ଅଡୁଆରେ ଓଲିଉଡ୍ ଅଭିନେତା ଶ୍ରୀତମ୍ ଦାସ । ଷ୍ଟାର କନସଲଟାନ୍ସିର ତ୍ରିବେଣୀ ମହାନ୍ତିଙ୍କ ଲିଙ୍କରେ ଶ୍ରୀତମଙ୍କୁ ଇଡିର ଜେରା
କନକ ବ୍ୟୁରୋ: ଅଡୁଆରେ ଓଲିଉଡ୍ ଅଭିନେତା ଶ୍ରୀତମ୍ ଦାସ । ଇଡିରେ ହାଜର ହେଲେ ଶ୍ରୀତମ । ଷ୍ଟାର କନସଲଟାନ୍ସିର ତ୍ରିବେଣୀ ମହାନ୍ତିଙ୍କ ଲିଙ୍କରେ ଶ୍ରୀତମ ଦାସଙ୍କୁ ଜେରା କରିଛି ଇଡି ବା ପ୍ରବର୍ତନ ନିର୍ଦ୍ଦେଶାଳୟ । ଚଳଚ୍ଚିତ୍ର ପ୍ରଯୋଜକ ତ୍ରିବେଣୀ ମହାନ୍ତିଙ୍କ ଫିଲ୍ମରେ କାମ କରିଥିବାରୁ ଇଡିର ତଦନ୍ତ ପରିସରକୁ ଆସିଛନ୍ତି ଶ୍ରୀତମ । ଶ୍ରୀତମ୍ ଦାସଙ୍କ ଅଭିନୀୟ ତଥା ନିର୍ଦ୍ଦେଶିତ ଚଳଚ୍ଚିତ୍ର ‘ତୁ ଥା ମୁଁ ଯାଉଛି ଋଷି’ ଫିଲ୍ମରେ ଚିଟଫଣ୍ଡ ଟଙ୍କା ଲାଗିଥିବା ନେଇ ଇଡି ଖୋଳତାଡ କରୁଛି । ଷ୍ଟାର କନସଲଟାନ୍ସିର ତ୍ରିବେଣୀ ମହାନ୍ତିଙ୍କ ଲିଙ୍କରେ ଠକେଇ ଅଭିଯୋଗ ରହିଛି । ତେଣୁ ଏ ନେଇ ଶ୍ରୀତମଙ୍କୁ ହାଜର ହେବା ପାଇଁ ପ୍ରବର୍ତନ ନିର୍ଦ୍ଦେଶାଳୟ ପକ୍ଷରୁ ସମନ୍ ଜାରି ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
‘ତୁ ଥା ମୁଁ ଯାଉଛି ରୁଷି’ର ପ୍ରଯୋଜନା କରିଥିଲେ ତ୍ରିବେଣୀ ମହାନ୍ତି। ସେ ନିଜର ଷ୍ଟାର କନସଲଟାନସି ସଂସ୍ଥାର ପଇସାରେ ଏହି ସିନେମା ନିର୍ମାଣ କରିଥିଲେ। ଏଥିରେ ଚିଟଫଣ୍ଡ ଟଙ୍କା ଲାଗିଥିବାର ଅଭିଯୋଗ ହୋଇଥିଲା। ଏଥିପାଇଁ ଶ୍ରୀତମ୍ ଦାସଙ୍କୁ ଆଜି ଭୁବନେଶ୍ୱରରେ ଥିବା ଇ ଡି ଅଫିସରେ ହାଜର ହେବାପାଇଁ ନୋଟିସ୍ ଜାରି କରାଯାଇଥିଲା। ଏହାପରେ ସେ ଆଜି ଇ ଡର ଜେରାର ସମ୍ମୁଖୀନ ହେବେ ବୋଲି ଜଣାଯାଇଛି।ଏଠାରେ ସୂଚନାଯୋଗ୍ୟ ଯେ ଆଗରୁ ପ୍ରଯୋଜକ ପ୍ରଭାସ ଚନ୍ଦ୍ର ରାଉତଙ୍କୁ ମଧ୍ୟ ଚିଟଫଣ୍ଡ ମାମଲାରେ ଗିରଫ କରାଯାଇଛି। ସେପଟେ, ଭୁବନେଶ୍ୱର ସିବିଆଇ ଅଫିସରେ ସିସୋର ମୁଖ୍ୟ ପ୍ରଶାନ୍ତ ଦାସ । ସିସୋର ଚିଟଫଣ୍ଡ ଲିଙ୍କ ମାମଲାର ତାଙ୍କୁ ଜେରା କରାଯାଉଛି । ଗତକାଲି ମଧ୍ୟ ସିବିଆଇ ଅଫିସକୁ ଆସିଥିଲେ ପ୍ରଶାନ୍ତ ଦାସ ।