ମୁକେଶ ଅମ୍ବାନୀଙ୍କ ଘର ବାହାରୁ ବୋମା ଭର୍ତ୍ତି କାର୍ ଜବତ ଘଟଣା । ଏନଆଇଏର ଛାନଭିନ ଜୋରଦାର, ଘଟଣା ଦିନ ସିସିଟିଭିରେ କଏଦ ହୋଇଛନ୍ତି ସଚିନ ୱାଜେ ।
କନକ ବ୍ୟୁରୋ: ବିିଶିଷ୍ଟ ଶିଳ୍ପପତି ମୁକେଶ ଅମ୍ବାନୀଙ୍କ ବାସଭବନ ଆଂଟିଲିଆ ସମ୍ମୁଖରେ ବିସ୍ଫୋରକ ଭର୍ତ୍ତି କାର ଜବତ କରାଯିବା ଘଟଣାର ଖୋଳତାଡ କରୁଛି ଏନଆଇଏ । ଏହି ମାମଲାରେ ମୁମ୍ବାଇ ପୋଲିସ ଅଫିସର ସଚିନ ୱାଜେ ଗିରଫ ହେବା ପରେ ନୂଆ ନୂଆ ତଥ୍ୟ ସାମ୍ନାକୁ ଆସିଛି । ଅମ୍ବାନୀଙ୍କ ଘର ନିକଟରେ ସିସିଟିଭିରେ କଏଦ ହୋଇଥିବା ବ୍ୟକ୍ତି ଜଣକ ସଚିବ ୱାଜେ ବୋଲି କହିଛି ଏନଆଇଏ । ସଚିନ ୱାଜେ ଏକ କୁର୍ତ୍ତା ପାଇଜାମା ପିନ୍ଧି ମୁହଁରେ ରୁମାଲ ବାନ୍ଧି ଯାଉଥିବାର ଭିଜୁଆଲ ସିସିଟିଭିରେ କଏଦ ହୋଇଛି । ଏହାସହ ୱାଜେଙ୍କ ଠାରୁ ଜବତ ହୋଇଥିବା ଲ୍ୟାପଟପରୁ ସମସ୍ତ ଡାଟା ଡିଲିଟ କରାଯାଇଥିବା ସୂଚନା ମିଳିଛି । ସଚିନ ୱାଜେଙ୍କ କାର୍ଯ୍ୟାଳୟରେ ଚଢାଉ କରି ହାଡଡିର୍ସ୍କ ଓ ଲ୍ୟାପଟପ ଜବତ କରିଛି ଏନଆଇଏ । ଏପରିକି ଏନଆଇଏ ୱାଜେଙ୍କୁ ତାଙ୍କ ମୋବାଇଲ ମାଗିଥିବା ବେଳେ ଏହା କେଉଁଠାରେ ରହିଯାଇଥିବା ସେ କହିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଆସିଷ୍ଟାଂଟ ପୋଲିସ ଇନ୍ସପେକ୍ଟର ସଚିନ ୱାଜେଙ୍କୁ ୧୩ ତାରିଖ ଦିନ ଦୀର୍ଘ ୧୩ଘଂଟା ଧରି ଗୁଡାଇ ତୁଡାଇ ଏନଆଇଏ ଜେରା କରିବା ପରେ ଶନିବାର ବିଳମ୍ବିତ ରାତିରେ ତାଙ୍କୁ ଗିରଫ କରାଯାଇଥିଲା । ଆଂଟିଲିଆ ସମ୍ମୁଖରୁ ମିଳିଥିବା ବିସ୍ଫୋରକ ଭର୍ତି କାର ଜବତ ଘଟଣାରେ ସଚିନ ୱାଜେଙ୍କ ସମ୍ପୃକ୍ତି ରହିଥିବା ସେ ନିଜ ସ୍ୱିକାର କରିଥିଲେ । ଅମ୍ବାନୀଙ୍କ ଘର ସମ୍ମୁଖରୁ ବିସ୍ଫୋରକ ଭର୍ତି କାର ମିଳିବା ଘଟଣାରେ ତାଙ୍କ ସମ୍ପୃକ୍ତି ଜଣାପଡିଥିବାରୁ ତାଙ୍କୁ ଗିରଫ କରାଯାଇଥିବା କହିଥିଲା ଏନଆଇଏ ।
ଫେବ୍ରୁୟାରୀ ୨୫ତାରିଖରେ ଅମ୍ବାନୀଙ୍କ ବାସଭବନ ଆଂଟିଲିଆ ସମ୍ମୁଖରେ ଏକ ବିସ୍ଫୋରକ ଭର୍ତି କାର ଉଦ୍ଧାର କରାଯାଇଥିଲା । ଏହା ବିସ୍ଫୋରକ ଭର୍ତି କାରର ମାଲିକ ମନସୁଖ ହେରାନୀ ଜେରାର ସମ୍ମୁଖିନ ହୋଇଥିଲେ । ଏବଂ କିଛି ଦିନ ପରେ ରହସ୍ୟଜନକ ଭାବେ ଏକ ନଦୀରୁ ତାଙ୍କ ମୃତଦେହ ଉଦ୍ଧାର କରାଯାଇଥିଲା । ଏହାପରେ ମୃତକଙ୍କ ପରିବାର ସିଧାସଳଖ ସଚିନ ୱାଜେଙ୍କ ନାଁରେ ହତ୍ୟା ଅଭିଯୋଗ ଆଣିଥିଲେ । ସବୁଠୁ ବଡ କଥା ହେଉଛି ମହାରାଷ୍ଟ୍ର ସରକାର ସଚିନ ୱାଜେଙ୍କୁ ହିଁ ଏହି ମାମଲାର ତଦନ୍ତ ପାଇଁ ନିର୍ଦ୍ଦେଶ ଦେଇଥିଲେ । ସଚିନ ସେତେବେଳେ କ୍ରାଇମବ୍ରାଂଚରେ ଥିଲେ । ଏହାପରେ ଏଟିଏସ ମଧ୍ୟ ତଦନ୍ତ କରୁଥିଲା ।