ରୁଷୀୟ ପର୍ଯ୍ୟଟକ ଆଣ୍ଡ୍ୟୁଙ୍କୁ ପଚରା ଉଚରା କଲା ପୋଲିସ: କୁଆଡେ କୁଆଡେ ଯାଇଛନ୍ତି ପୋଲିସ ସଂଗ୍ରହ କରୁଛି ପୂରା ବିବରଣୀ
କନକ ବ୍ୟୁରୋ: ଦୁଇ ରୁଷୀୟ ପର୍ଯ୍ୟଟକଙ୍କ ମୃତ୍ୟୁ ମାମଲା ସାରଦେଶରେ ଚର୍ଚ୍ଚାରେ ରହିଛି । ଏତିକିବେଳେ ଭୁବନେଶ୍ୱର ଷ୍ଟେସନ ଆଗରେ ଆଉ ଜଣେ ରୁଷୀୟ ପର୍ଯ୍ୟଟକ ଶରଣାର୍ଥୀ ଭାବେ ରହିବାକୁ ପ୍ଲାକାର୍ଡ ଧରି ସାହାଯ୍ୟ ମାଗିବାକୁ ଗୁରୁତ୍ୱର ସହ ନେଇଛି ଜିଆରପି । ଆଜି ତାଙ୍କ ନେଇ ପଚରାଉଚୁରା କରିବା ସହ ଓଡିଶାକୁ ଆସିବା ପରେ ସେ କୁଆଡେ କୁଆଡେ ଯାଇଛନ୍ତି ପୂରା ବିବରଣୀ ସଂଗ୍ରହ କରୁଛି ।
Kanak News is now on WhatsApp
Join and get latest news updates delivered to you via WhatsApp
ଭୁବନେଶ୍ୱର ରେଳ ଷ୍ଟେସନରେ ରୁଷୀୟନାଗରିକ ଗ୍ଲାଗୋଲେଭ୍ ଆଣ୍ଡ୍ୟୁ, ଏମିତି ଛିଡା ହେବା ଦୃଶ୍ୟକୁ ଗୁରୁତ୍ୱର ସହ ନେଇଛି ଜିଆରପି । ଜଣେ ରୁଷୀୟ ନାଗରୀକ କାହିଁକି ଏମିତି ଛିଡା ହୋଇଛନ୍ତି, ସେ ନେଇ ଗଣମାଧ୍ୟମରେ ଖବର ପ୍ରସାରଣ ପରେ, ଶନିବାର ତାଙ୍କୁ ଧରି ନେଇ ପଚରାଉଚୁରା କରୁଛି ଜିଆରପି । ସେ ଓଡିଶାକୁ ଆସିବା ଦିନରୁ କେଉଁଠିକୁ କେଉଁଠିକୁ ଯାଇଛନ୍ତି? କେଉଁଠି କେଉଁଠି ରହିଛନ୍ତି? ସେସବୁର ତଥ୍ୟ ଖୋଜୁଛି ପୋଲିସ୍ ।
ସୂଚନା ଅନୁସାରେ ଆଣ୍ଡ୍ର୍ୟୁ ୨୦୧୬ରୁ ଭାରତକୁ ଆସିଛନ୍ତି । ଗତ ୬ମାସ ହେଲା ତାଙ୍କ ଭିସା ଅବଧି ଶେଷ ହୋଇଯାଇଛି । ଓଡିଶାକୁ ମଧ୍ୟ ବହୁଦିନ ହେବ ଆସି ଅନେକ ସ୍ଥାନରେ ସେ ରହିଛନ୍ତି । ତେବେ ଭାରତ ତାଙ୍କୁ ଭଲ ଲାଗୁ ଥିବାରୁ ସେ ଆଉ ରୁଷ୍ ଫେରିବାକୁ ଚାହୁଁନାହାଁନ୍ତିି ।
ଆଣ୍ଡ୍ରୁ ଧରିଥିବା ପ୍ଲାକାର୍ଡରେ ଲେଖାଥିଲା, ସେ ଜଣେ ରୁଷିଆ ରିଫ୍ୟୁଜି । ସେ ଯୁଦ୍ଧକୁ ବିରୋଧ କରିବା ସହ ପୁଟିନଙ୍କୁ ବିରୋଧ କରନ୍ତି । ତାଙ୍କର ଘର ନାହିଁ, ତାଙ୍କୁ ସାହାଯ୍ୟ କରିବାକୁ ନିବେଦନ କରିଥିଲେ । ଗୋଟିଏ ପଟେ ରାୟଗଡାରେ ଦୁଇ ରୁଷୀୟ ପର୍ଯ୍ୟଟକଙ୍କ ମୃତ୍ୟୁ ହୋଇଥିବାବେଳେ ଆଉ ଜଣେ ରୁଷୀୟ ପର୍ଯ୍ୟଟକ ଆଣ୍ଡ୍ର୍ୟୁ ଭୁବନେଶ୍ୱରରେ ଏମିତି ଛିଡା ହେବା ସନ୍ଦେହ ସୃଷ୍ଟି କରିଥିଲା ।