ଦୁଇ ବରିଷ୍ଠ ନେତାଙ୍କ ଦମ୍ଭୋକ୍ତି । ଦାମ କହିଲେ ବିଧାନସଭାରେ ଆଶାନୁରୁପ ଆସନ ନପାଇବାର ତର୍ଜମା କରିବ ବିଜେପି :ସେପଟେ ସୁର କହିଲେ ପରାଜୟର ସମୀକ୍ଷା କରିବ କଂଗ୍ରେସ
ଏବେଠୁ ଆରମ୍ଭ ହୋଇଗଲାଣି ୨୦୨୪ ନିର୍ବାଚନ ପାଇଁ ଅଙ୍କକଷା
କନକ ବ୍ୟୁରୋ : ବିଜେପିର ବରିଷ୍ଠ ନେତା ଦାମୋଦର ରାଉତ ଓ କଂଗ୍ରେସର ବରିଷ୍ଠ ବିଧାୟକ ସୁରେଶ ରାଉତରାୟ ୨୦୨୪ରେ ସରକାର ଗଢିବା ନେଇ ଦମ୍ଭୋକ୍ତି କରିଛନ୍ତି । ଗତକାଲି ଦାମଙ୍କୁ ନେଇ ଚର୍ଚ୍ଚା ସରଗରମ ହେଲା ଯେତେ ବେଳେ ପୁଅ ସମ୍ବିତ ରାଉତରାୟ କହିଲେ, ବାପା ବିଜେପିରେ ଖୁସିନାହାନ୍ତି । ଏହାକୁ ଖଣ୍ଡନ କରିଥିଲେ ଦାମୋଦର ରାଉତ । ଆଉ ଏବେ ବିଧାନସଭାରେ ବିଜେପିକୁ ଆଶାନୁରୁପ ଆସନ ନମିଳିବା ସଂପର୍କରେ ଦଳ ତର୍ଜମା କରିବ ବୋଲି କହିଛନ୍ତି । ୨୦୧୪ ନିର୍ବାଚନରେ ବିଜେପି ଗୋଟିଏ ଲୋକସଭା ଆସନ ପାଇଥିବା ବେଳେ ୧୦ଟି ବିଧାନସଭା ଆସନ ଅକ୍ତିଆର କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ସେହି ଅନୁପାତରେ ଏଥର ନିର୍ବାଚନରେ ଦଳ ଆଠଟି ଲୋକସଭା ଆସନ ପାଇଥିବାରୁ ୮୦ ବିଧାନସଭା ପାଇବା କଥା ବୋଲି ଦାମ କହିଛନ୍ତି । ସେପଟେ ଯୁବ ତଥା ନୂଆ ଚେହେରାଙ୍କୁ ଟିକେଟ ଦେଇ ରାଜ୍ୟରେ କୌଣସି କରିସ୍ମା କରିପାରଲାନି କଂଗ୍ରେସ । ତେଣୁ ପରାଜୟର ପୋଷ୍ଟମର୍ଟମ କରାଯିବ ଓ କାହିଁକି ଦଳୀୟ ପ୍ରାର୍ଥୀ ବିଭିନ୍ନ ସ୍ଥାନରେ ହାରିଲେ ତାହାର କାରଣ ଖୋଜାଯିବ ବୋଲି କହିଛନ୍ତି କଂଗ୍ରେସର ବରିଷ୍ଠ ବିଧାୟକ ସୁରେଶ ରାଉତରାୟ ।