କ୍ରିକେଟ୍ ବିଶ୍ୱକପ: ଲର୍ଡ୍ସରେ ପାକିସ୍ତାନ-ଦକ୍ଷିଣ ଆଫ୍ରିକା ମଧ୍ୟରେ ଚାଲିଛି ଟକ୍କର, ଟସ୍ ଜିତି ପ୍ରଥମେ ବ୍ୟାଟିଂ କରୁଛି ପାକ୍ ।
କନକ ବ୍ୟୁରୋ: କ୍ରିକେଟ୍ ବିଶ୍ୱକପ୍ ୨୦୧୯: ପାକିସ୍ତାନ ବନାମ ଦକ୍ଷିଣ ଆଫ୍ରିକା ମଧ୍ୟରେ ମ୍ୟାଚ୍ ନମ୍ବର ୩୦ରେ ଟସ୍ ଜିତିଲା ପାକିସ୍ତାନ । ଲଣ୍ଡନର ଲର୍ଡ୍ସ ଷ୍ଟାଡିୟମରେ ଟସ୍ ଜିତି ପ୍ରଥମେ ବ୍ୟାଟିଂ କରୁଛି ପାକିସ୍ତାନ । ତେବେ ଆଜିର ମ୍ୟାଚ୍ ଉଭୟ ଟିମ୍ ପାଇଁ ଗୁରୁତ୍ୱପୂର୍ଣ୍ଣ ଅଟେ । କାରଣ ଦକ୍ଷିଣ ଆଫ୍ରିକା ପଏଣ୍ଟ ଟେବୁଲରେ ୮ ନମ୍ବର ସ୍ଥାନରେ ରହିଥିବାବେଳେ ପାକିସ୍ତାନ ୯ ନମ୍ବର ସ୍ଥାନରେ ରହିଛି । ତେବେ ଉଭୟ ଦଳକୁ ସେମିଫାଇନାଲ୍ ଟିକେଟ୍ ପାଇଁ ଏବେଠାରୁ ପ୍ରତ୍ୟେ ମ୍ୟାଚ ଜିତିବାକୁ ପଡ଼ିବ । ତେଣୁ ଅଜାିର ମ୍ୟାଚ ଉଭୟଙ୍କ ପାଇଁ ଗୁରୁତ୍ୱପୂର୍ଣ୍ଣ ମ୍ୟାଚ୍ ରହିଛି ।
Kanak News is now on WhatsApp
Join and get latest news updates delivered to you via WhatsApp
ପାକିସ୍ତାନ ବର୍ତ୍ତମାନ ସୁଦ୍ଧା ଖେଳିଥିବା ୫ଟି ମ୍ୟାଚରୁ ମାତ୍ର ଗୋଟିଏ ଜିତିଥିବାବେଳେ ୩ଟି ମ୍ୟାଚ୍ ପରାଜୟ ହୋଇଥିବାବେଳେ ଗୋଟିଏ ମ୍ୟାଚ୍ ବର୍ଷା ଯୋଗୁଁ ବାତିଲ୍ ହୋଇଥିଲା । ଫଳରେ ପାକ୍ ୩ ପଏଣ୍ଟ ହାସଲ କରି ପଏଣ୍ଟ ଟେବୁଲର ନବମ ସ୍ଥାନରେ ରହିଛି । ସେହିଭଳି ଦକ୍ଷିଣ ଆଫ୍ରିକା ୬ଟି ମ୍ୟାଚ୍ ଖେଳିଥିବାବେଳେ ୪ଟି ପରାଜୟ ଏବଂ ଗୋଟିଏ ମ୍ୟାଚ୍ ବର୍ଷା ଯୋଗୁଁ ବାତିଲ୍ ହେବା କାରଣରୁ ଦଳ ୩ ପଏଣ୍ଟ ହାସଲ କରିଛି । ଏବଂ ପଏଣ୍ଟ ଟେବୁଲର ୮ ନମ୍ବର ସ୍ଥାନରେ ରହିଛି । ତେବେ ଆଜି ଲର୍ଡ୍ସରେ ଖେଳାଯାଉଥିବା ମ୍ୟାଚ୍ ଅଧିକ ରୋମାଞ୍ଚକ ହେବ ବୋଲି ଆଶା କରାଯାଉଛି ।