ସ୍ମୃତିରେ ସହିଦ୍ ମନୋଜ କୁମାର: ଝୁରୁଛି ବାଙ୍କି ମାଟି ଓ ପରିବାର; ବାପାଙ୍କ ବାଟରେ ଚାଲିବାକୁ ପ୍ରସ୍ତୁତ ପୁଅ
କନକ ବ୍ୟୁରୋ: ସହିଦ୍ ସ୍ୱାମୀକୁ ଝୁରୁଛି ସ୍ତ୍ରୀ । ଦେଶ ମାତୃକା ପାଇଁ ବଳିଦାନ ଦେଇଥିବା ସ୍ୱାମୀଙ୍କ ପାଇଁ ଅଜି ସେ ଗର୍ବିତ । ଆଉ ଗୋଟେ ପଟେ ପ୍ରିୟତମଙ୍କ ସ୍ମୃତିରେ ଏବେବି ଘୁମୁରି କାନ୍ଦୁଛି ଅବୁଝା ମନ । ।
Kanak News is now on WhatsApp
Join and get latest news updates delivered to you via WhatsApp
ଆମେ କହୁଛୁ ବାଙ୍କି ବ୍ଲକ୍ ଗୌଢଛେଲି ଗାଁର ସହିଦ୍ ମନୋଜ କୁମାର ଭଂଜଙ୍କ କଥା ।ଯିଏ ୧୯୯୯ ମସିହାର କାରଗିଲ ଯୁଦ୍ଧରେ ଦେଶ ପାଇଁ ନିଜ ଜୀବନ ଉତ୍ସର୍ଗ କରିଥିଲେ । ତାଙ୍କର ବଳିଦାନକୁ ଆଜି ଝୁରୁଛି ମା’ ମାଟି । କାରଗିଲ ଯୁଦ୍ଧର ଅପରେସନ୍ ରକ୍ଷକରେ ସାମିଲ ଥିବା ମନୋଜ କୁମାର ଶତ୍ରୁପକ୍ଷକୁ କଡା ଜବାବ ଦେଇଥିଲେ । ଆଗକୁ ଦର୍ପ ଗତିରେ ମାଡିଚାଲିଥବାବେଳେ ଶତ୍ରୁ ଗୁଳିରେ ପ୍ରାଣ ହରାଇଥିଲେ । ଏହି ବଳିଦାନ ତାଙ୍କ ପରିବାର ଓ ଗାଁକୁ ଦେଇଛି ସ୍ୱତନ୍ତ୍ର ପରିଚୟ । ସ୍ୱାମୀଙ୍କ ଏହି ବଳିଦାନକୁ ନେଇ ସ୍ତ୍ରୀ ହରପ୍ରିୟା ବି ବେଶ୍ ଗର୍ବିତ ।
ବାପାଙ୍କ ଦେଶ ପାଇଁ ସେବା ଓ ବଳିଦାନକୁ ଗର୍ବିତ ପୁଅ । ବାପାଙ୍କ ଚଲାପଥର ପଥିକ ହେବାକୁ ଇଚ୍ଛୁକ ପୁଅ ସରୋଜ । ସୁଯୋଗ ମିଳିଲେ ସେନାରେ ଯୋଗ ଦେବାକୁ ସେ ମନସ୍ଥ କରିଛନ୍ତି । ଅନ୍ୟପଟେ ସ୍ଥାନୀୟ ବାସିନ୍ଦା ବି ମନୋଜଙ୍କ ବଳିଦାନକୁ ଏବେବି ମନରେ ସାଇତି ରଖିଛନ୍ତି।
ଦେହ ଚାଲିଯାଏ ହେଲେ ରହିଯାଏ ମଣିଷର କୃତି ।ତା ପୁଣି ଯଦି ଦେଶପାଇଁ ହୁଏ ସେ ଗାଥା ତ କାଳକାଳକୁ ରହିଯାଏ । ଏହି କ୍ରମରେ ବାଙ୍କିର ମନୋଜ କୁମାରଙ୍କ କୃତି ଚିର ସ୍ମରଣୀୟ ।