ସମ୍ବଲପୁର କୁଚିଣ୍ଡାରେ ଦଶହରା ପାଇଁ ପ୍ରସ୍ତୁତି ଶେଷ। ମାଆଙ୍କ ପୂଜା ପାଇଁ ଚଳଚଞ୍ଚଳ ସହର।
କନକ ବ୍ୟୁରୋ: କିଛି ଦିନ ପରେ ଦଶହରା, ଏନେଇ ଚଳଚଞ୍ଚଳ ହୋଇଛି ଗାଁରୁ ସହର । ସମ୍ବଲପୁର କୁଚିଣ୍ଡାରେ ମାଆ ଦୁର୍ଗାଙ୍କ ପାଇଁ ବେଶ ଜାକଜମକରେ ପ୍ରସ୍ତୁତି ଚାଲିଛି । କୋଭିଡ କଟକଣା ଯୋଗୁ ଦୁଇ ବର୍ଷ ହେଲା ପୂଜା ବନ୍ଦ ଥିବା ବେଳେ ଚଳିତଥର ବେଶ ଧୁମଧାମରେ ଚାଲିବ ପୂଜା । ସୁଉଚ୍ଚ ତୋରଣ ସାଙ୍ଗକୁ ଭଳିକିଭଳି ମୂର୍ତି ତିଆରି କାମରେ ଲାଗିପଡ଼ିଛନ୍ତି କାରିଗର ।
Kanak News is now on WhatsApp
Join and get latest news updates delivered to you via WhatsApp
କିଛି ପୂଜାମଣ୍ଡପ ୩୫ ବର୍ଷରେ ପଦାର୍ପଣ କରିଥିବା ବେଳେ କିଛି ପୁରୁଣା ପୂଜା ମଣ୍ଡପ ୯୫ ବର୍ଷରେ ପହଞ୍ଚିଛି । ଆସନ୍ତାକାଲିଠାରୁ ମାଆଙ୍କର ନବଦିନାତ୍ମକ ପୂଜା ଆରମ୍ଭ ହେବାକୁ ଯାଉଛି । ଏନେଇ ରାତିପାହିଲେ ହେବ କଳସ ଯାତ୍ରା । ପୂଜା ମଣ୍ଡପରୁ ନେଇ ମାଆଙ୍କ ପୀଠ ଗୁଡିକରେ ପୂଜା ନେଇ ସମସ୍ତ ପ୍ରସ୍ତୁତି କରାଯାଇଛି ।