ଟ୍ରେନ୍ ବାହାରୁ ଦୁଧସାଗରର ଅପୂର୍ବ ଦୃଶ୍ୟକୁ କଏଦ୍ କଲା କ୍ୟାମେରା । ଦୁଧସାଗରର ଭିଡ଼ିଓ ସେୟାର୍ କଲା ରେଳ ମନ୍ତ୍ରାଳୟ ।
କୁହନ୍ତି ନା’ ବଣର ସବୁଜିମା ସହରରେ କାଇଁ ? ଠିକ୍ ସେହିଭଳି ଭାରତରେ ପ୍ରକୃତିର ଗନ୍ତାଘର ଏତେ ଅଛି ଯେ ଭ୍ରମଣ କରିବାକୁ ହେଲେ ବିଦେଶ ଯାତ୍ରାର କୌଣସି ଆବଶ୍ୟକତା ନାହିଁ । ସୁଉଚ୍ଚ ପାହାଡ଼ଠାରୁ ଆରମ୍ଭ କରି ସବୁଜ ବନାନି , ଘଞ୍ଚ ଜଙ୍ଗଲ ଓ ସୁନ୍ଦର ଝରଣାର ସୌନ୍ଦର୍ଯ୍ୟ କାହାକୁ ବି ଭାରତରେ ବାନ୍ଧି ରଖିବାରେ ସିଦ୍ଧହସ୍ତ । ଏହିଭଳି ଏକ ସୁନ୍ଦର ସ୍ଥାନ ଭିତରୁ ଗୋଆ ମଧ୍ୟ ଅନ୍ୟତମ । ଏଠାରେ ୧୦୧୭ ଫୁଟ୍ ଉଚ୍ଚରେ ଥିବା ଦୁଧସାଗର ଝରଣା କାହାକୁ ବି କିମିଆ କରିବାର ସାମର୍ଥ୍ୟ ରଖେ । ଭାରତର ସବୁଠାରୁ ଉଚ୍ଚ ଏବଂ ସୁନ୍ଦର ଝରଣା ଭିତରୁ ଗୋଟିଏ ହେଉଛି ଦୁଧସାଗର ଝରଣା । ଝରଣାର ପାଣି କ୍ଷୀରଠାରୁ ଅଧିକ ସଫା ହୋଇଥିବାରୁ ଏହାର ନାଁ ଦୁଧସାଗର ।
Kanak News is now on WhatsApp
Join and get latest news updates delivered to you via WhatsApp
View this post on Instagram
ତେବେ ବର୍ତ୍ତମାନ ଏହି ଝରଣା ପାଖରୁ ଅତିକ୍ରମ କରୁଥିବା ଏକ ଟ୍ରେନର ଭିଡ଼ିଓ ସାମ୍ନାକୁ ଆସିଛି । ଯେଉଁଠାରେ ପ୍ରକୃତି ଏବଂ ରେଳଯାତ୍ରାର ଅଦ୍ଭୁଦ ଯୁଗଳବନ୍ଦୀ ଦେଖିôବାକୁ ମିଳୁଛି । ଭିଡ଼ିଓଟିକୁ ରେଳ ମନ୍ତ୍ରାଳୟ ପକ୍ଷରୁ ସେୟାର୍ କରି ଲେଖାଯାଇଛି ଯେ , “ପଶ୍ଚିମଘାଟ ସ୍ଥିତ ଦୁଧସାଗର କୌଣସି ସ୍ୱର୍ଗଠାରୁ କମ୍ ନୁହଁ । ଗୋଆ ଏବଂ ବାଙ୍ଗାଲୋରକୁ ସଂଯୋଗ କରୁଥିବା ଏହି ରେଳଧାରଣାର ସୁନ୍ଦର ଦୃଶ୍ୟ ଏବେ ଆପଣ ଦେଖୁଛନ୍ତି ।”
ଭିଡ଼ିଓରେ ମଣ୍ଡୋବୀ ନଦୀର ପାଣି ଖୁବ୍ ସୁନ୍ଦର ଭାବେ ତଳକୁ ଖସୁଥିବାର ଦେଖାଯାଉଛି । ଦୁଧସାଗର ଝରଣାରୁ ସତେଜ ଦୁଗ୍ଧ ଭାସିଆସିଲା ପରି ପ୍ରତୀତ ହେଉଛି । ତେବେ ମଣ୍ଡୋବୀ ନଦୀର ପଶ୍ଚିମ ଘାଟଠାରୁ ପଣଜୀ ଗଲା ସମୟରେ ଏହି ଜଳପ୍ରପାତ ପଡ଼େ । ଯାହା ଭଗବାନ ମହାବୀର ସେଞ୍ଚୁରୀ ଓ ମୋଲମ୍ ନ୍ୟାସନାଲ୍ ପାର୍କରେ ଅବସ୍ଥିତ । ଏହି ଝରଣାର ଉଚ୍ଚତା ୩୧୦ ମିଟର ।