ପ୍ରଥମେ ମନ୍ତ୍ରୀ ପଦ ଏବେ ଗଲା ସରକାରୀ ବଙ୍ଗଳା… ଆତିଶୀଙ୍କୁ ମିଳିଲା ମନୀଷ ସିସୋଦିଆଙ୍କ ସରକାରୀ ଘର ।
କନକ ବ୍ୟୁରୋ: ଦିଲ୍ଲୀ ଅବକାରୀ ନୀତି ମାମଲାରେ ଜେଲରେ ବନ୍ଦ ଥିବା ଆପର ଦୁଇ ନେତା ମନୀଷ ସିସୋଦିଆ ଏବଂ ସତୈନ୍ଦ୍ର ଜୈନ ମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି । ଏହା ପରେ ଅରବିନ୍ଦ କେଜ୍ରିୱାଲ ନିଜ ସରକାରରେ ଦୁଇ ନୂଆ ମୁହଁଙ୍କୁ ସାମିଲ କରିଛନ୍ତି । ସୌରଭ ଭରଦ୍ୱାଜ ଏବଂ ଆତିଶୀ ମନ୍ତ୍ରିମଣ୍ଡଳରେ ସାମିଲ ହୋଇଥିଲେ । ଦୁଇ ଜଣଙ୍କୁ ସିସୋଦିଆ ଏବଂ ଜୈନଙ୍କ ମନ୍ତ୍ରିମଣ୍ଡଳର ସମସ୍ତ ଦାୟିତ୍ୱ ପ୍ରଦାନ କରାଯାଇଥିଲା । ତେବେ ବର୍ତ୍ତମାନ ଆତିଶୀଙ୍କୁ ସିସୋଦିଆଙ୍କ ସରକାରୀ ବଙ୍ଗଳା ଆବଣ୍ଟିତ କରାଯାଇଛି । ତେଣୁ ତାଙ୍କ ନୂଆ ଠିକଣା ପାଲଟିଛି ଏବି-୧୭ ମଥୁରା ରୋଡ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀର ଦୁଇ ଆପ ବିଧାୟକ ସୌରଭ ଭରଦ୍ୱାଜ ଏବଂ ଆତିଶୀ ମାର୍ଲିନା ମାର୍ଚ୍ଚ ୯ରେ ରାଜଭବନରେ ମନ୍ତ୍ରୀ ପଦର ଶପଥ ନେଇଥିଲେ । ଏହା ପରେ ସେମାନଙ୍କୁ ତାଙ୍କର ବିଭାଗ ଆବଣ୍ଟିତ କରାଯାଇଥିଲା । ଆତିଶୀଙ୍କ ପାଖରେ ୬ଟି ବିଭାଗ ଥିବା ବେଳେ ସେ ଶିକ୍ଷା, ପୂର୍ତ୍ତ, ମହିଳା ଏବଂ ଶିଶୁ କଲ୍ୟାଣ, ଶକ୍ତି, କଳା, ଭାଷା ଏବଂ ସଂସ୍କୃତି ବିଭାଗର ଦାୟିତ୍ୱ ନେଇଛନ୍ତି । ସେହିଭଳି ସୌରଭ ଭରଦ୍ୱାଜଙ୍କ ପାଖରେ ୭ଟି ବିଭାଗ ରହିଛି । ଏଥିରେ ସ୍ୱାସ୍ଥ୍ୟ, ସହର ବିକାଶ, ଜଳ ସମ୍ପଦ, ବନ୍ୟା ନିୟନ୍ତ୍ରଣ ଭଳି ବିଭାଗର ଦାୟିତ୍ୱ ରହିଛି ।