ଏମିିତି ହେଉଛି ଦୁର୍ନୀତି…୩୬ ଲକ୍ଷ ଟଙ୍କାରେ ନିର୍ମାଣ ହେଇଛି ପ୍ରକଳ୍ପ । ହେଲେ ଏଯାଏଁ ଚାଷୀ ପାଇପାରୁନି ପାଣି ।
କନକ ବ୍ୟୁରୋ: ମାଲକାନଗିରି ଖଇରପୁଟ ବ୍ଲକ ଅନ୍ତର୍ଗତ ଦୋରାଗୁଡା ଜଳସେଚନ ପ୍ରକଳ୍ପ । ୨୦୦୨ରେ ବ୍ଲକ ଅନ୍ତର୍ଗତ ୨୦ରୁ ଅଧିକ ଗାଁର ହଜାର ହଜାର ହେକ୍ଟର ଚାଷ ଜମିକୁ ଜଳସେଚିତ କରିବା କ୍ଷୁଦ୍ର ଜଳ ସେଚନ ବିଭାଗ ଦାୟିତ୍ୱ ନେଇଥିଲା । ପାହାଡିଆ ନାଳ ପାଣିକୁ ଅଟକାଇ ଡାଇଭର୍ସନ କେନାଲ ଯୋଗେ ଜଳସେଚନ କରିବା ଲାଗି ୧୦ କୋଟିରୁ ଅଧିକ ଟଙ୍କା ଖର୍ଚ୍ଚର୍ ହୋଇଛି । ଗାଁ ଲୋକେ କେନାଲ ବାବଦକୁ ହେକ୍ଟର ହେକ୍ଟର ଚାଷ ଜମି ହରାଇଛନ୍ତି । ହେଲେ ଲୋକେ କେନାଲ ଦେଇ ଟୋପାଏ ପାଣି ପାଇ ନାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟରେ ଜଳସେଚନ ବ୍ୟବସ୍ଥା କେତେ ଦୁର୍ବଳ ତାହା ଜିଲ୍ଲାର ଚେକଡ୍ୟାମ୍ ଗୁଡିକୁ ଦେଖିଲେ ସହଜରେ ଅନୁମାନ କରାଯାଇ ପାରେ । ମାଲକାନଗିରି ଜିଲ୍ଲା ସଦର ମହକୁମା ସ୍ଥିତ ଏମଭି ୮ ଗାଁ ନାଳରେ ୩ଟି ଚେକ ଡ୍ୟାମ ନିର୍ମାଣ ହୋଇଛି । ହେଲେ ପ୍ରକଳ୍ପରୁ ଦୁର୍ନୀତିର ଗନ୍ଧ ସ୍ପଷ୍ଟ ବାରି ହୋଇ ପଡୁଛି । ମୋଟ ୧୯ ବର୍ଗ କିଲୋମିଟର ପାଣି ଗଚ୍ଛିତ ରଖିବା ଲାଗି ଏହି ପ୍ରକଳ୍ପଟି ୨୭ ଲକ୍ଷ ଅଟକଳ ମୂଲ୍ୟରେ ଆରମ୍ଭ ହୋଇଥିଲା । ଏହି ପ୍ରକଳ୍ପର ମୂଲ୍ୟ ଏବେ ୩୬ ଲକ୍ଷରେ ପହଁଚିଛି । ହେଲେ ଏଥିରୁ ଇଞ୍ଚେ ଜମିକୁ ପାଣି ମଡାଇ ପାରି ନାହାନ୍ତି ଚାଷୀ ।
ଚାଷୀଙ୍କ ପେଟକୁ ଲାତ ମାରି ସରକାରୀ ଅର୍ଥକୁ କେମିତି ହରି ଲୁଟ କରାଯାଇପାରେ, ତାହା ଉପାନ୍ତ କାଲିମେଳା ବ୍ଲକ ଅନ୍ତର୍ଗତ ଏହି ଚେକ୍ ଡ୍ୟାମକୁ ଦେଖିଲେ ସ୍ପଷ୍ଟ ବୁଝା ପଡିବ । ୯୦ ବର୍ଗ କିଲୋମିଟରରେ ପାଣିକୁ ଗଚ୍ଛିତ ରଖିବା ଲାଗି ୬୨ ଲକ୍ଷ ସରକାରୀ ଅନୁଦାନ କେମିତି ବାଟମାରଣ ହୋଇଛି, ତାହା କିଛି ଚିତ୍ର ହିଁ ବୟାନ କରୁଛି । ଆଉ ବାରମ୍ବାର ଯୋଗାଯୋଗ ସତ୍ତେ୍ୱ ମାଲକାନଗିରି ଜଳସେଚନ ବିଭାଗର ନିର୍ବାହୀ ଯନ୍ତ୍ରୀଙ୍କ ପ୍ରତିକ୍ରିୟା କିନ୍ତୁ ମିଳି ପାରିନାହିଁ । ତେବେ ଚାଷୀଙ୍କ ପାଇଁ ଜଳସେଚନ ବିଭାଗ ଓ ସରକାର କେତେ ତତ୍ପର ତାହା ଏହି ଦୃଶ୍ୟ ହିଁ ବୟାନ କରୁଛି ।