କାଶ୍ମୀର ପଣ୍ଡିତ ହତ୍ୟା ମାମଲାରେ ସରକାରଙ୍କ ଦୃଢ କାର୍ଯ୍ୟାନୁଷ୍ଠାନ, ହତ୍ୟାକାରୀର ସ୍ତ୍ରୀଙ୍କ ସମେତ ୪ ଜଣଙ୍କର ଗଲା ଚାକିରି
କନକ ବ୍ୟୁରୋ : କାଶ୍ମୀର ପଣ୍ଡିତ ନରସଂହାର ମାମଲାରେ ସରକାର ଦୃଢ କାର୍ଯ୍ୟାନୁଷ୍ଠାନ ନେଇଛନ୍ତି । ଏହି ନରସଂହାରର ମୁଖ୍ୟ ଅଭିଯୁକ୍ତ କୁହାଯାଉଥିବା ବିଟା କରାଟେଙ୍କ ସ୍ତ୍ରୀ ସମେତ ୪ ଜଣଙ୍କୁ ଚାକିରିରୁ ବରଖାସ୍ତ କରିଛନ୍ତି ସରକାର । କୁହାଯାଉଛି ଯେ କାଶ୍ମୀରେ ପଣ୍ଡିତମାନଙ୍କୁ ହତ୍ୟା କରିବା ମାମଲାରେ ବିଟା ହେଉଛନ୍ତି ମୁଖ୍ୟ ଅଭିଯୁକ୍ତ । ନ୍ୟୁଜ ଏଜେନ୍ସି ଏଏନଆଇର ସୂଚନା ମୁତାବକ ବିଟା କରାଟେଙ୍କ ପତ୍ନୀ ଅସବାହା ଆରଜୁମନ୍ଦ ଖାନ, କାଶ୍ମୀର ବିଶ୍ୱବିଦ୍ୟାଳୟର ବୈଜ୍ଞାନିକ ମୁହିତ ଅହମ୍ମଦ ଭଟ୍ଟ, କାଶ୍ମୀର ବିଶ୍ୱ ବିଦ୍ୟାଳୟର ଆସିଷ୍ଟାଣ୍ଡ ପ୍ରଫେସର ମାଜିଦ ହୋସେନ କାଦରୀ ଓ ଆଇଟି ସୟେଦ ଅବ୍ଦୁଲ୍ଲା ମୁଇଦଙ୍କୁ ଚାକିରିରୁ ବରଖାସ୍ତ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂତ୍ର ସୂଚନା ମୁତାବକ ବିଟା କରାଟେଙ୍କ ପତ୍ନୀ ଅସବାହ ୨୦୧୧ ବ୍ୟାଚର ଜେଏକେଏସ ଅଫିସର । ସେ ଆତଙ୍କବାଦୀ ସଂଗଠନ ଆଇଏସଆଇ ସହ ସଂପର୍କ ରଖିଥିବା କାରଣରୁ ତାଙ୍କୁ ବହିସ୍କାର କରାଯାଇଛି । ଏହାସହ ୨୦୦୩-୨୦୦୭ ମଧ୍ୟରେ ସେ କାର୍ଯ୍ୟରେ ଅନୁପସ୍ଥିତ ରହି ସେହି ସମୟରେ ସେ ଜର୍ମାନୀ, ବ୍ରିଟେ ଓ ଶ୍ରୀଲଙ୍କା ଗସ୍ତ କରିଥିବା କଥା କୁହାଯାଇଛି ।
J&K govt sacks four Govt employees, including the wife of Bitta Karate who is facing terror charges and is an accused in the matter of killing of Kashmiri pandits. The four have been dismissed from services for terror links: Govt Sources pic.twitter.com/wlv5PPgxho
— ANI (@ANI) August 13, 2022
କହିରଖୁ ଯେ ବିଟା କରାଟେଙ୍କ ନାମ ‘ଦ କାଶ୍ମୀର ଫାଇଲ’ ସିନେମା ଆସିବା ପରେ ପୁଣି ଚର୍ଚ୍ଚାକୁ ଆସିଥିଲା । ବିଟା ଉପରେ ୨୦ ଜଣ ନିର୍ଦ୍ଦେଶ କାଶ୍ମୀର ପଣ୍ଡିତଙ୍କୁ ସାମୁହିକ ଭାବେ ହତ୍ୟା କରିବା ଭଳି ଅଭିଯୋଗ ରହିଛି । ହେଲେ ଏହି ମାମଲାରେ ତାଙ୍କୁ ଆଇନଗତ କୌଣସି ଦଣ୍ଡ ମିଳିନାହିଁ ।