କୁଳଭୂଷଣ ଯାଦବଙ୍କ ଫାଶୀ ଦଣ୍ଡାଦେଶ ଉପରେ ସ୍ଥଗିତାଦେଶ ପରେ ପାକିସ୍ତାନର ନୂଆ ଷଡଯନ୍ତ୍ର !
କନକ ବ୍ୟୁରୋ : ଅନ୍ତର୍ଜାତୀୟ କୋର୍ଟ କୁଳଭୂଷଣ ଯାଦବଙ୍କ ଫାଶୀ ଦଣ୍ଡାଦେଶ ଉପରେ ସ୍ଥଗିତାଦେଶ ଜାରି କରିବା ପରେ ପାକିସ୍ତାନ ଏବେ ନୂଆ ଷଡଯନ୍ତ୍ର ଆରମ୍ଭ କରିଛି । ପାକର ନୱାଜ ସରିଫ ସରକାର ଦେଶରେ ସମାଲୋଚନାର ଶୀକାର ହୋଇଛନ୍ତି । ଏହା ପରେ ଅନ୍ତର୍ଜାତୀୟ କୋର୍ଟରେ ନୂଆ ଓକିଲ ଦେବାକୁ ପାକ୍ ଚିନ୍ତା କରୁଛି । ପାକ ବୈଦେଶିକ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ, ନିଷ୍ପତି ବିରୋଧରେ ଲଢାଯିବ । ଭାରତକୁ କଡା ଜବାବ ଦିଆଯିବ ।
Kanak News is now on WhatsApp
Join and get latest news updates delivered to you via WhatsApp
ଏକ ସ୍ୱାଧୀନ ଦେଶର ନିଷ୍ପତି ନେଇ ଏକ ଅନ୍ତର୍ଜାତୀୟ କୋର୍ଟ ଏଭଳି ରାୟ ଦେଇପାରିବ ନାହିଁ ବୋଲି କହିଛି ଇସଲାମାବାଦ । ସେପଟେ କୁଳଭୂଷଣଙ୍କୁ ବଂଚାଇବା ପାଇଁ ଭାରତ ମଧ୍ୟ ଉଦ୍ୟମ ଆରମ୍ଭ କରିଛି । କୁଳଭୂଷଣଙ୍କୁ ସାକ୍ଷାତ ପାଇଁ ଭାରତ ଅନୁମିତ ମାଗିବାକୁ ପ୍ରସ୍ତୁତ ହେଉଛି । ପୂର୍ବରୁ ଏ ନେଇ ଭାରତ ଅନୁମତି ମାଗିଥିଲେ ବି ପାକିସ୍ତାନ ମନା କରିଦେଇଥିଲା । ଆଇସିଜେର ରାୟ ପରେ କୁଳଭୂଷଣଙ୍କୁ ନ୍ୟାୟ ଦେବାକୁ ପାକିସ୍ତାନ ଉପରେ ଅନ୍ତର୍ଜାତୀୟ ଚାପ ବଢିବାରେ ଲାଗିଛ । ଏଠାରେ ବଡ ପ୍ରଶ୍ନ ଉଠୁଛି, କୁଳଭୂଷଣଙ୍କୁ ସାକ୍ଷାତ ପାଇଁ ଭାରତକୁ କଣ ପାକିସ୍ତାନ ଅନୁମତି ଦେବ ।