କନକ ବ୍ୟୁରୋ : ଲୋକଙ୍କୁ ଠକିବା, ଲୋକଙ୍କ ବ୍ୟକ୍ତିଗତ ତଥ୍ୟ ସଂଗ୍ରହ କରିବା ପାଇଁ ସାଇବର ଠକ ପ୍ରତିଦିନ ନୂଆ ନୂଆ ପଇଁତରା ଆପଣାଉଛନ୍ତି । କେବେ ଲୋଭନୀୟ ଅଫର ଦେଇ ଲୋକଙ୍କୁ ଠକୁଛନ୍ତି ତ’ ଆଉ କେବେ ସାହାଯ୍ୟ ଯୋଗାଇଦେବା ଆଳରେ ଲୋକଙ୍କୁ ଲୁଟୁଛନ୍ତି । ଏହାକୁ ନେଇ ଲୋକେ ସତର୍କ ହେଉଥିବା ବେଳେ ନୂଆ ଉପାୟ ଆପଣାଇଛନ୍ତି ସାଇବର ଠକ । ଏବେ ଫେସବୁକରେ ଏପରି କିଛି ମେସେଜ୍ କରୁଛନ୍ତି, ଯାହାକୁ ଲୋକେ କ୍ଲିକ୍ କରିବା ମାତ୍ରେ ଲୋକଙ୍କ ସମସ୍ତ ବ୍ୟକ୍ତିଗତ ତଥ୍ୟ ଲିକ୍ ହୋଇଯାଉଛି । ଆସନ୍ତୁ ଜାଣିବା ଫେସବୁକ୍ ୟୁଜର୍ସଙ୍କ ପାଖକୁ କେଉଁଭଳି ମେସେଜ୍ କରୁଛନ୍ତି ସାଇବର ଠକ ଏବଂ କିଭଳି ଭବେ ଲୋକଙ୍କ ବ୍ୟକ୍ତିଗତ ତଥ୍ୟ ଚୋରି କରିନେଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
‘ଲୁକ୍ ହୁ ଡେଡ୍’ ବା ‘ଦେଖ କିଏ ଏବେ ମରିଗଲେ’ ଏହିଭଳି କିଛି ମେସେଜ୍ ଫେସବୁକ୍ ୟୁଜର୍ସଙ୍କ ପାଖକୁ ଆସୁଛି । ବିଦେଶରେ ଅନେକ ଲୋକ ଏହାର ଶିକାର ହୋଇସାରିଥିବା ବେଳେ ଏବେ ଭରତରେ ଏହି ଘଟଣା ସାମ୍ନାକୁ ଆସିଛି । ଏହି ମେସେଜ୍ ୟୁଜର୍ସଙ୍କୁ ଲିଙ୍କ୍ ଉପରେ କ୍ଲିକ୍ କରିବା ଏବଂ ବ୍ୟକ୍ତିଗତ ତଥ୍ୟ ଦେବା ପାଇଁ ବାଧ୍ୟ କରିଦେଇଥାଏ ।
ହ୍ୟାକର୍ସ ପ୍ରଥମେ ଲୋକଙ୍କୁ ଫ୍ରେଣ୍ଡ୍ ରିକ୍ୱେଷ୍ଟ୍ ପଠାଇ ସାଙ୍ଗ ହେବାକୁ ଚେଷ୍ଟା କରିଥାଏ । ସାଙ୍ଗ ହେବା ପରେ ମେସେଞ୍ଜରରେ ଏକ ସନ୍ଦେସ ପଠାଇଥାଏ । ମେସେଜରେ ଏପରି ଲେଖା ହୋଇଥାଏ କି, ‘ଦେଖ ଏବେ କିଏ ମରିଗଲା’ ଆଉ ଏଥିରେ ଏକ ନ୍ୟୁଜ୍ ଆର୍ଟିକିଲର ଲିଙ୍କ୍ ସେୟାର କରାଯାଇଥାଏ । ଅବା ଏପରି ମଧ୍ୟ ମେସେଜ୍ ଆସିଥାଏ କି, ‘କଣ ଆପଣ ଏହି ବ୍ୟକ୍ତିଙ୍କୁ ଚିହ୍ନିଛନ୍ତି?’ ଏହି ମେସେଜରେ ବି ଏକ ଲିଙ୍କ୍ ପ୍ରଦାନ କରାଯାଇଥାଏ ।
କେମିତି କାମ କରିଥାଏ ଏହି ସ୍କାମ୍
ମେସେଞ୍ଜରରେ ପଠାଯାଇଥିବା ଲିଙ୍କ୍ ଉପରେ କ୍ଲିକ୍ କରିବା ମାତ୍ରେ ପେସବୁକ୍ ୟୁଜର୍ସ ନେମ୍ ଓ ପାସୱାର୍ଡ ମଗାଯାଇଥାଏ । ଆପଣ ଫେସବୁକକୁ ଲଗଇନ୍ କରିବା ପାଇଁ ଆଇଡି ପାସୱାର୍ଡ ଦେବା ମାତ୍ରେ ଲିଙ୍କରେ ଥିବା ହାନିକାରକ ସପ୍ଟୱେର୍ ଆପଣଙ୍କ ଫେସବୁକକୁ ହ୍ୟାକ୍ କରିନେଇଥାଏ । ପରେ ୟୁଜର୍ସଙ୍କ ଫେସବୁକ୍ ଆଇଡି ତାଙ୍କ ନିୟନ୍ତ୍ରଣରୁ ବାହାରିଯାଇଥାଏ । ଆଉ ହ୍ୟାତର୍ସ ସବୁ ତଥ୍ୟ ଚୋରି କରିନେଇଥାଏ ।
କେମିତି ରହିବେ ସୁରକ୍ଷିତ?
ନିଜ ଫେସବୁକକୁ ଏକ ମଜବୁତ୍ ପାସୱାର୍ଡ ଦେବା ସହ ଅନ୍ୟାନ୍ୟ ଶବ୍ଦରେ ପାସୱାର୍ଡ ଦିଅନ୍ତୁ
ଯଦି ଆପଣ ଅନଲାଇନରେ ବ୍ୟକ୍ତିଗତ ତଥ୍ୟ ସେୟାର କରୁଛନ୍ତି ତେବେ ସତର୍କ ରୁହନ୍ତୁ । ଏହା ସୁନିଶ୍ଚିତ କରନ୍ତୁ କି ଆପଣ ବିଶ୍ୱସନୀୟ ପ୍ଲାଟଫର୍ମରେ ଅଛନ୍ତି ବୋଲି
ଅଜଣା ଲିଙ୍କ୍ ଉପରେ କ୍ଲିକ୍ କରିବା ଏବଂ ଅଜ୍ଞାତ ସାଇଟରୁ କିଛି ଡାଉନଲୋଡ୍ କରିବାରୁ ନିଜକୁ ବଞ୍ଚାନ୍ତୁ ।
ଏହି ସବୁ ଦିଗ ଗୁଡିକ ଉପରେ ଧ୍ୟାନ ଦେଲେ ଆପଣ ଏହିଭଳି ଫ୍ରଡରୁ ରକ୍ଷା ପାଇପାରିବେ ।