କନକ ବ୍ୟୁରୋ : ଜମ୍ମୁ-କାଶ୍ମୀରରେ ନୂଆ ଷଡଯନ୍ତ୍ର ରଚୁଛନ୍ତି ଆତଙ୍କବାଦୀ । ଗତ ଜାନୁଆରୀ ୨୧ରେ ଜମ୍ମୁ-କାଶ୍ମୀରରେ ୨ଟି ଆଇଇଡି ଧମାକା ହୋଇଥିଲା । ଏହି ଆକ୍ରମଣରେ ୯ଜଣ ଲୋକ ଗୁରୁତର ଭାବେ ଆହତ ହୋଇଥିଲେ । ଏହି ଆଇଇଡି ବିସ୍ଫୋରଣ କରିଥିବା ଆତଙ୍କୀକୁ ପୋଲିସ କାବୁ କରିଥିବା ବେଳେ ଆତଙ୍କବାଦୀଙ୍କ ନୂଆ ଷଡଯନ୍ତ୍ର ଏବେ ସାମ୍ନାକୁ ଆସିଛି । ପାକିସ୍ତାନର ଆତଙ୍କବାଦୀ ସଂଗଠନ ଲକ୍ସର-ଏ-ତୋଏବା ପାଇଁ କାମ କରୁଥିବା ଏହି ଆତଙ୍କୀ ନିକଟରୁ ଏକ ପରଫ୍ୟୁମ୍ ବମ୍ ଜବତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସୁରକ୍ଷା କର୍ମୀଙ୍କ କହିବା ଅନୁସାରେ, ଜବତ ହୋଇଥିବା ଏହି ପରଫ୍ୟୁମ୍ ବମକୁ କେହି ଛୁଇଁବା ମାତ୍ରେ ଏହା ଫାଟିଯାଉଛି । ଜମ୍ମୁକାଶ୍ମୀର ଡିଜିପି ଦିଲବାଗ୍ ସିଂଙ୍କ କହିବା ଅନୁସରେ ଗତ ଜାନୁଆରୀ ୨୦ତାରିଖରେ ଗୋଟେ ସ୍ଥାନରେ ଆଇଡି ବିସ୍ଫୋରଣ ହୋଇଥିଲା । ଏହି ବିସ୍ଫୋରଣରେ କାହାର କୌଣସି କ୍ଷତି ହୋଇନଥିଲା କିନ୍ତୁ ଜାନୁଆରୀ ୨୧ ତାରିଖରେ ହୋଇଥିବା ବିସ୍ପୋରଣ ଅତି ଭୟଙ୍କର ଥିଲା । ଯେଉଁଥିରେ ୯ଜଣ ଲୋକ ଗୁରୁତର ଆହତ ହୋଇଛନ୍ତି ।
ତେବେ ଜାନୁଆରୀ ୨୦ ଏବଂ ୨୧ତାରିଖରେ ବିସ୍ଫୋରଣ ହୋଇଥିବା ଆଇଡି ଅତି ଚାଲାକର ସହ ବନାଇଥିଲେ ଆତଙ୍କବାଦୀ । ଲୋକେ ବ୍ୟବହାର କରୁଥିବା ପରଫୁମ୍ କେନକୁ ନେଇ ସେଥିରେ ଆଇଡି ଖଞ୍ଜାଯାଇଥିଲା । ଏବଂ ଲୋକ ଚଳପ୍ରଚଳ କରୁଥିବା ରାସ୍ତାରେ ରଖିଦିଆଯାଇଥିଲା । କୌଣସି ବି ଲୋକ ପରଫ୍ୟୁମ୍ ଡବାରେ ଆଇଇଡି ଥିବା ଜାଣିପାରିନଥିଲେ । ତେଣୁ ପରଫ୍ୟୁମ୍ ଡବାକୁ ଛୁଇଁବା ମାତ୍ରେ ବଡ ବିସ୍ଫୋରଣ ହୋଇଥିଲା ।