କନକ ବ୍ୟୁରୋ : ଆଖୁ ଚାଷୀଙ୍କ ଆଖିରୁ ନିଦ ହଜାଇଦେଲାଣି ଅଜଣା ଜନ୍ତୁ । ରାତି ଅଧରେ ଏକର ଏକର ଆଖୁ ଫସଲକୁ ଖାଇ କରିଦେଉଛି ନଷ୍ଟ ।
Kanak News is now on WhatsApp
Join and get latest news updates delivered to you via WhatsApp
ଗତ କିଛି ଦିନ ହେବ ଖୋର୍ଦ୍ଧା ଜିଲ୍ଲା ବାଲିଅନ୍ତା ବ୍ଲକ ଜୟଦେବ ପଚାଂୟତ ଫିରଫିରା ଅଂଚଳରେ ଆତଙ୍କ ସୃଷ୍ଟି କରୁଛନ୍ତି ଜଙ୍ଗଲୀ ଜନ୍ତୁ। ଏହାକୁ ଆଖି ଆଗରେ ରଖି ଅଜଣା ଜନ୍ତୁଙ୍କୁ ଘଉଡ଼ାଇବା ପାଇଁ ଚାଷୀ ଓ ବନ ବିଭାଗ ବହୁତ କସରତ କରୁଛନ୍ତି । ଚାଷୀ ହାତରେ ଠେଙ୍ଗା ଧରି ବାହାରିପଡୁଥିବା ବେଳେ ବାଳକାଟି ବନ ବିଭାଗ ଆଖୁ କିଆରୀ ଓ ନିକଟରେ ଥିବା ଜଙ୍ଗଲ ପାଖରେ ବାଣ ଫୁଟାଉଛନ୍ତି । ଆଜି ବାଳକାଟି ବନ ବିଭାଗ ଘଟଣାସ୍ଥଳ ପରିଦର୍ଶନ କରିବା ସହ ବାଣ ଫୁଟାଇ ଜଙ୍ଗଲୀ ଜନ୍ତୁଙ୍କୁ ଘଉଡାଇବା ପାଇଁ ଉଦ୍ୟମ କରି ବିଫଳ ହୋଇଛନ୍ତି । ଏହା ସହିତ ଜନ୍ତୁର ପାଦ ଚିହ୍ନକୁ ମଧ୍ୟ ନିରୀକ୍ଷଣ କରୁଛନ୍ତି ବନ ବିଭାଗ କର୍ମଚାରୀ ।
ସୂଚନାଯୋଗ୍ୟ, ଗତ କିଛିଦିନ ହେବ ଖୋର୍ଦ୍ଧା ଜିଲ୍ଲା ବାଲିଅନ୍ତା ବ୍ଲକ ଜୟଦେବ ପଚାଂୟତର ଫିରଫିରା ଅଂଚଳରେ ଅଜଣା ଜନ୍ତୁର ଆତଙ୍କ ଦେଖାଦେଇଛି । ଆଖୁ ଫସଲକୁ ଖାଇବା ସହ ନଷ୍ଟ କରୁଛନ୍ତି ଜଙ୍ଗଲୀ ଜନ୍ତୁ । ଫଳରେ ସ୍ଥାନୀୟ ଚାଷୀଙ୍କ ଶତାଧିକ ଆଖୁ ଫସଲ ନଷ୍ଟ ହୋଇଯାଇଛି ।
ଗତ କିଛି ମାସ ତଳେ ବାଲିଟଣା ଓ ନିଆଳି ଅଂଚଳରେ ମେଣ୍ଢାଖିଆ ଅଜଣା ଜନ୍ତୁର ଆତଙ୍କ ଦେଖା ଦେଇଥିଲା । ଏବେ ପୁଣି ରାତି ଅଧରେ ଅଜଣା ଜନ୍ତୁର ଆତଙ୍କ ଯୋଗୁଁ ଶହ ଶହ ଏକର ଆଖୁ ଫସଲ ନଷ୍ଟ ହେବାକୁ ବସିଛି । ବିଭିନ୍ନ ସଂସ୍ଥାରୁ ଋଣ ଆଣି ଆଖୁ ଫସଲ କରିଥିବା ଆଖୁ ଚାଷୀ ଏବେ ଚିନ୍ତାରେ । ସେପଟେ ବାଳକାଟି ବନ ବିଭାଗ ପକ୍ଷରୁ ରାତି ପେଟ୍ରୋଲିଙ୍ଗ କରାଯିବା ସହ ଜନ୍ତୁଙ୍କୁ ଠାବ କରାଯିବ ବୋଲି ବନ ବିଭାଗ କହିଛି । ସେପଟେ ଆଖୁ ଚାଷୀ କ୍ଷତିଗ୍ରସ୍ତଙ୍କୁ ଚିହ୍ନଟ କରାଯାଇ କ୍ଷତି ପୂରଣ ଦିଆଯିବ ବୋଲି କହିଛି ବନ ବିଭାଗ ।