‘ଭାରତନେଟ୍’ ଯୋଜନାକୁ କେନ୍ଦ୍ର କ୍ୟାବିନେଟର ମଞ୍ଜୁରୀ । ଖର୍ଚ୍ଚ ହେବ ୧୯,୪୦୧ କୋଟି ଟଙ୍କା, ୧୬ ରାଜ୍ୟର ୨.୫ ଲକ୍ଷ ଗାଁରେ ପହଂଚିବ ଇଣ୍ଟରନେଟ୍
କନକ ବ୍ୟୁରୋ : ବୁଧବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ବସିଥିବା କ୍ୟାବିନେଟ ବୈଠଳରେ ଦେଶର ୧୬ ଟି ରାଜ୍ୟ ପାଇଁ ଭାରତନେଟ ଯୋଜନାରେ ୧୯,୦୪୧ କୋଟି ଟଙ୍କା ମଞ୍ଜୁରୀ ମିଳିଛି । କେନ୍ଦ୍ର କ୍ୟାବିନେଟ ୧୬ ଟି ରାଜ୍ୟର ୨.୫ ଲକ୍ଷ ଗାଁକୁ ଭାରତନେଟ ଯୋଜନାରେ ଇଣ୍ଟରନେଟ୍ ଯୋଗାଇଦେବାକୁ ଏହି ଅର୍ଥ ମଞ୍ଜୁର କରାଯାଇଛି । ଏହି କାର୍ଯ୍ୟ ପିପିପି ମଡେଲ ମାଧ୍ୟମରେ କରାଯିବ ବୋଲି କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏନେଇ ବିଭାଗୀୟ କେନ୍ଦ୍ରମନ୍ତ୍ରୀ ରବିଶଂକର ପ୍ରସାଦ କହିଛନ୍ତି କି ପ୍ରତି ଗାଁକୁ ସୂଚନା ରାଜମାର୍ଗ ପହଂଚାଇବା ଉର୍ଦ୍ଦେଶ୍ୟରେ କେନ୍ଦ୍ର ସରକାର ଏକ ଐତିହାସିକ ନିଷ୍ପତ୍ତି ନେଇଛନ୍ତି । ୨୦୨୦ ଅଗଷ୍ଟ ୧୫ ତାରିଖରେ ଲାଲକିଲ୍ଲାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ‘ଭାରତନେଟ’ ଯୋଜନାର ଘୋଷଣା କରିଥିଲେ । ସେହି ସମୟରେ ପ୍ରଧାନମନ୍ତ୍ରୀ କହିଥିଲେ କି ୧୦୦୦ ଦିନରେ ୬ ଲକ୍ଷ ଗାଁକୁ ଭାରତନେଟ୍ ମାଧ୍ୟମରେ ଅପ୍ଟିକାଲ ଫାଇବର ବ୍ରଡବ୍ୟାଣ୍ଡ କନେକସନ୍ ଯୋଗାଇ ଦିଆଯିବ ।
Union Cabinet approves BharatNet implementation strategy through PPP Model to cover inhabited villages in the country across 16 States. Viability gap funding support of up to Rs 19,041 crores has been approved. All remaining States/UTs to be covered: Principal Spox, Govt of India
— ANI (@ANI) June 30, 2021
ରବିଶଂକର ପ୍ରସାଦ କହିଛନ୍ତି ଏହି ଯୋଜନା ମାଧ୍ୟମରେ ଏବେ ସୁଦ୍ଧା ୧.୫୬ ଲକ୍ଷ ଗ୍ରାମ ପଂଚାୟତକୁ ଅପ୍ଟିକାଲ ଫାଇବର ମାଧ୍ୟମରେ ଇଣ୍ଟରନେଟ୍ ଯୋଗାଇ ଦିଆଯାଇଛି । ଏହାସହ ଏହାକୁ ଆହୁରି ୨.୫ ଲକ୍ଷ ଗ୍ରାମକୁ ଯୋଡିବା ପାଇଁ ଆଜି ୧୯,୦୪୧ କୋଟି ଟଙ୍କାର ମଞ୍ଜୁରୀ ମିଳିଛି । ଏହି କାର୍ଯ୍ୟ ପିପିପି ମଡେଲ ମାଧ୍ୟମରେ ହେବ ବୋଲି ରବିଶଂକର ପ୍ରସାଦ କହିଛନ୍ତି ।
ଅନ୍ୟପଟେ ବିଦ୍ୟୁତ ପରିଚାଳନାରେ ପରିବର୍ତ୍ତନ ପାଇଁ କେନ୍ଦ୍ର କ୍ୟାବିନେଟରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି । ଏହି କ୍ରମରେ ବିଦ୍ୟୁତ କ୍ଷେତ୍ରରେ ସଂସ୍କାର ପାଇଁ ରାଜ୍ୟ ସରକାର ମାନଙ୍କୁ ପ୍ଲାନ ମଗାଯିବ । ଏହି ଯୋଜନାର କାର୍ଯ୍ୟକାରିତା ପାଇଁ କେନ୍ଦ୍ର ସରକାର ଅର୍ଥ ଯୋଗାଇ ଦେବେ । ଏହାସହ ବଡ ବଡ ସହରରେ ସ୍ୱୟଂଚାଳିତ ବିଜୁଳି ଯୋଗାଣ ବ୍ୟବସ୍ଥା ପାଇଁ ବି କେନ୍ଦ୍ର ସରକାର ଯୋଜନା ପ୍ରସ୍ତୁତ କରୁଥିବା କଥା ବୈଠଳରେ ଆଲୋଚନା ହୋଇଛି ।