କାମ ଦେଲା ପ୍ରଚାର, ଟିକା ନେବା ପାଇଁ ସକାଳୁ ଲାଗିଛି ଧାଡ଼ି : ସମ୍ବଲପୁର କୁଚିଣ୍ଡା ଅଂଚଳରୁ ଆସିଲା ଚିତ୍ର
ଟିକା ନନେଲେ ସରକାରୀ ଯୋଜନା ବନ୍ଦ କରିବାକୁ କରାଯାଇଥିଲା ପ୍ରଚାର
କନକ ବ୍ୟୁରୋ : କାମ ଦେଲା ପଂଚାୟତ କାର୍ଯ୍ୟନିର୍ବାହୀ ଅଧିକାରୀଙ୍କ ଡାକବାଜି ଯନ୍ତ୍ର ମାଧ୍ୟମରେ ସଚତେନତା । ଦ୍ୱିତୀୟ ଡୋଜ ଟିକା ନ ନେଲେ ସରକାରୀ ଯୋଜନାରୁ ବଂଚିତ ହେବ ବୋଲି ପ୍ରଶାସନ ଚେତାବନୀ ଦେବା ପରେ ଲୋକେ ଟିକା ନେବାକୁ ଆଗେଇ ଆସିଛନ୍ତି । ସମ୍ବଲପୁର ଜିଲ୍ଲା କୁଚିଣ୍ଡା ଗୋବିନ୍ଦପୁର ସ୍ୱାସ୍ଥ୍ୟକେନ୍ଦ୍ରରେ ଏଭଳି ସ୍ଥିତି ଦେଖାଦେଇଛି ।
Kanak News is now on WhatsApp
Join and get latest news updates delivered to you via WhatsApp
କୁଚିଣ୍ଡା ତଥା ଆଖାପାଖ ଅଂଚଳର ଅନେକ ଲୋକ ପ୍ରଥମ ଡୋଜ ଟିକା ଦେବାର ୮୪ ଦିନ ପରେ ବି ଦ୍ୱିତୀୟ ଡୋଜ ଟିକା ନେବାକୁ ଆଗ୍ରହ ପ୍ରକାଶ କରିନଥିଲେ । ଫଳରେ ଗୋବିନ୍ଦପୁର ପଂଚାୟତ କାର୍ଯ୍ୟନିର୍ବାହୀ ଅଧିକାରୀ ଏକ ନିଷ୍ପତ୍ତି ନେଇଥିଲେ । ଟିକା ନ ଦେଲେ ହିତାଧିକାରୀ ସରକାରୀ ସୁବିଧାର ବଂଚିତ ହେବେ ବୋଲି ଡାକିବାଜି ଯନ୍ତ୍ରରେ ପ୍ରଚାର କରାଯାଇଥିଲା । ଏହା ପରେ ଲୋକେ ଟିକା ପାଇଁ ଲମ୍ବା ଲାଇନ ଲଗାଇଛନ୍ତି । ଗୋବିନ୍ଦପୁର ସ୍ୱାସ୍ଥ୍ୟକେନ୍ଦ୍ରର ଏହି ଚିତ୍ର ବୟାନ କରୁଛି ଲୋକେ ଟିକା ନେବା ପାଇଁ କେତେ ଆଗ୍ରହୀ ଅଛନ୍ତି ।