ଚୌରି- ଚୌରା ଶତାବ୍ଦୀ ସମାରୋହ । ଭର୍ଚୁଆଲ ଉତ୍ସବରେ ଯୋଗଦେଲେ ପ୍ରଧାନମନ୍ତ୍ରୀ ମୋଦି । କହିଲେ ଶହୀଦ୍ ଙ୍କ ବଳିଦାନକୁ ମନେ ରଖିବ ଦେଶ
କନକ ବ୍ୟୁରୋ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ଦିନ ସ୍ୱତନ୍ତ୍ରତା ଆନ୍ଦୋଳନର ଐତିହାସିକ ପୀଠ ଚୌରା-ଚୌରି ଘଟଣାର ଶତାବ୍ଦୀ ସମାରୋହର ଶୁଭାରମ୍ଭ କରିଛନ୍ତି । ଉତ୍ତରପ୍ରଦେଶର ସମସ୍ତ ଜିଲ୍ଲାରେ ଏହି କାର୍ଯ୍ୟକ୍ରମର ଆୟୋଜନ କରାଯାଇଛି । ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ମୋଦି ଭିଡିଓ କନଫରେନ୍ସିଂ ମାଧ୍ୟମରେ ଯୋଗ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହି ସମାରୋହରେ ଯୋଗ ଦେଇ ସେ ଶହୀଦ୍ ଙ୍କ ବଳିଦାନକୁ ଦେଶ ସର୍ବଦା ମନେ ରଖିବ ବୋଲି କହିଥିଲେ । ଏହି ଅବସରରେ ପ୍ରଧାନମନ୍ତ୍ରୀ ଏକ ଡାକ ଟିକଟର ଉନ୍ମୋଚନ କରିଛନ୍ତି । ୧୯୨୨ ମସିହା ଫେବୃଆରୀ ୪ ତାରିଖରେ ଚେଯରି- ଚୌରାରେ ଘଟିଥିବା ଏକ ଘଟଣାକୁ ନେଇ ଉତ୍ତେଜିତ ଲୋକେ ସ୍ଥାନୀୟ ପୋଲିସ ଷ୍ଟେସନରେ ନିଆଁ ଲଗାଇ ଦେଇଥିଲେ । ଫଳରେ ପୋଲିସ ଷ୍ଟେସନରେ ଥିବା ପୋଲିସ ମାନଙ୍କ ମଧ୍ୟରୁ ୨୩ ଜଣଙ୍କର ପ୍ରାଣହାନୀ ଘଟିଥିବା ବେଳେ ୩ ଜଣ ସାଧାରଣ ଲୋକଙ୍କ ଜୀବନ ଯାଇଥିଲା । ଏହି ଘଟଣା ପରେ ମହାତ୍ମା ଗାନ୍ଧୀ ଅସହଯୋଗ ଆନ୍ଦୋଳନକୁ ପ୍ରତ୍ୟାହାର କରିନେଇଥିଲେ । ଏହି ସମାରୋହରେ ପ୍ରଧାନମନ୍ତ୍ରୀ ଚଳିତ ବଜେଟକୁ ନେଇ ବିରୋଧୀ ମାନେ ଦେଉଥିବା ମନ୍ତବ୍ୟ ଉପରେ କଡା ଜବାବ୍ ରଖିଛନ୍ତି । ପ୍ରଧାନମନ୍ତ୍ରୀ କହିଛନ୍ତି କି ‘ଆମ ସରକାର ଚଳିତ ବଜେଟରେ କୌଣସି ବର୍ଗର ବ୍ୟକ୍ତିଙ୍କ ଉପରେ ନୂଆ ଟିକସ୍ ଲଗାଇ ନାହାନ୍ତି’ । ଏହାସହ ସେ ବିରୋଧୀଙ୍କୁ ଘେରିବାକୁ ଯାଇ କହିଛନ୍ତି କି ପୂର୍ବ ସରକାର ମାନେ ଭୋଟବ୍ୟାଙ୍କକୁ ନଜରରେ ରଖି ବଜେଟ୍ ପ୍ରସ୍ତୁତ କରୁଥିଲେ । ଅନ୍ୟପଟେ କରୋନା ସଂକଟ ସମୟରେ ବିଶେଷଜ୍ଞ ମାନେ କହୁଥିଲେ କି ସରକାର ଚଳିତ ବଜେଟରେ ସାଧାରଣ ଲୋକଙ୍କ ଉପରେ ବଡ ଟ୍ୟାକ୍ସ ଲଗାଇବେ । ହେଲେ ଚଳିତ ବଜେଟରେ କୌଣସି ବର୍ଗର ଲୋକଙ୍କ ଉପରେ କିଛି ବି ନୂଆ ଟ୍ୟାକ୍ସ ଲଗାଯାଇ ନଥିବା ସେ କହିଛନ୍ତି ।
ଏପଟେ ୨ ମାସରୁ ଅଧିକ ସମୟ ଧରି ଚାଲିଥିବା କୃଷକ ଆନ୍ଦୋଳନକୁ ନେଇ ପ୍ରଧାନମନ୍ତ୍ରୀ କହିଛନ୍ତି କି ବଜେଟରେ କୃଷକ ମାନଙ୍କ ଆୟ ପ୍ରତି ବିଶେଷ ଧ୍ୟାନ ଦିଆଯାଇଛି । ମଣ୍ଡି ଗୁଡିକୁ ଅଧିକ ମଜଭୁତ୍ କରିବାକୁ ବଜେଟରେ ଅର୍ଥ ବ୍ୟୟବରାଦ କରାଯାଇଛି ।