ଧର୍ମଘଟରୁ କ୍ଷାନ୍ତ ରୁହନ୍ତୁ ଡ୍ରାଇଭର… ଆନ୍ଦୋଳନରୁ ଓହରିଯିବାକୁ ଡ୍ରାଇଭର ମହାସଂଘକୁ ପୁଣି ନିବେଦନ କଲେ ମୁଖ୍ୟ ଶାସନ ସଚିବ ।
କନକ ବ୍ୟୁରୋ: ଆନ୍ଦୋଳନରୁ ଓହରିଯିବାକୁ ପୁଣି ଡ୍ରାଇଭର ମହାସଂଘକୁ ନିବେଦନ କଲେ ମୁଖ୍ୟ ଶାସନ ସଚିବ ପ୍ରଦୀପ ଜେନା । କହିଲେ, କାଲି ଆଲୋଚନା ପରେ ଲିଖିତ ପ୍ରତିଶ୍ରୁତି ଦିଆଯାଇଥିଲା । ୩ ମାସ ମଧ୍ୟରେ ସେମାନଙ୍କ ଦାବି ଗୁଡିକ ପୂରଣ କରାଯିବାକୁ ରାଜ୍ୟ ସରକାରଙ୍କ ପକ୍ଷରୁ କୁହାଯାଇଥିଲା । ଡ୍ରାଇଭର ମହାସଙ୍ଘର ଆବାହକଙ୍କୁ ଲିଖିତ ପ୍ରତିଶ୍ରୁତି ଦେବା ପରେ ଆନ୍ଦୋଳନ ପ୍ରତ୍ୟାହାର କରିବା ନିଷ୍ପତ୍ତି ଆମକୁ ଜଣାଇବେ ବୋଲି କହିଥିଲେ । ମାତ୍ର ଆଜି ପୁଣି ଥରେ ଆନ୍ଦୋଳନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଧର୍ମଘଟ ପାଇଁ ସାଧାରଣ ଜନତା ଯେମିତି ହଇରାଣ ନହୁଅନ୍ତି, ପରୀକ୍ଷାର୍ଥୀ ଯେମିତି ହଇରାଣ ନହୁଅନ୍ତି ଏବଂ ରୋଗୀ ଯେମିତି ହନ୍ତସନ୍ତ ନହୁଅନ୍ତି । ତେଣୁ ଡ୍ରାଇଭରମାନେ ତୁରନ୍ତ ଧର୍ମଘଟରୁ କ୍ଷାନ୍ତ ରୁହନ୍ତୁ । ରାଜ୍ୟ ସରକାର ସେମାନଙ୍କ ଦାବି ନିଶ୍ଚିତ ପୂରା କରିବେ ବୋଲି ପୁଣି ନିବେଦନ ସହ ପ୍ରତିଶ୍ରୁତି ଦୋହରାଇଛନ୍ତି ମୁଖ୍ୟ ଶାସନ ସଚିବ ।
ସେପଟେ ପେଟ୍ରୋଲ, ଡିଜେଲ ନେଇ ଯେଉଁ ସ୍ଥାନମାନଙ୍କରେ ସମସ୍ୟା ଦେଖା ଦେଇଥିଲା ତାହା ସୁଧୁରିବାରେ ଲାଗିଛି । ପେଟ୍ରୋଲ, ଡିଜେଲ, ଏଟିଏମ, ଗ୍ୟାସ ସେବାରେ ସୁଧାର ଆସୁଛି । ପୋଲିସ, ପ୍ରଶାସନ ସେମାନଙ୍କ କାମ କରୁଛନ୍ତି । ତେଣୁ ଜନତା ସେଥିପାଇଁ ବ୍ୟସ୍ତ ନହେବାକୁ ପରାମର୍ଶ ଦେଇଛନ୍ତି ମୁଖ୍ୟ ଶାସନ ସଚିବ ।