ରାଞ୍ଚିରେ ଆୟୋଜିତ ହେବ ପଞ୍ଚମ ଆନ୍ତର୍ଜାତିକ ଯୋଗ ଦିବସ, ୩୦ ହଜାର ଯୋଗ ଶ୍ରଦ୍ଧାଳୁଙ୍କ ନେତୃତ୍ୱ ନେବେ ପ୍ରଧାନମନ୍ତ୍ରୀ ।
କନକ ବ୍ୟୁରୋ: ଯୋଗ ଦିବସ ପାଇଁ ସଜବାଜ । ପଂଚମ ଆନ୍ତର୍ଜାତିକ ଯୋଗ ଦିବସ ଅବସରରେ ରାଂଚିରେ ଆୟୋଜିତ କାର୍ଯ୍ୟକ୍ରମରେ ୩୦,୦୦୦ ଯୋଗ ଶ୍ରଦ୍ଧାଳୁଙ୍କ ନେତୃତ୍ୱ ନେବେ ପ୍ରଧାନମନ୍ତ୍ରୀ । ଆସନ୍ତା ଜୁନ୍ ୨୧ ତାରିଖରେ ଝାଡଖଣ୍ଡର ରାଂଚିରେ ଥିବା ପ୍ରଭାତ ତରାଠାରେ ପାଳିତ ହେବାକୁ ଥିବା ଆନ୍ତର୍ଜାତିକ ଯୋଗ ଦିବସର ନେତୃତ୍ୱ ନେବ ପ୍ରଧାନନ୍ତ୍ରୀ ନରେନ୍ଦ୍ର ମୋଦି ।
Kanak News is now on WhatsApp
Join and get latest news updates delivered to you via WhatsApp
ଦେଶବ୍ୟାପୀ ଏହି ଆନ୍ତର୍ଜାତିକ ଯୋଗ ଦିବସ ପାଳନ କରିବା ପାଇଁ ମୁଖ୍ୟ ମନ୍ତ୍ରଣାଳୟ ଆୟୁଷ ରହିବ ବୋଲି ପିଆଇବି ତରଫରରୁ ସୂଚନା ମିଳିଛି । ଚଳିତ ଥର ଆନ୍ତର୍ଜାତିକ ଯୋଗ ଦିବସର ଗୁରୁତ୍ୱ ହେଉଛି ହଜାରରୁ ଉଦ୍ଧ୍ୱର୍ ସ୍ଥାନରେ ବହୁ ସଂଖ୍ୟାରେ ଜନସାଧାରଣଙ୍କୁ ନେଇ ସମତାଳରେ ଯୋଗ ପ୍ରଦର୍ଶନ କରାଯିବ । ତେବେ ଏହି ଆନ୍ତର୍ଜାତିକ ଯୋଗ ଦିବସରେ ଭାଗନେବେ ଭାରତର ପ୍ରଖ୍ୟାତ ଯୋଗଗୁରୁ ।
ଅନ୍ୟପଟେ ଯୋଗ ଦିବସ ପୂର୍ବରୁ ଜୁନ ୧୩ରେ ରାଂଚିଠାରେ ଏନେଇ ଏକ ପୂର୍ବ ପ୍ରସ୍ତୁତି କାର୍ଯ୍ୟକ୍ରମ ଆୟୋଜନ କରାଯିବ । ଯେଉଁଥିରେ କି ବିଭିନ୍ନ ଯୋଗାନୁଷ୍ଠାନ ଏବଂ ଯୋଗ ଗୁରୁଙ୍କ ବ୍ୟତୀତ ଅନେକ ପଦାଧିକାରୀ ଯୋଗଦେବେ । ବିଗତ ୪ ବର୍ଷ ମଧ୍ୟରେ ମନ୍ତ୍ରଣାଳୟ ଆନ୍ତର୍ଜାତିକ ଯୋଗ ଦିବସ ସମ୍ବନ୍ଧୀୟ ଅନେକ କାର୍ଯ୍ୟକ୍ରମ ସଫଳତାର ସହ ଆୟୋଜନ କରିଛି । ଜାତୀୟ ଗୁରୁତ୍ୱ ଦୃଷ୍ଟିରୁ ଏବଂ ସାର୍ବଜନୀନ ସ୍ୱାସ୍ଥ୍ୟ ଓ କଲ୍ୟାଣ କ୍ଷେତ୍ରରେ ଦୀର୍ଘସ୍ଥାୟୀ ଲାଭ ପାଇବା ପାଇଁ ଜୁନ ୨୧, ୨୦୧୯ରେ ଆନ୍ତର୍ଜାତିକ ଯୋଗ ଦିବସ ପାଳନ କରିବା ପାଇଁ ମିଳିତ ଭାବେ କାର୍ୟ୍ୟ କରିବା ଲାଗି ଆୟୁଷ ମନ୍ତ୍ରଣାଳୟ କେନ୍ଦ୍ର ଓ ରାଜ୍ୟର ସମସ୍ତ ଅଂଶୀଦାର ମନ୍ତ୍ରଣାଳୟ, ବିଭାଗ ଏବଂ ଅନ୍ୟାନ୍ୟ ସଂପୃକ୍ତ ଅନୁଷ୍ଠାନଗୁଡ଼ିକୁ ଅନୁରୋଧ କରିଛି ।