ଧାମନଗର ବିଜେଡିରେ ବିଦ୍ରୋହ, ପ୍ରାର୍ଥୀ ହୋଇପାରନ୍ତି ଅସନ୍ତୁଷ୍ଟ ରାଜୁ ଦାସ।
କନକ ବ୍ୟୁରୋ:ଧାମନଗର ବିଜେଡିରେ ଅସନ୍ତୋଷ! କାଲି ନାମାଙ୍କନ ଭରିବେ ରାଜୁ ଦାସ । ଦିନ ତମାମ ଛକାପଂଝା ଓ ଅଜ୍ଞାତବାସ ପରେ ସନ୍ଧ୍ୟାରେ ଘରକୁ ଫେରିଛନ୍ତି ଧାମନଗର ବିଜେଡି ନେତା ରାଜୁ ଦାସ । ଆଉ ଘରକୁ ଫେରିବା ପରେ ଗଣମାଧ୍ୟମ ସାମାନକୁ ଆସି, ଶୁକ୍ରବାର ସ୍ୱାଧୀନ ପ୍ରାର୍ଥୀ ଭାବେ ନାମାଙ୍କନ ଭରିବେ ବୋଲି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଧାମନଗର ଉପନିର୍ବାଚନ ପାଇଁ ଅବନ୍ତି ଦାସଙ୍କୁ ବିଜେଡି ପ୍ରାର୍ଥୀ ଘୋଷଣା କରିବା ପରେ ସୋସିଆଲ ମିଡିଆରେ ଭାଇରାଲ ହେଉଛି ଏହି ଚିଠି । ଚର୍ଚ୍ଚା ହେଉଛି, ଅବନ୍ତିଙ୍କୁ ଟିକେଟ ମିଳିବା ପରେ ବିଜେଡି ଟିକେଟ ଆଶାୟୀ ପ୍ରାର୍ଥୀ ରାଜୁ ଦାସ ଧାମନଗରବାସୀଙ୍କ ଉଦ୍ଦେଶ୍ୟରେ ଏହି ଚିଠି ଲେଖିଛନ୍ତି । ଚିଠିରେ ଲେଖିଛନ୍ତି, କିନ୍ତୁ ଚିଠିକୁ ନେଇ ଗଣମାଧ୍ୟମ ପ୍ରତିନିଧିଙ୍କ ପ୍ରଶ୍ନର କୌଣସି ଉତର ଦେଇନାହାଁନ୍ତି ରାଜୁ ଦାସ ।
ରାଜୁ ଦାସଙ୍କୁ ଟିକେଟ ନମିଳିବା ପରେ ତାଙ୍କ ସମର୍ଥକମାନେ ସକାଳୁ ସକାଳୁ ଆରମ୍ଭ କରିଦେଇଥିଲେ ବିଦ୍ରୋହ । ଆଉ ମାଧ୍ୟମ ବନିଥିଲା ସୋସିଆଲ ମିଡିଆ । ରାଜୁଙ୍କ ସମର୍ଥନରେ ପୋଷ୍ଟ କରି ଦଳୀୟ ନିଷ୍ପତିକୁ ଖୋଲା ଚ୍ୟାଲେଞ୍ଜ ଦେଇଛନ୍ତି । ରାଜେନ୍ଦ୍ର ଦାସ ଫ୍ୟାନ୍ କ୍ଲବ ପକ୍ଷରୁ ଏକ ପୋଷ୍ଟ କରି କୁହାଯାଇଛି ଯେ, ଆସନ୍ତାକାଲି ରାଜୁ ଦାସ ସ୍ୱାଧୀନ ପ୍ରାର୍ଥୀ ଭାବେ ନାମାଙ୍କନ ଦାଖଲ କରିବେ । ଏଥିପାଇଁ ବହୁ ସଂଖ୍ୟାରେ ଯୋଗ ଦେବା ପାଇଁ ନିବେଦନ । କେବଳ ସୋସିଆଲ ମିଡିଆରେ ନୁହେଁ ରାଜୁ ଦାସଙ୍କ ସମର୍ଥକମାନେ ଗଣମାଧ୍ୟମ ସମ୍ମୁଖରେ ମଧ୍ୟ ସମାନ କଥା କହିଛନ୍ତି ।
ରାଜୁ ଦାସ ଅସନ୍ତୁଷ୍ଟ ଥିବା ଚର୍ଚ୍ଚା ଭିତରେ ତାଙ୍କ ସହ ସକାଳୁ ସନ୍ଧ୍ୟା ପର୍ଯ୍ୟନ୍ତ କୌଣସି ଯୋଗାଯୋଗ ହୋଇପାରି ନଥିଲା । ଫୋନ ବି ଲାଗି ନଥିଲା । ଚର୍ଚ୍ଚା ହେଉଥିଲା ରାଜୁ ଦାସ ଅସନ୍ତୁଷ୍ଟ ଥିବାରୁ ସେ ଅଜ୍ଞାତବାସରେ ଚାଲିଯାଇଛନ୍ତି । ଆଉ ପରବର୍ତ୍ତୀ ରଣନୀତି ପ୍ରସ୍ତୁତ କରୁଛନ୍ତି । କିନ୍ତୁ, ଦଳ ଭିତରେ କୌଣସି କନ୍ଦଳ ନଥିବା କହିଛନ୍ତି ମନ୍ତ୍ରୀ ଅତନୁ ସବ୍ୟସାଚୀ ।
ବୁଧବାର ଅବନ୍ତୀଙ୍କୁ ପ୍ରାର୍ଥୀ ଘୋଷଣା କରାଯିବା ପରେ ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ସହ ଅବନ୍ତି ଓ ରାଜୁ ଗଣମାଧ୍ୟମ ସାମ୍ନାକୁ ଆସିଥିଲେ । ଆଉ ଅବନ୍ତି ତାଙ୍କର ସମ୍ପର୍କୀୟ ବୋଲି କହିଥିଲେ । ହେଲେ, ଭୁବନେଶ୍ୱରରୁ ଫେରିଯିବା ପରେ ବିଳମ୍ବିତ ରାତିରେ ଧାମନଗର ସ୍ଥିତ ବାସଭବନରେ ସମର୍ଥକଙ୍କ ସହ ବୈଠକ କରିଥିଲେ । ଆଉ ସମର୍ଥକଙ୍କ ସହ ଆଲୋଚନା ପରେ ସ୍ୱାଧୀନ ପ୍ରାର୍ଥୀ ହେବାକୁ ନିଷ୍ପତି ନେଇଥିବା ଚର୍ଚ୍ଚା ହେଉଛି ।