କନକ ବ୍ୟୁରୋ: ଫିଫା ଫୁଟବଲ ବିଶ୍ୱକପର ଆଜି ଅନ୍ତିମ ଲଢ଼େଇ । ବିଶ୍ୱକୁ ମିଳିବ ଫୁଟବଲ ଜଗତର ବାଦଶାହା । ଆଉ ମାତ୍ର କେଇ ଘଣ୍ଟାର ଅପେକ୍ଷା ଫିଫା ମହାକୁମ୍ଭରେ ମୁହାଁମୁହିଁ ହେବେ ଫ୍ରାନ୍ସ ଓ କ୍ରୋଏସିଆ । ଏନେଇ ସମଗ୍ର ବିଶ୍ୱରେ ଫୁଟବଲ ଫିଭର ଦେଖିବାକୁ ମିଳିଛି । ଆଉ ଏହାର ଝଲକ ମଧ୍ୟ ପୁରୀ ସମୂଦ୍ର ବେଳାଭୂମିରେ ଦେଖିବାକୁ ମିଳିଛି । ବାଲୁକାଶିଳ୍ପୀ ମାନସ ସାହୁ ଫିଫା ଫୁଟବଲ ବିଶ୍ୱକପର ଫାଇନାଲରେ ମୁହାଁମୁହିଁ ହେବାକୁଥିବା ଫ୍ରାନ୍ସ ଓ କ୍ରୋଏସିଆକୁ ନିଜ ବାଲୁକା କଳା ଦ୍ୱାରା, ଶୁଭେଚ୍ଛା ଜଣାଇଛନ୍ତି । ତେବେ ଏହି ବାଲୁକାକଳରେ ଫ୍ରାନ୍ସ ଓ କ୍ରୋଏସିଆ ଜାତୀୟ ପତାକାର ଚିତ୍ରଅଙ୍କନ କରି ‘ବିଗ ଫାଇଟ’ ଥିମ୍ ଜରିଆରେ ପ୍ରତିପାଦନ କରିଛନ୍ତି । ୧୫ଫୁଟ ଚଉଡାରେ ନିର୍ମିତ ଏହି ବାଲୁକା କଳାରେ ବିଭିନ୍ନ ଶାମୁକା ଓ ପଥରଖଣ୍ଡରେ ଖଞ୍ଜିତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଇତିହାସରେ ଗୋଟିଏ ଥର ଫିଫା ବିଶ୍ୱକପର ଟାଇଟେଲ ହାତେଇଥିବା ଫ୍ରାନ୍ସ ପାଇଁ ଦ୍ୱିତୀୟଥର ଚାମ୍ପିୟନ ହେବା ପାଇଁ ସୁଯୋଗ ରହିଛି । ଅପରପକ୍ଷେ ପ୍ରଥମଥର ପାଇଁ ଫିଫା ଫୁଟବଲ ବିଶ୍ୱକପର ଫାଇନାଲରେ ପହଁଚିଥିବା କ୍ରେଏସିଆ ମଧ୍ୟ ନିଜର ପ୍ରଥମ ଟାଇଟେଲ ହାତେଇବା ପାଇଁ ପ୍ରସ୍ତୁତ ଅଛି । ଫ୍ରାନ୍ସ ଓ କ୍ରୋଏସିଆ ପୂର୍ବରୁ ୧୯୯୮ ବିଶ୍ୱକପ୍ ସେମିଫାଇନାଲରେ ମୁହାଁମୁହିଁ ହୋଇଥିଲେ । ସେହି ମୁକାବିଲାକୁ ଫ୍ରାନ୍ସ ୨-୧ରେ ଜିତି ନେଇଥିଲା । ଏଣୁ ଆଜି କ୍ରୋଏସିଆ ପାଖରେ ଉଭୟ ପ୍ରତିଶୋଧ ଏବଂ ଇତିହାସ ରଚିବାର ସୁଯୋଗ ରହିଛି । ଋଷିଆର ଲୁଝିଙ୍କି ଷ୍ଟାଡିୟମରେ ରାତି ୮ଟା ୩୦ମିନିଟରେ ଖେଳାଯିବ ଏହି ଫିଫା ଫୁଟବଲ ମହାକୁମ୍ଭର ଫାଇନାଲ ମ୍ୟାଚ ।