ଇଣ୍ଟରନେଟ୍ ୱାର ଲାଗି ମାଓବାଦୀଙ୍କ ପ୍ରସ୍ତୁତି : ସୋସିଆଲ ମିଡିଆକୁ ଅସ୍ତ୍ର କରି ସରକାରଙ୍କ ବିରୋଧରେ ଲଢେଇ ପାଇଁ ଆଦିବାସୀଙ୍କୁ ପ୍ରବର୍ତ୍ତାଉଛନ୍ତି ମାଓନେତା
କନକ ବ୍ୟୁରୋ : ଇଣ୍ଟରନେଟ୍ ୱାର ଲାଗି ମାଓବାଦୀଙ୍କ ପ୍ରସ୍ତୁତି । ସୋସିଆଲ ମିଡିଆକୁ ଅସ୍ତ୍ର କରି ସରକାରଙ୍କ ବିରୋଧରେ ଲଢେଇ କରିବା ଲାଗି ଆଦିବାସୀଙ୍କୁ ପ୍ରବର୍ତ୍ତାଉଛନ୍ତି ମାଓ ନେତା । ମାଓବାଦୀଙ୍କ ଏପରି ଏକ ଚାଂଚଲ୍ୟକର ଭିଡିଓ ଏବେ ସାମ୍ନାକୁ ଆସିଛି । ଜୁଲାଇ ୨୮ ଠାରୁ ଅଗଷ୍ଟ ୩ ତାରିଖ ଯାଏଁ ମାଓବାଦୀଙ୍କ ସହିଦ ସପ୍ତାହ ଜାରି ରହି ଥିବା ବେଳେ ଗାଁ ଗାଁରେ ସଭା ସମିତିର ଆୟୋଜନ କରି ମାଓବାଦୀ ମାନେ ସଙ୍ଗଠନକୁ ମଜବୁତ କରିବାକୁ ଜନତାଙ୍କୁ ଆହ୍ୱାନ ଦେଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଉ ଚଳିତ ବର୍ଷ ଏପରି ସଭା ମାନଙ୍କୁରେ ସୋସିଆଲ ମିଡିଆର ବହୁଳ ବ୍ୟବହାର କରିବା ଲାଗି ଗୁରୁତ୍ୱ ଦେଉଛନ୍ତି ମାଓନେତା । ଛତିଶଗଡ ସୁକୁମା ଓ ବିଜାପୁର ସୀମାବର୍ତ୍ତୀ ଜଂଗଲରେ ଆୟୋଜିତ ଏହି ସଭାରେ ଜଣେ ବନ୍ଧୁକ ଧାରି ଟପ ମାଓନେତା ଗୋଣ୍ଡି ଭାଷାରେ କେମିତି ଇଣ୍ଟରନେଟ୍ ଯୁଦ୍ଧ ଲାଗି ଗ୍ରାମବାସୀଙ୍କୁ ପ୍ରବର୍ତ୍ତାଉଛନ୍ତି । ତାହା ଦେଖିବାକୁ ମିଳିଛି ।