କନକ ବ୍ୟୁରୋ: ଟେକ୍ କମ୍ପାନୀ ସବୁବେଳେ ଚର୍ଚ୍ଚାରେ ରହିଆସିଥାନ୍ତି । କେତେବେଳେ ନୂଆ ଉତ୍ପାଦର ବଜାର ପ୍ରବେଶ ତ ଆଉ କେତେବେଳେ ବଡ ଧରଣର କର୍ମଚାରୀ ଛଟେଇକୁ ନେଇ । ଚଳିତ ବର୍ଷର ତଥ୍ୟ ଉପରେ ନଜର ପକାଇଲେ ଜଣାପଡେ ଯେ, ଟେକ କମ୍ପାନୀ ବର୍ତ୍ତମାନ ସୁଦ୍ଧା ୭୦ ହଜାରରୁ ଅଧିକ କର୍ମଚାରୀଙ୍କୁ ଚାକିରୀରୁ ବାହାର କରିସାରିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଚିନ୍ତାର ବିଷୟ ଯେ, କରୋନା ମହାମାରୀ ପରେ ଯେତେବେଳେ ବିଶ୍ୱ ସାଧାରଣ ଅବସ୍ଥାକୁ ଫେରୁଛି ସେତେବେଳେ ଆଉଟି କମ୍ପାନୀ ବଡଧରଣରେ କର୍ମଚାରୀ ମାନଙ୍କୁ ଚାକିରୀରୁ ବିଦା କରୁଛି । ଏଥିରେ ଅନେକ ସଂଖ୍ୟାରେ ବଡ ବଡ କମ୍ପାନୀ ମଧ୍ୟ ସାମିଲ ରହିଛନ୍ତି । ଚଳିତ ବର୍ଷ ୭୦ ହଜାର କର୍ମଚାରୀଙ୍କ ଚାକିରୀ ଯାଇସାରିଥିବା ବେଳେ ୨୦୨୨ ମସିହାରେ ଏହି ସଂଖ୍ୟା ଥିଲା ଦେଢ ଲକ୍ଷ ।
ଆସନ୍ତୁ ଜାଣିବା କେଉଁ କମ୍ପାନୀ କେତେ କର୍ମଚାରୀଙ୍କୁ ଚାକିରୀରୁ ବିଦା କରିଛନ୍ତି ।
ଆଲ୍ଫାବେଟ୍- ୧୨ ହଜାର କର୍ମଚାରୀ
ଆମାଜନ- ୧୮ ହଜାର କର୍ମଚାରୀ
ମେଟା- ୧୧ ହଜାର କର୍ମଚାରୀ
ମାଇକ୍ରୋସଫ୍ଟ- ୧୦ ହଜାର କର୍ମଚାରୀ
ଟ୍ୱିଟର- ୪ ହଜାର କର୍ମଚାରୀ
ସେଲ୍ଫଫୋର୍ସ- ୮ ହଜାର କର୍ମଚାରୀ
ଓି୍ୱପ୍ରୋ- ୪୦୦ କର୍ମଚାରୀ
ସ୍ୱିଗି- ୩୮୦ କର୍ମଚାରୀ
ମେଡିବଡି- ୨୦୦ କର୍ମଚାରୀ
ଓଲା- ୨ ଶହ କର୍ମଚାରୀ
ସେଫୋସ- ୪୫୦ କର୍ମଚାରୀ
ଏହା ଛଡା ଟେସଲା, ନେଟଫ୍ଲିକ୍ସ, ରବିନ ହୁଡ୍, ସ୍ନାପ, କାଁଇନବେସ, ସ୍ପଟିଫ ସହିତ ଅନେକ କମ୍ପାନୀ ମଧ୍ୟ ଏହି ଶ୍ରେଣୀରେ ଆସୁଛନ୍ତି ଯେଉଁମାନେ କର୍ମଚାରୀଙ୍କୁ ଛଟେଇ କରିଥିଲେ । ଅନେକ କାରଣରୁ କମ୍ପାନୀମାନେ ଏହିଭଳି ଛଟେଇ କରୁଛନ୍ତି । ଏଥିରେ ପ୍ରମୁଖ କାରଣ ହେଇଛି ବିଶ୍ୱସ୍ତରରେ ମାନ୍ଦାବସ୍ଥା, କରୋନା ପରେ ବିଶ୍ୱର ଅର୍ଥନୀତି ଧିରେ ଧିରେ ଟ୍ରାକକୁ ଫେରୁଛି । ଅନେକ ଦେଶ ଖରାପ ପରିସ୍ଥିତି ଦେଇ ଗତିକରୁଛନ୍ତି । ଋଷ-ୟୁକ୍ରେନ କାରଣରୁ ଏହିଭଳି ଅର୍ଥନୀତି ଉପରେ ପ୍ରଭାବ ପଡୁଛି ।