ଏନଆଇଏକୁ ଶକ୍ତ ଝଟକା ! ଜାକିର ନାଏକ ନାଁରେ ରେଡକର୍ଣ୍ଣର ନୋଟିସ ଜାରି କରିବାକୁ ମନା କଲା ଇଂଟରପୋଲ
କନକ ବ୍ୟୁରୋ: ଭାରତୀୟ ଏଜେନ୍ସିକୁ ଝଟକା ଦେଇ ଇଂଟରପୋଲ ବିବାଦୀୟ ଇସଲାମିକ ପ୍ରଚାରକ ଜାକିର ନାଏକ ବିରୋଧରେ ରେଡକର୍ଣ୍ଣର ନୋଟିସ ଜାରି କରିବାକୁ ମନା କରିଦେଇଛି । ପ୍ରମାଣ ଅଭାବରୁ ଜାକିର ନାଏକ ବିରୋଧରେ ରେଡ କର୍ଣ୍ଣର ନୋଟିସ ଜାରି କରାଯାଇନାହିଁ ବୋଲି ଇଂଟରପୋଲ ତରଫରୁ ସୂଚନା ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଜାକିର ନାଏକ କହିଛି, ଭାରତୀୟ ଏଜେନ୍ସି ତାଙ୍କୁ କ୍ଲିନ ଚିଟ୍ ଦେଇଥିଲେ ସେ ଅଧିକ ଖୁସି ହୋଇଥାନ୍ତେ । ସେହି ଦିନ ମଧ୍ୟ ଶୀଘ୍ର ଆସିବ ବୋଲି କହିଛନ୍ତି ଜାକିର । ଏନଆଇଏ ମୁଖପାତ୍ର ଆଲୋକ ମିତଲ କହିଛନ୍ତି, ଜାକିର ନାଏକ ବିରୋଧରେ ଚାର୍ଜ ସିଟ ଦାଖଲ କରାଯାଇନଥିବା ବେଳେ ଇଂଟରପୋଲରେ ଆବେଦନ କରାଯାଇଥିଲା । ତେଣୁ ରେଡ କର୍ଣ୍ଣର ନୋଟିସ ଜାରି ପାଇଁ ମନା କରିଛି ଇଂଟରପୋଲ । ଏନେଇ ସିବିଆଇର କିଛି ପ୍ରତିକ୍ରିୟା ମିଳିପାରି ନାହିଁ ।
ସୂଚନା ମୁତାବକ, ଗତବର୍ଷ ଜୁଲାଇ ମାସରେ ବାଂଲାଦେଶରେ ହୋଇଥିବା ଆତଙ୍କବାଦୀ ହମଲାର ଜଣେ ଅଭିଯୁକ୍ତ ଜାକିରଙ୍କ ଭାଷଣରେ ଅନୁପ୍ରାଣିତ ହୋଇ ଏପରି ଆତଙ୍କବାଦୀ କାର୍ଯ୍ୟକୁ ଆପଣେଇଥିବା ସ୍ୱୀକାର କରିବା ପରେ ଏଭଳି ଅନେକ ମାମଲା ସାମ୍ନାକୁ ଆସିଥିଲା । ସେହିପରି ଆତଙ୍କବାଦୀ କାର୍ଯ୍ୟକଳାପ ସହ ସଂପୃକ୍ତ ଥିବାରୁ ଜାକିରଙ୍କ ବିରୋଧରେ ଭାରତର ଜାତୀୟ ତନନ୍ତକାରୀ ସଂସ୍ଥା ତଥା ଏନଆଇଏ ଚାର୍ଜସିଟ୍ ଦାଖଲ କରିଛି । ତେଣୁ ଜାକିରଙ୍କ ବିରୋଧରେ ରେଡକର୍ଣ୍ଣର ନୋଟିସ୍ ଜାରି କରି ପ୍ରତ୍ୟର୍ପଣ ପାଇଁ ଭାରତ ଇଂଟରପୋଲକୁ ଚିଠି ଲେଖିଥିଲା ।