ମାୟାବତୀଙ୍କୁ ଘାରିଲା ବୈଠକରୁ ଡାଟା ଲିକ୍ ହେବାର ଭୟ ! ବୈଠକରେ ଭାଗ ନେବା ପାଇଁ ନେତା ଓହ୍ଲାଇଲେ ଜୋତା,ଚପଲ ଏବଂ ତାବିଜ୍ ।
ଲୋକସଭା ନିର୍ବାଚନ ୨୦୧୯ ର ଫଳାଫଳ ପରେ ବିଏସପି ପ୍ରମୁଖ ମାୟାବତୀ ଚଳିତ ମାସରେ ଦ୍ୱିତୀୟଥର ପାଇଁ ପାର୍ଟି ନେତାଙ୍କ ସହ ମିଶୁଛନ୍ତି । ଏଭଳି ମନେ କରାଯାଉଛି ଯେ ମାୟାବତୀ ପାର୍ଟିରେ ବଡ ପରିବର୍ତ୍ତନ ଆଣିବାକୁ ଯାଉଛନ୍ତି । ଏହି ବୈଠକକୁ ନେଇ ଏବେ ଏକ ଚକିତ କଲା ଭଳି ଖବର ସାମ୍ନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ଲକ୍ଷ୍ନୌରେ ରବିବାରକୁ ହୋଇଥିବା ବୈଠକରେ ପାର୍ଟିର ସାଧାରଣ କାର୍ଯ୍ୟକର୍ତ୍ତାରୁ ନେଇ ସାଂସଦ ପର୍ଯ୍ୟନ୍ତ ମିଟିଙ୍ଗ୍ କୁ ଯିବା ପୂର୍ବରୁ ସମସ୍ତେ ମୋବାଇଲ୍ ,ବ୍ୟାଗ ଏମିତିକି ଗାଡିର ଚାବି ମଧ୍ୟ ବାହାରେ ଜମା କରିବାକୁ ଆଦେଶ ରହିିଛି । କିନ୍ତୁ ଅଧିକ ସେତେବେଳେ ହେଲା ଯେତେବେଳେ ମହିଳାଙ୍କ ଗହଣା ଏବଂ ପୁରୁଷଙ୍କ ଜୋତା,ଚପଲ ଏବଂ ତାବିଜ୍ କୁ ମଧ୍ୟ ବାହାର କରିବାକୁ କୁହାଗଲା । ବିଏସପି ସୂତ୍ର ମୁତାବକ ନିର୍ବାଚନ ପରେ ରଣନୀତିକୁ ପରିବର୍ତ୍ତନ କରିବା ପାଇଁ ପ୍ରୟାସ କରାଯିବ ଏବଂ ଏହାକୁ ସାର୍ବଜନୀନ ନ କରିବା ପାଇଁ ଖାସ୍ ଧ୍ୟାନ ରଖାଯାଉଛି । ଏହି ବୈଠକ ମାୟାବତୀଙ୍କ ଲକ୍ଷ୍ନୌ ସ୍ଥିତ ଆବାସରେ ଆୟୋଜନ ହେବାକୁ ଯାଉଛି ।
ବୈଠକରେ ସବୁ ଜିଲ୍ଲାର ପଦାଧିକାରୀ ପହଁଚି ସାରିଛନ୍ତି । ଏଭଳି କୁହାଯାଉଛି ଯେ ଏହି ବୈଠକରେ ନେତାଙ୍କ ଘଡି ଠାରୁ ଆରମ୍ଭ କରି ଜୋତା ,ଗହଣା ପର୍ଯ୍ୟନ୍ତ ସବୁକୁ କାଉଣ୍ଟରରେ ରଖି ଯିବା ପାଇଁ ବ୍ୟବସ୍ଥା କରାଯାଇଛି ।