ବନ୍ୟା ବଢାଇଲା ଟେନସନ୍ । ମହାନଦୀରେ ବନ୍ୟାଜଳ ପ୍ରଭାହିତ ହେବା ପରେ ତାର ଶାଖାନଦୀରେ ବନ୍ୟାର ଆଶଙ୍କା ଦେଖାଦେଇଛି । ଶାଖାନଦୀ କାଦୁଆରେ ୩୦ ଫୁଟର ଘାଇ ସୃଷ୍ଟି ହୋଇଛି । ଗାଁ, ଚାଷଜମି ସବୁଆଡେ ବନ୍ୟା ଜଳ ମାଡିଯାଇଛି । ଯାହାଫଳରେ ଗ୍ରାମବାସୀମାନେ ଆତଙ୍କିତ ଅବସ୍ଥାରେ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଯୋଗ୍ୟ କି, ମହାନଦୀର ଶାଖା ଦେବୀ ନଦୀରେ ଅସ୍ତରଙ୍ଗ ବାଉରିଆକଣ ଠାରେ ବନ୍ୟା ଜଳ ଧିରେ ଧିରେ ବୃଦ୍ଧି ପାଇବାରେ ଲାଗିଛି । ଦେବୀର ଶାଖା କାଦୁଆ ଓ ପ୍ରାଚୀ ନଦୀରେ ବନ୍ୟା ଜଳ ବୃଦ୍ଧି ପାଉଛି । ଅସ୍ତରଙ୍ଗ ନିକଟସ୍ଥ ସୁଦ୍ଧିକେଶ୍ୱର ଗ୍ରାମ ନିକଟରେ କାଦୁଆ ନଦୀର ଉତ୍ତର ପଟ ବନ୍ଧରେ ୩୦ ଫୁଟର ଘାଇ ସୃଷ୍ଟି ହେବା ସହ ତାହା ଧିରେ ଧିରେ ମେଲିବାରେ ଲାଗିଛି । ଶହସହ ଏକର ଚାଷ ଜମି ବୁଡିବାରେ ଲାଗିଛି । ଗତ କାଲି ଠାରୁ ଘାଇ ସୃଷ୍ଟି ହୋଇଥିଲେ ମଧ୍ୟ ଆଜି ସୁଦ୍ଧା ନିମାପଡା ଜଳସେଚନ କେନ୍ଦ୍ର ପକ୍ଷରୁ କୌଣସି ମରାମତିର ବ୍ୟବସ୍ଥା କରାଯାଇପାରି ନାହିଁ । ଆଜି ସଂନ୍ଧ୍ୟା ସୁଦ୍ଧା ୪ଟି ଗାଁରେ ବନ୍ୟା ଜଳ ପଶିବାର ଆଶଙ୍କା ରହିଥିବା ବେଳେ ସୁଦ୍ଧିକେଶ୍ୱର ଗାଁର ଅନ୍ୟ ଚାରୋଟି ଅଞ୍ଚଳ ଆତଙ୍କିତ ଅବସ୍ଥାରେ ଅଛନ୍ତି ।