‘ଅଗ୍ନିବୀର’ ନିଯୁକ୍ତି ପାଇଁ ବିଜ୍ଞପ୍ତି ଜାରି । ଖୁବ୍ ଶିଘ୍ର ଆରମ୍ଭ ହେବ ନାଁ ପଞ୍ଜିକରଣ
କନକ ବ୍ୟୁରୋ: ସେନା ଜାରି କଲା ଅଗ୍ନିପଥ ଯୋଜନାରେ ନିଯୁକ୍ତି ପାଇଁ ନୋଟିଫିକେସନ୍ । joinindianarmy.nic.in ୱେବସାଇଟ୍ ଭିଜିଟ୍ କରି ଏ ବାବଦରେ ସବିଶେଷ ସୂଚନା ପାଇହେବ । ଏହି ଯୋଜନା ବିରୋଧରେ ସମଗ୍ର ଦେଶରେ ବିକ୍ଷୋଭ ଜାରି ରହିଥିବା ବେଳେ ଭାରତୀୟ ସେନା ସୋମବାର ଅଗ୍ନିବୀର ନିଯୁକ୍ତି ପାଇଁ ବିଜ୍ଞପ୍ତି ତାରିଖ ପ୍ରକାଶ କରିଛି। ନିଯୁକ୍ତି ପାଇଁ ଉପରୋକ୍ତ ୱେସାଇଟ ରେ ଅନଲାଇନ୍ ରେଜିଷ୍ଟ୍ରେସନ୍ କରିବାକୁ ପଡିବ । ତେବେ ଏଥିରେ ରେଜିଷ୍ଟ୍ରେସନ୍ ପ୍ରକ୍ରିୟା ଆରମ୍ଭ ତାରିଖ ପ୍ରକାଶ ପାଇଛି ।
Kanak News is now on WhatsApp
Join and get latest news updates delivered to you via WhatsApp
ବାୟୁ ସେନା ପାଇଁ ଜୁନ୍ ୨୪ ତାରିଖରୁ ନାଁ ପଞ୍ଜିକରଣ ଆରମ୍ଭ ହେଉଥିବାବେଳେ ନୌସେନା ପାଇଁ ନାଁ ପଞ୍ଜିକରଣ ଜୁନ୍ ୨୫ ତାରିଖରୁ ଆରମ୍ଭ ହେଉଛି । ସେହିପରି ସ୍ଥଳସେନା ପାଇଁ ନାମ ପଞ୍ଜିକରଣ ଜୁଲାଇ ୧ ତାରିଖରୁ ଆରମ୍ଭ ହେଉଛି ।
ଭାରତୀୟ ସ୍ଥଳସେନାର ବିଜ୍ଞପ୍ତି ମୁତାବକ ଅଗ୍ନିବୀର ଭାବେ ସାମିଲ ହେବାକୁ ଚାହୁଁଥିବା ଯୁବକମାନେ ସର୍ବନିମ୍ନ ୮ମ ରୁ ୧୦ ଶ୍ରେଣୀ ପାସ କରିଥିବା ଆବଶ୍ୟକ । ସେପଟେ ଅଗ୍ନିବୀରମାନେ ସ୍ଥଳସେନାର ୪ ଟି ବିଭାଗରେ ନିଯୁକ୍ତି ପାଇଁ ଆବେଦନ କରିପାରିବେ । ଜେନରାଲ ଡ୍ୟୁଟି, ଟେକ୍ନିକାଲ, କ୍ଲର୍କ ଓ ଟ୍ରେଡସମ୍ୟାନ ଭାବେ ୪ ଟି ବିଭାଗ ରଖା ଯାଇଛି ।