ଜୁଲାଇ ୧୬ ଯାଏଁ ଆଂଶିକ ଲକଡାଉନ୍ ଓଡିଶା । ଜାଣନ୍ତୁ, କେଉଁଠି କେତେ ସମୟ ଖୋଲିବ ଦୋକାନ?
କନକ ବ୍ୟୁରୋ: ରାଜ୍ୟରେ କରୋନା ସଂକ୍ରମଣ କମ ହୋଇଥିଲେ ମଧ୍ୟ ଆଜି ରାଜ୍ୟ ସରକାର ଆଂଶିକ ଲକଡାଉନକୁ ପୁଣି ଜୁଲାଇ ୧୬ ତାରିଖ ଯାଏଁ ବୃଦ୍ଧି କରିଛନ୍ତି । ଅର୍ଥାତ ଜୁଲାଇ ୧୬ ତାରିଖ ଯାଏଁ ଆଂଶିକ ଲକଡାଉନ୍ ରହିବ ଓଡିଶା । ତେବେ ଏହି ଲକଡାଉନ୍ ପାଇଁ ରାଜ୍ୟ ସରକାର ୩୦ଟି ଜିଲ୍ଲାକୁ ଦୁଇ ଭାଗରେ ବିଭକ୍ତ କରିଥିବାବେଲେ କାଟାଗୋରୀ ‘ଏ’ରେ ୨୦ଟି ଏବଂ କାଟାଗୋରୀ ବି ରେ ୧୦ ଜିଲ୍ଲାକୁ ରଖିଛନ୍ତି । ତେବେ ନଜର ପକାନ୍ତୁ, କେଉଁ ଅଞ୍ଚଳରେ କେତେ ସମୟ ଖୋଲିବ ଦୋକାନ ବଜାର ।
Kanak News is now on WhatsApp
Join and get latest news updates delivered to you via WhatsApp
#କାଟାଗୋରୀ_ଏ_ପାଇଁ_କଣ_କଟକଣା ?
ଆସିଲା ଜୁଲାଇ ଗାଇଡଲାଇନ । ଜାଣନ୍ତୁ କାଟାଗୋରୀ-ଏ ପାଇଁ କଣ ରହିଛି କଟକଣା ?#Odisha #lockdown pic.twitter.com/BZ8qGHGawV— Kanak News (@kanak_news) June 30, 2021
ମୁଖ୍ୟ ଶାସନ ସଚିବଙ୍କ କହିବା ମୁତାବକ, ସଂକ୍ରମଣ କମ ଥିବା ୨୦ ଜିଲ୍ଲାରେ ସକାଳ ୬ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଏବଂ ୧୦ ଜିଲ୍ଲାରେ ସକାଳ ୬ଟାରୁ ଅପରାହ୍ନ ୨ଟା ଯାଏଁ ଅତ୍ୟାବଶ୍ୟକ ସାମଗ୍ରୀ ଦୋକାନ ଖୋଲା ରହିବ । ସେହିପରି ଉଠାଦୋକାନୀ, ଚା ଦୋକାନ ଆଦି ରାଜ୍ୟରେ ଖୋଲିପାରିବ ବୋଲି ରାଜ୍ୟ ସରକାର ଅନୁମତି ଦେଇଛନ୍ତି । ତେବେ ମଲ୍, ସିନେମା ହଲ ଆଦି ରାଜ୍ୟରେ ଏବେ ବି ବନ୍ଦ ରହିବ ବୋଲି କୁହାଯାଇଛି ।
#କାଟାଗୋରୀ_ବି_ପାଇଁ_କଣ_କଟକଣା ?
ଆସିଲା ଜୁଲାଇ ଗାଇଡଲାଇନ । ଜାଣନ୍ତୁ କାଟାଗୋରୀ-ବି ପାଇଁ କଣ ରହିଛି କଟକଣା ?#lockdown #Odisha pic.twitter.com/Ydd4uhFkGF— Kanak News (@kanak_news) June 30, 2021
ଅନ୍ୟପଟେ ଛୋଟ ସେଲୁନ୍ ଦୋକାନ ଖୋଲିବାକୁ ରାଜ୍ୟ ସରକାର ଏବେ ଅନୁମତି ପ୍ରଦାନ କରିଛନ୍ତି । ହେଲେ ସ୍ପା ଓ ପାର୍ଲର ଆଦି ପୂର୍ବଭଳି ବନ୍ଦ ରହିବ । ଯେଉଁ ଜିଲ୍ଲାମାନଙ୍କରେ ଦୋକାନ ପତ୍ର ଯେତିକି ସମୟ ଖୋଲିବାକୁ ଅନୁମତି ଦିଆଯାଇଛି । ସେତିକି ସମୟ ଏହି ସେଲୁନ ଖୋଲିପାରିବ ।