କନକ ବ୍ୟୁରୋ : ପୁଣି ଅନ୍ଧାରରେ ପାକିସ୍ତାନ୍ । ଜାତୀୟ ଗଣମାଧ୍ୟମରେ ପ୍ରକାଶ ପାଇଥିବା ଏକ ରିପୋର୍ଟ ଅନୁସାରେ, ପାକିସ୍ତାନର କରାଚୀର ଅନେକ ଅଞ୍ଚଳରେ ପୁଣି ଅନ୍ଧାର ଘେରକୁ ଚାଲିଯାଇଛି । ଗତ କିଛିଦିନ ତଳେ ଖବର ପ୍ରକାଶ ପାଇଥିଲା, ପାକିସ୍ତାନରେ ଏଭଳି ପରିସ୍ଥିତି ହୋଇଯାଇଛି ଯେ, ପାକିସ୍ତାନର ଅନେକ ଅଞ୍ଚଳ ଅନ୍ଧାର ଘେରକୁ ଚାଲିଯାଇଛି । ଠିକ୍ ସେହିଭଳି ପୁଣି ଥରେ ଆଜି ପୁଣି ପାକିସ୍ତାନର କରାଚୀ ଅନ୍ଧାର ଘେରକୁ ଚାଲିଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, କରାଚୀ ଅଞ୍ଚଳର କେତେକ ଅଞ୍ଚଳରେ ହାଇ ଟେନସନ୍ ଟ୍ରାନ୍ସମିଶନ୍ କେବୁଲରେ ଯାନ୍ତ୍ରୀକ ତ୍ରୁଟି କାରଣରୁ ଦୀର୍ଘ ସମୟ ଧରି ବିଜୁଳି ଚାଲିଯାଇଥିଲା । କରାଚୀର ପ୍ରାୟ ୪୦ ପ୍ରତିଶତ ଅଞ୍ଚଳ ଅନ୍ଧାର ଘେରକୁ ଚାଲିଯାଇଥିଲା । ତେବେ ଯେଉଁ ଅଞ୍ଚଳଗୁଡିକ ଅନ୍ଧାରରେ ବୁଡିଯାଇଥିଲା, ସେହି ଅଞ୍ଚଳଗୁଡିକ ହେଉଛି, ନୁମାଇସ୍ ଚୌରଂଗୀ, ସଦର, ଲାଇନ୍ସ ଏରିୟା, ଡିଫେନ୍ସ ହାଉସିଂ ଅଥରିଟି, ପଞ୍ଜାବ୍ କଲୋନି ଭଳି ଅନେକ ଅଞ୍ଚଳ ଅନ୍ଧକାରରେ ବୁଡିଯାଇଥିଲା ।