ଜମ୍ମୁ-କଶ୍ମୀରରେ ସିିରିଜ୍ ଆତଙ୍କବାଦୀ ଆକ୍ରମଣ ! ୧୩ ଯବାନ ଆହତ
କନକ ବ୍ୟୁରୋ : ଜମ୍ମୁ-କାଶ୍ମୀରରେ ସିରିଜ୍ ଆତଙ୍କବାଦୀ ଆକ୍ରମଣ । ମଙ୍ଗଳବାର ସନ୍ଧ୍ୟା ସମୟରେ ମାତ୍ର ୪ରୁ ୫ ଘଂଟା ମଧ୍ୟରେ ଜମ୍ମୁ କାଶ୍ମୀରର ଭିନ୍ନ ଭିନ୍ନ ୬ଟି ସ୍ଥାନରେ ଆତଙ୍କବାଦୀ ଆକ୍ରମଣ କରିଛନ୍ତି । ଆକ୍ରମଣରେ ୧୩ଜଣ ଯବାନ ଆହତ ହୋଇଥିବା ସୂଚନା ମିଳିଛି । ଏଥିପାଇଁ ଘାଟି ଅଂଚଳରେ ସେନା ପକ୍ଷରୁ ରେଡ୍ ଆଲର୍ଟ ଜାରି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ସନ୍ଧ୍ୟାରେ ପ୍ରଥମେ ପୁଲୱାମା ଜିଲ୍ଲାର ତ୍ରାଲରେ ଥିବା ୧୮୦ ବାଟାଲିୟର ସିଆରପିଏଫ କ୍ୟାମ୍ପ ଉପରେ ଆତଙ୍କବାଦୀ ଗ୍ରେନେଡ୍ ମାଡ଼ କରି ଆକ୍ରମଣ କରିଥିଲେ । ଏହି ଆକ୍ରମଣରେ ୧୦ଜଣ ଯବାନ ଆହତ ହୋଇଛନ୍ତି । ଆହତମାନଙ୍କୁ ଶ୍ରୀନଗରରେ ଥିବା ୯୨ ବେସ୍ ହସ୍ପିଟାଲକୁ ନିଆଯାଇଛି । ଆକ୍ରମଣ ପରେ ସମଗ୍ର ଅଂଚଳକୁ ଘେରାଉ କରିଛି ସେନା । ଗ୍ରେନେଡ୍ ମାଡ଼ ପାଇଁ ଆତଙ୍କବାଦୀ ସଂଗଠନ ହିଜବୁଲ୍ ମୁଜାହିଦିନ୍ ନିଜକୁ ଦାୟୀ କରିଛି । ତ୍ରାଲ ପରେ ଅବନ୍ତିପୁରାର ସିଆପିଏଫ୍ କ୍ୟାମ୍ପ ଉପରେ ଆକ୍ରମଣ କରିଛନ୍ତି ଆତଙ୍କବାଦୀ ।
ଏହା ସହିତ ଅନନ୍ତନାଗରେ ହାଇକୋର୍ଟ ଜଜଙ୍କ ଗାର୍ଡ ରୁମ୍ ଉପରେ ଆକ୍ରମଣ କରିଛନ୍ତି । ଆକ୍ରମଣରେ ୨ଜଣ ସୁରକ୍ଷା କର୍ମୀ ଆହତ ହୋଇଛନ୍ତି ଏବଂ ସେମାନଙ୍କଠାରୁ ୪ଟି ଅଟୋମେଟିକ ରାଇଫଲ୍ ଛଡାଇ ନେଇଯାଇଥିବା ଖବର ମିଳିଛି । ସିଆରପିଏଫ୍ କ୍ୟାମ୍ପ ଆଟାକ । ପୁଲୱାମାର ପୁଲିସ ଷ୍ଟେସନ ଉପରେ ମଧ୍ୟ ଆକ୍ରମଣ କରିଛନ୍ତି ଆତଙ୍କବାଦୀ । ଉତ୍ତର କାଶ୍ମୀରର ସପୋରରେ ଥିବା ୨୨ରାଷ୍ଟିୟ ରାଇଫଲ୍ ଶିବିର ଉପରେ ମଧ୍ୟ ଆକ୍ରମଣ ହୋଇଥିବା ସୂଚନା ମିଳିଛି ।