ରେଳବାଇରେ ଚାକିରି କରାଇ ଦେବା ନାଁରେ ଠକେଇ ! ୩ଲକ୍ଷ ଟଙ୍କା ଠକି ନେଇଥିବା ଅଭିଯୋଗରେ ଏଟିଭିଏମ୍ ଅପରେଟର ଗିରଫ
କନକ ବ୍ୟୁରୋ : ରେଳବାଇରେ ଚାକିରି କରାଇ ଦେବା ନାଁରେ ୩ଲକ୍ଷ ଟଙ୍କା ଠକି ନେଇଥିବା ଅଭିଯୋଗରେ ଏଟିଭିଏମ ଅପରେଟର ଗିରଫ । ଅଟୋମେଟିକ ଟିକେଟ ଭେଣ୍ଡିଂ ମେସିନ୍ ଅପରେଟର ଉତ୍ପଳ ରଂଜନ ବେହେରାଙ୍କୁ ଠକେଇ ଅଭିଯୋଗରେ ଗିରଫ କରିଛି ରେଳବାଇ ପୁଲିସ ।
Kanak News is now on WhatsApp
Join and get latest news updates delivered to you via WhatsApp
ଭୁବନେଶ୍ୱର ରେଳ ଷ୍ଟେସନ ଜେନେରାଲ ବୁକିଂ ଅଫିସ୍ ନିକଟରେ ଥିବା ଏଟିଭିଏମରେ ଅପରେଟର ଭାବେ କାର୍ଯ୍ୟ କରେ ଉତ୍ପଳ ରଂଜନ ବେହେରା । କିଛି ମାସ ତଳେ ଏଠାକୁ ଆସିଥିବା ଅକ୍ଷୟ କୁମାର ରାଉତ, ସୁଦୀପ ମଲ୍ଲିକ ଓ ରମାକାନ୍ତ ସ୍ୱାଇଁ ନାମକ ତିନି ଜଣ ବ୍ୟକ୍ତିଙ୍କୁ ରେଳବାଇରେ ଚାକିରି କରାଇ ଦେବା ପ୍ରଲୋଭନ ଦେଖାଇ ଏମାନଙ୍କଠାରୁ ୩ଲକ୍ଷରୁ ଅଧିକ ଟଙ୍କା ଠକିନେଇଥିଲା । ଏହାପରେ ଏମାନଙ୍କୁ ନକଲି ନିଯୁକ୍ତି ପତ୍ର ମଧ୍ୟ ଦେଇଥିଲା ।
ନିଯୁକ୍ତି ପତ୍ର ପାଇବା ପରେ ଯୁବକମାନେ ରେଳବାଇ କାର୍ଯ୍ୟାଳୟ ସହ ଯୋଗାଯୋଗ କରିଥିଲେ । ତେବେ ଏପରି କୌଣସି ନିଯୁକ୍ତି ଦିଆଯାଇନଥିବା କାର୍ଯ୍ୟାଳୟ ପକ୍ଷରୁ କୁହାଯାଇଥିଲା । ଏହାର ଯାଂଚ କରାଯିବାପରେ ନିଯୁକ୍ତି ପତ୍ର ନକଲି ବୋଲି ଜଣାପଡିଥିଲା । ଠକାମିର ଶିକାର ହୋଇଥିବା ଜାଣି ଯୁବକମାନେ ରେଳବାଇ ଥାନାରେ ଅଭିଯୋଗ କରିଥିଲେ । ଯୁବକମାନେ ସିସିଟିଭିରେ ରଂଜନକୁ ଚିହ୍ନଟ କରିବା ପରେ ତାକୁ ଗିରଫ କରାଯାଇଛି ।