ଟ୍ରେନରେ ଅସ୍ୱାସ୍ଥ୍ୟକର ଖାଦ୍ୟ ! ଯାତ୍ରୀଙ୍କୁ ପରସା ଯାଇଥିବା ଭେଜ୍ ବିରିୟାନୀରେ ଥିଲା ଝିଟିପିଟି
ସଂସଦରେ ଟ୍ରେନରେ ପରସା ଯାଉଥିବା ଅସ୍ୱାସ୍ଥ୍ୟକର ଖାଦ୍ୟ ଉପରେ ସିଏଜି ରିପୋର୍ଟ ଉପସ୍ଥାପନ କରିବାର ଗୋଟିଏ ଦିନ ପରେ , ପୂର୍ବ ଏକ୍ସପ୍ରେସରେ ଯାତ୍ରୀଙ୍କୁ ପରସା ଯାଇଥିବା ଖ।ଦ୍ୟରେ ମିଳିଛି ଝିଟିପିଟି । ସିଏଜି ନିଜ ରିପୋର୍ଟରେ ଦର୍ଶାଇଥିଲେ ଯେ ଟ୍ରେନରେ ଦିଆଯାଉଥିବା ଖାଦ୍ୟ ମଣିଷ ଖାଇବା ପାଇଁ ଉପଯୁକ୍ତ ନୁହେଁ । ଆଉ ଏହାର ପ୍ରମାଣ ମିଳିଯାଇଛି ତୁରନ୍ତ ।
Kanak News is now on WhatsApp
Join and get latest news updates delivered to you via WhatsApp
ନବଭାରତ ଟାଇମ୍ସରେ ପ୍ରକାଶିତ ସୂଚନା ଅନୁସାରେ, ମଙ୍ଗଳବାର ଦିନ କିଛି ତୀର୍ଥ ଯାତ୍ରୀ ଝାଡଖଣ୍ଡରୁ ଉତ୍ତର ପ୍ରଦେଶ ଯାଉଥିଲେ । ଯେତେବେଳେ ପୂର୍ବ ଏକ୍ସପ୍ରେସ୍ (୧୨୩୦୩) ପାଟନା ପାଖାପାଖି ପହଁଚିଥିଲା , ସେଠାରେ ପରସା ଯାଇଥିବା ଭେଜ୍ ବିରିୟାନୀରେ ଝିଟିପିଟି ପଡିଥିବାର ଦେଖାଯାଇଥିଲା । ଏହି ଖାଦ୍ୟକୁ ଖାଇ ଜଣେ ବ୍ୟକ୍ତିଙ୍କ ସ୍ୱାସ୍ଥ୍ୟ ଖରାପ ହୋଇଯାଇଥିଲା । ଯେତେବେଳେ ରେଳ କର୍ମଚାରୀଙ୍କୁ ଏହି ସୂଚନା ଦିଆଗଲା , କର୍ମଚାରୀ ଖାଦ୍ୟକୁ ବାହାରକୁ ଫିଙ୍ଗିଦେଇଥିଲେ ଏବଂ ସେଠାରୁ ଚାଲିଯାଇଥିଲେ । ଏହାପରେ ଯେତେବେଳେ ଟିକେଟ୍ ନିରୀକ୍ଷକ ଓ ପେଣ୍ଟ୍ରୀ କାର୍ ଆଟେଣ୍ଡାଣ୍ଟଙ୍କୁ ଏହି ବିଷୟ ଜଣାଗଲା , ସେମାନେ ବି ଏହାକୁ ଧ୍ୟାନ ଦେଲେନାହିଁ । ଶେଷରେ ଯାତ୍ରୀମାନେ ରେଳ ମନ୍ତ୍ରୀ ସୁରେଶ ପ୍ରଭୁଙ୍କୁ ଟ୍ୱିଟ୍ କଲେ । ଯେତେବେଳେ ଟ୍ରେନଟି ୟୁପିର ମୁଗଲସରାଇରେ ପହଁଚିଲା କିଛି ବରିଷ୍ଠ ଅଧିକାରୀ ପହଁଚିଲେ ଏବଂ ରୋଗରେ ପୀଡିତ ଯାତ୍ରୀଙ୍କୁ ଔଷଧ ଦିଆଯାଇଥିଲା । ସଂପୃକ୍ତ ଅଧିକାରୀ ଜଣକ ଏହି ମାମଲାର ଯାଂଚ କରିବାକୁ ପ୍ରତିଶୃତି ଦେଇଥିଲେ ।
( ସୈାଜନ୍ୟ – ନବଭାରତ ଟାଇମ୍ସ)