ସାବାଡ ହେବେ ନକ୍ସଲ ! ମାଓବାଦୀଙ୍କୁ ମାତ୍ ଦେବାକୁ ଆନ୍ଧ୍ର-ଓଡିଶା ଡିଜିପି ସ୍ତରୀୟ ବୈଠକ ଶେଷ, ନିର୍ବାଚନ ପୂର୍ବରୁ କେନ୍ଦ୍ରରୁ ମଗାଯିବ ଅଧିକ ଫୋର୍ସ
କନକ ବ୍ୟୁରୋ : ଆନ୍ଧ୍ର-ଓଡିଶା ସୀମାରେ ମାଓବାଦୀଙ୍କୁ ଦମନ କରିବା ପାଇଁ ଆଜି ବସିଥିବା ଆନ୍ଧ୍ର-ଓଡିଶା ଡିଜିପିସ୍ତରୀୟ ଦ୍ୱିପାକ୍ଷିକ ଆଲୋଚନା ସଫଳ ହୋଇଛି । ଡିଜି ପୋଲିସ ରାଜେନ୍ଦ୍ର ଶର୍ମା ଏହି ସୂଚନା ଦେଇଛନ୍ତି । ସେ କହିଛନ୍ତି ଯେ ମାଓ ଅପରେସନ କ୍ଷେତ୍ରରେ ଦୁଇ ରାଜ୍ୟର ପୋଲିସଙ୍କ ମଧ୍ୟରେ କୋର୍ଡିନେସନ ଏବଂ କୋ-ଅପରେସନ କିପରି ରକ୍ଷା କରାଯାଇପାରିବ ସେନେଇ ବୈଠକରେ ଗୁରୁତ୍ୱ ଦିଆଯାଇଛି । ଏଥିସହ ଦୁଇରାଜ୍ୟ ମଧ୍ୟରେ ଗୁଇନ୍ଦା ସହଯୋଗକୁ କିପରି ବଢାଯାଇପାରିବ ସେନେଇ ମଧ୍ୟ ଆଲୋଚନା ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ମାଓବାଦୀଙ୍କୁ ମୁକାବିଲା କରିବା ପାଇଁ ନିର୍ଦ୍ଦିଷ୍ଟ ସମୟରେ ଡିଜିପି ସ୍ତରୀୟ ଏବଂ ମାଓ ପ୍ରବଣ ଜିଲ୍ଲାମାନଙ୍କର ଏସପି ସ୍ତରୀୟ ବୈଠକ କରାଯାଇ ରଣନୀତି ପ୍ରସ୍ତୁତ କରାଯିବ ବୋଲି ଡିଜିପି ବୈଠକ ପରେ ସୂଚନା ଦେଇଛନ୍ତି । ଏଥିସହ ଗୁରୁପ୍ରିୟା ସେତୁରେ ସୁରକ୍ଷା ବ୍ୟବସ୍ଥା ଏକ ଚ୍ୟାଲେଂଜ ବୋଲି କହିଛନ୍ତି ଡିଜିପି ।
ଆନ୍ଧ୍ର ଡିଜିପି ଆର ପି ଠାକୁର କହିଛନ୍ତି ୨୦୧୯ ନିର୍ବାଚନକୁ ଆଉ ମାତ୍ର ୬ରୁ୭ମାସ ସମୟ ଥିବାରୁ ମାଓ ମୁକାବିଲା ପାଇଁ କେନ୍ଦ୍ରରୁ ଅଧିକ ଫୋର୍ସ ମଗାଯିବ । ସେହିପରି ନେତା ଓ ମନ୍ତ୍ରୀମାନଙ୍କର ସୁରକ୍ଷା ବ୍ୟବସ୍ଥାକୁ ମଧ୍ୟ କଡାକଡି କରାଯିବ । ଦୁଇରାଜ୍ୟର ସୀମାରେ ଉନ୍ନୟନମୂଳକ କାମକୁ ତ୍ୱରାନ୍ୱିତ କରିବା ଉପରେ ଗୁରୁତ୍ୱ ଦିଆଯିବ ବୋଲି ସେ ସୂଚନା ଦେଇଛନ୍ତି ।