ପିନାକୀ ଓ ମହେଶଙ୍କ କଟିଲା ଟିକେଟ୍ । ଢେଙ୍କାନାଳରୁ ଅବିନାଶ, ପୁରୀରୁ ଅରୁପ ପଟ୍ଟନାୟକ ବିଜେଡି ପ୍ରାର୍ଥୀ । କଟକରୁ ଲଢିବେ ସନ୍ତୃପ୍ତ ମିଶ୍ର ।
କନକ ବ୍ୟୁରୋ: ଆସିଲା ବିଜେଡିର ଦ୍ୱିତୀୟ ପର୍ଯ୍ୟାୟ ପ୍ରାର୍ଥୀ ତାଲିକା । ଦ୍ୱିତୀୟ ପର୍ଯ୍ୟାୟରେ ବିଜେଡି ସୁପ୍ରିମୋ ୬ଟି ଲୋକସଭା ଆସନ ପାଇଁ ପ୍ରାର୍ଥୀ ଘୋଷଣା କରିଛନ୍ତି । ପୁରୀରୁ ଏଥର ବିଜେଡି ଲୋକସଭା ପ୍ରାର୍ଥୀ ହେଇଛନ୍ତି ଅରୁପ ପଟ୍ଟନାୟକ, ସେହିପରି କଟକରୁ ସନ୍ତୃପ୍ତ ମିଶ୍ର, ଯାଜପୁରରୁ ଶର୍ମିଷ୍ଠା ସେଠୀ, ଢେଙ୍କାନାଳରୁ ଅବିନାଶ ସାମଲ, ଜଗତସିଂହପୁରରୁ ରାଜଶ୍ରୀ ମଲ୍ଲିକ ଓ କନ୍ଧମାଳରୁ ବିଜେଡି ଲୋକସଭା ପ୍ରାର୍ଥୀ ହେଇଛନ୍ତି ଅଚ୍ୟୁତ ସାମନ୍ତ ।
Kanak News is now on WhatsApp
Join and get latest news updates delivered to you via WhatsApp
ଗୁରୁତ୍ୱପୂର୍ଣ୍ଣ କଥା ହେଲା, ବିଜେଡି ତା’ର ଦ୍ୱିତୀୟ ପର୍ଯ୍ୟାୟ ପ୍ରାର୍ଥୀ ତାଲିକାରେ ୨ ଜଣ ସାଂସଦଙ୍କ ଟିକେଟ୍ କାଟିଛି । ପୁରୀ ସାଂସଦ ପିନାକୀ ମିଶ୍ରଙ୍କ ସହିତ ଢେଙ୍କାନାଳ ସାଂସଦ ମହେଶ ସାହୁଙ୍କ ଟିକେଟ୍ କାଟିଛି ଦଳ । ଏହି ଦୁଇ ଆସନରେ ଏବେ ଯଥାକ୍ରମେ ଅରୁପ ପଟ୍ଟନାୟକ ଓ ଅବିନାଶ ସାମଲ ଲୋକସଭା ନିର୍ବାଚନ ଲଢିବେ । ତା ସହିତ ସାଂସଦ ଭର୍ତ୍ତୁହରି ମହତାବ ଦଳରୁ ଇସ୍ତଫା ଦେବା ପରେ ଏବେ କଟକ ଲୋକସଭା ଆସନରୁ ବିଜେଡି ଟିକେଟରେ ଲଢିବେ ସନ୍ତୃପ୍ତ ମିଶ୍ର ।
ସେହିପରି ଦଳ ଯାଜପୁର ସାଂସଦ ଶର୍ମିଷ୍ଠା ସେଠୀ, ଜଗତସିଂହପୁର ସାଂସଦ ରାଜଶ୍ରୀ ମଲ୍ଲିକ ଓ କନ୍ଧମାଳ ସାଂସଦ ଅଚ୍ୟୁତ ସାମନ୍ତଙ୍କ ଉପରେ ପୁଣିଥରେ ଭରସା କରିଛି । ଏହି ୩ ନେତାଙ୍କୁ ଦଳ ପୁଣିଥରେ ଲୋକସଭା ନିର୍ବାଚନ ପାଇଁ ପ୍ରାର୍ଥୀ କରିଛି ।
ସୂଚନାଯୋଗ୍ୟ ଯେ, ଏହାକୁ ମିଶାଇ ବିଜେଡି ଏବେ ୧୫ଟି ଲୋକସଭା ଆସନରେ ନିଜର ପ୍ରାର୍ଥୀ ଘୋଷଣା କରିଛି । ଏହି ୧୫ଟି ଲୋକସଭା ଆସନ ମଧ୍ୟରୁ ୪ଟି ଆସନରେ ଦଳ ପୁରୁଣା ପ୍ରାର୍ଥୀଙ୍କୁ ରିପିଟ୍ କରିଥିବାବେଳେ, ୧୧ଟି ଆସନରେ ନୂଆ ମୁହଁ ଦେଇଛି । ତେବେ ଦଳର ଏହି ଫର୍ମୁଲା କେତେ କାମ କରୁଛି ତାହା ଦେଖିବାକୁ ବାକି ରହିଲା
ବିଜେଡିର ଲୋକସଭା ପ୍ରାର୍ଥୀ ତାଲିକା
- କଳାହାଣ୍ଡି- ଲମ୍ବୋଦର ନିଆଲ
- ସମ୍ବଲପୁର- ପ୍ରଣବ ପ୍ରକାଶ ଦାସ
- ସୁନ୍ଦରଗଡ- ଦିଲ୍ଲୀପ ତିର୍କୀ
- ମୟୂରଭଂଜ- ସୁଦାମ ମାର୍ଣ୍ଡି
- ଭୁବନେଶ୍ୱର- ମନ୍ମଥ ରାଉତରାୟ
- କେନ୍ଦ୍ରାପଡା- ଅଂଶୁମାନ ମହାନ୍ତି
- କୋରାପୁଟ- କୌଶଲ୍ୟା ହିକକା
- ନବରଙ୍ଗପୁର- ପ୍ରଦୀପ ମାଝୀ
- ଆସିକା- ରଞ୍ଜିତା ସାହୁ
- ପୁରୀ – ଅରୂପ ପଟ୍ଟନାୟକ
- ଜଗତସିଂହପୁର – ରାଜଶ୍ରୀ ମଲ୍ଲିକ
- କଟକ – ସଂତୃପ୍ତ ମିଶ୍ର
- ଢେଙ୍କାନାଳ – ଅବିନାଶ ସାମଲ
- କନ୍ଧମାଳ – ଅଚ୍ୟୁତ ସାମନ୍ତ
- ଯାଜପୁର – ଶର୍ମିଷ୍ଠା ସେଠୀ