟାଣ ଯୋଜନାକୁ ନେଇ ବି ଆପତି ଉଠାଇଛନ୍ତି ଯୋଗୀ ଆଦିତ୍ୟନାଥ । କେନ୍ଦ୍ର ସରକାରଙ୍କ ଆୟୁଷ୍ମାନ ଯୋଜନାକୁ ପ୍ରଶଂସା କରିବାକୁ ଯାଇ, ରାଜ୍ୟର ବିଜୁ ସ୍ୱାସ୍ଥ୍ୟ କଲ୍ୟାଣର ଦୋଷତ୍ରୁଟି ବାଛିବାକୁ ଉଦ୍ୟମ କରିଛନ୍ତି ।
ଆଉ ଶେଷରେ ପଂଚାୟତ ନିର୍ବାଚନର ସଫଳତା ଦୋହରାଇବାକୁ ଦଳୀୟ ନେତା ଓ କର୍ମୀଙ୍କୁ ଆହ୍ୱାନ ଦେଇଛନ୍ତି । କଳାହାଣ୍ଡି ଏବଂ ଖୋର୍ଦ୍ଧା ଜିଲ୍ଲାରେ ବିଜେପିର ଦଳୀୟ କାର୍ଯ୍ୟକ୍ରମରେ ଯୋଗୀ ଆଦିତ୍ୟନାଥ, ଆଣିଥିବା ତାମମ୍ ଅଭିଯୋଗର ସତ୍ୟତା କେତେ, ହୁଏତ ତାହା ନିର୍ବାଚନ ଫଳାଫଳ ପରେ ହିଁ ସ୍ପଷ୍ଟ ହୋଇଯିବ ।