ତୋର ମୋର ଯୋଡି, ବିହି ଦେଇଛି ଗଢି… ରଙ୍ଗ ନମ୍ବରରୁ ପ୍ରେମ, ଦେଖା ଚାହାଁ ପରେ ବାହାଘର । ଆକର୍ଷଣ, ଆତ୍ମୀୟତା ଆଗରେ ହାରମାନିଲା ଉଚ୍ଚତା ।
କନକ ବ୍ୟୁରୋ: ତୋର ମୋର ଯୋଡି, ବିହି ଦେଇଛି ଗଢି… ରଙ୍ଗ ନମ୍ବରରୁ ପ୍ରେମ, ଦେଖା ଚାହାଁ ପରେ ବାହାଘର । ଆକର୍ଷଣ, ଆତ୍ମୀୟତା ଆଗରେ ହାରମାନିଲା ଉଚ୍ଚତା । ୩ ଫୁଟ ୩ ଇଞ୍ଚର ପ୍ରେମକୁ ଆପଣାଇନେଲା ୫ ଫୁଟ ୨ ଇଞ୍ଚର ପ୍ରେମିକା । ସାମ୍ନାକୁ ଆସିଲା ସୋର ସିମୁଳିଆ ଅଞ୍ଚଳର ତାପସ, ସଂଯୁକ୍ତାଙ୍କ ପ୍ରେମକାହାଣୀ…
Kanak News is now on WhatsApp
Join and get latest news updates delivered to you via WhatsApp
ମୋ ଆଖିର ଆଇନା ତୁ, ମୋ ମନର ମଇନା ତୁ… ତୁ ବି ମୋ ଦିଲର ଧଡକନ । ତୋତେ ଦେଖି ଦେଖି ବିତିଯାଉ ଦିନ ତୁ ଆଜିଠାରୁ ସାଜିଲୁ ଜୀବନ । ପ୍ରେମର ପର୍ବତ ଚଢି ଏବେ ହୃଦୟର ହିମାଳୟରେ ନୂଆ ନୂଆ ସଂସାର କରିଥିବା ଏ ପ୍ରେମୀ ଯୁଗଳଙ୍କ ପ୍ରେମକାହାଣୀ ଟିକେ ନିଆରା । ଏଠି ହୃଦୟ ଦେଖିନି ହାଇଟ୍, ଆକର୍ଷଣ ଦେଖିନି ଉଚ୍ଚତା । ଆତ୍ମୀୟତା ଆଗରେ ଏଠି ହାରମାନିଛି ଶରୀରର ଉଚ୍ଚତା । ଆଉ ସମାଜର ସବୁ ବାଧାବିଘ୍ନ ଭିତରେ ଏକାଠି ହୋଇଛନ୍ତି ତାପସ ଓ ସଂଯୁକ୍ତା ।
୩ ଫୁଟ ୩ ଇଞ୍ଚର ପ୍ରେମକୁ ଆପଣାଇନେଲା ୫ ଫୁଟ ୨ ଇଞ୍ଚର ପ୍ରେମିକା । ଆଜ୍ଞା ହଁ, ଏ ବର କନ୍ୟାଙ୍କ ଉଚ୍ଚତା ଏମିତି । ସ୍ୱାମୀ ସ୍ତ୍ରୀଙ୍କ ଠାରୁ ଉଚ୍ଚତାରେ କମ ଥିଲେ ବି ଏମାନଙ୍କ ପ୍ରେମ କିନ୍ତୁ ଏଭରେଷ୍ଟଠୁ ବି ଉଚ୍ଚ । ରଙ୍ଗ ନମ୍ବରରେ ପ୍ରେମ ପରେ ବାହା ହୋଇ ଦୁହେଁ ଦୁହିଁଙ୍କ ହାତ ନ ଛାଡିବାର ପ୍ରତିଶ୍ରୁତି ଦେଇଛନ୍ତି ।
ବାଲେଶ୍ୱର ସିମୁଳିଆ ବ୍ଲକ କୁଣ୍ଡି ଗାଁର ତାପସ ରାଉତଙ୍କ ଉଚ୍ଚତା କମ ହୋଇଥିବା ବେଳେ ହୋଇଥିବା ରଙ୍ଗ ନମ୍ବରରେ ବାହାନଗାର ସଂଯୁକ୍ତାଙ୍କୁ ପ୍ରେମ କରି ବସିଥିଲେ । କେବେ ବି ଦୁହେଁ ଦୁହିଁଙ୍କୁ କେବେ ଦେଖିନଥିବା ବେଳେ ନିଜ ପ୍ରେମକୁ ସ୍ୱୀକୃତି ଦେବାକୁ ଆଗେଇ ଆସିଥିଲେ । ଦୁହେଁ ଭିନ୍ନ ଜାତି ହୋଇଥିଲେ ବି ଭିନ୍ନତା ଭିତରେ ଦୁହେଁ ଦୁହିଁଙ୍କୁ ନିଜର କରିଥିଲେ । ଆଉ ଗତ ୧୨ ତାରିଖ ହଗ ଡେରେ ହିଁ ହୃଦୟ ଦିଆନିଆ ପରେ ହାତଗଣ୍ଠି ପଡିଥିଲା । ଶିବ ମନ୍ଦିରରେ ବିବାହ କରିବା ପରେ ବେଶ ଖୁସିରେ ଅଛନ୍ତି ତାପସ ସଂଯୁକ୍ତା । ତେବେ ସମାଜ ଯେଉଁଠି ଏମିତି ଉଚ୍ଚନିଚ୍ଚକୁ ଆଡ ଆଖିରେ ଦେଖେନି ସେଠି ନିଜ ପ୍ରେମ ପାଇଁ ଏମାନେ କରିଥିବା ତ୍ୟାଗକୁ ମନେ ରଖିବ ଦୁନିଆ ।