ପୁଣି ଚଳଚଞ୍ଚଳ ହେବ କି ସାରଥୀ ସାମ୍ରାଜ୍ୟ? ପ୍ରବଚନ ପାଇଁ ଅନୁମତି ଦେବାକୁ ହାଇକୋର୍ଟରେ ଆବେଦନ କଲେ ଭଣ୍ଡ ସାରଥୀ ।
କନକ ବ୍ୟୁରୋ : ସତସଙ୍ଗ ହେବ, ପ୍ରବଚନ ଶୁଭିବ? ପୁଣିଥରେ ପ୍ରବଚନ ଦେବେ ସାରଥୀ? ପୁଣିଥରେ ସଭା କରି ପ୍ରବଚନ ଦେବାକୁ ହାଇକୋର୍ଟର ଦ୍ୱାରସ୍ଥ ହୋଇଛନ୍ତି ଭଣ୍ଡ ସାରଥୀ । ପ୍ରବଚନ ପାଇଁ ଅନୁମତି ଦେବାକୁ ହାଇକୋର୍ଟରେ ଆବେଦନ କରିଛନ୍ତି ଭଣ୍ଡ ସାରଥୀ ଓରଫ ସନ୍ତୋଷ ରାଉଳ । ଜେଲରୁ ମୁକୁଳିବା ପରେ ପ୍ରଥମ ଥର ପାଇଁ ପ୍ରବଚନ ଦେବାକୁ ଅନୁମତି ମାଗିଛନ୍ତି ସାରଥୀ । ସଜା କାଟୁଥିବା ବେଳେ ମଧ୍ୟ ସାରଥୀ ଜେଲ ଭିତରେ ପ୍ରବଚନ ଦେଉଥିବାର ଖବର ସାମ୍ନାକୁ ଆସିଥିଲା ।
Kanak News is now on WhatsApp
Join and get latest news updates delivered to you via WhatsApp
ଏହାପୂର୍ବରୁ ଗତ ଜୁଲାଇ ୨୫ରେ ଦୀର୍ଘ ଚାରି ବର୍ଷ ଜେଲରେ ରହିବା ପରେ ସର୍ତ୍ତମୂଳକ ଜାମିନରେ ମୁକୁଳିଥିଲେ ସାରଥୀ । ସେତେବେଳେ ହାଇକୋର୍ଟ ଜାମିନ ଦେବା ସହ ସାରଥୀଙ୍କ ୫ଟି ସର୍ତ୍ତ ରଖିଥିଲେ ।
– ଜେଲରୁ ମୁକୁଳିବା ପରେ ସାକ୍ଷୀଙ୍କୁ ପ୍ରଭାବିତ କରି ପାରିବେନି ସାରଥୀ । କୋଣସି ବି ସାକ୍ଷୀଙ୍କୁ ପ୍ରଭାବିତ ନକରିବାକୁ ନିର୍ଦ୍ଦେଶ ଦେଇଥିଲେ ହାଇକୋର୍ଟ ।
– ବାରିମୂଳ ଆଶ୍ରମକୁ ସାରଥୀଙ୍କ ଯିବା ଉପରେ କଟକଣା ଜାରି କରିଥିଲେ ହାଇକୋର୍ଟ ।
– କେବଳ ବାରିମୂଳ ନୁହେଁ ବରଂ ବିନା ଅନୁମତିରେ ରାଜ୍ୟ ବାହାରକୁ ମଧ୍ୟ ସାରଥୀଙ୍କ ଯିବା ଉପରେ ମଧ୍ୟ କଟକଣା ଲଗାଇଥିଲେ କୋର୍ଟ ।
– ଜେଲରୁ ବାହାରିବା ପରେ କୌଣସି ସ୍ଥାନରେ ଧର୍ମୀୟ ସଭା କରି ପାରିବେନି ସାରଥୀ । ସାଧାରଣ ସ୍ଥାନରେ ଧର୍ମ ସଭା କରିବାକୁ ମନା କରିଥିଲେ କୋର୍ଟ ।
– ଉପରୋକ୍ତ ୪ ବଡ ବଡ ନିର୍ଦ୍ଦେଶ ସହ ତଦନ୍ତକାରୀ ଅଧିକାରୀଙ୍କୁ ପୂର୍ଣ୍ଣମାତ୍ରାରେ ତଦନ୍ତରେ ସାହାଯ୍ୟ କରିବାକୁ ସାରଥୀକୁ ହାଇକୋର୍ଟ ନିର୍ଦ୍ଦେଶ ଦେଇଥିଲେ ।
ତେବେ ଜାମିନ ପାଇବା କିଛି ସମୟ ମଧ୍ୟରେ ରାଜ୍ୟ ବାହାରକୁ ଚାଲିଯାଇଥିଲେ ସାରଥୀ । କୋର୍ଟଙ୍କ ଠାରୁ ଅନୁମତି ନେଇ ସାରଥୀ ରାଜ୍ୟ ବାହାରକୁ ଯାଇଥିବା ତାଙ୍କ ଓକିଲ କହିଥିଲେ ।