କନକ ବ୍ୟୁରୋ : ଗୋବିନ୍ଦ ସାହୁଙ୍କ ଆତ୍ମହତ୍ୟା ଖବର ଭିତରେ ସାଂଘାତିକ୍ ଅଭିଯୋଗ ଆଣିଲେ ତାଙ୍କ ସମ୍ପର୍କୀୟ । ଗୋବିନ୍ଦ ସାହୁଙ୍କ ଭିଣେଇ ମହେନ୍ଦ୍ର ସାହୁ ଅଭିଯୋଗ ଆଣି କହିଛନ୍ତି, ଯେତେବେଳେ ଗୋବିନ୍ଦଙ୍କ ଆତ୍ମହତ୍ୟା କଥା ଶୁଣିଲୁ, ସେତେବେଳେ ଆତ୍ମହତ୍ୟା କଥା ଆମର ବିଶ୍ୱାସ ହୋଇନଥିଲା । ଗୋବିନ୍ଦ ସାହୁ ଜଣେ ଦୃଢୋମନା ବ୍ୟକ୍ତି । ସେ ତାଙ୍କ ଜୀବନରେ ଅନେକ ଝଡଝଞ୍ଜା ଦେଖିଛନ୍ତି । ସେ କେବେ ବି ଜେଲ ଭିତରେ ଆତ୍ମହତ୍ୟା କରିପାରିବେ ନାହିଁ । ପେଶାଦାର ହତ୍ୟାକାରୀଙ୍କୁ ଲଗାଇ ଗୋବିନ୍ଦଙ୍କୁ ହତ୍ୟା କରାଯାଇଛି । ଯଦି ସେ ଆତ୍ମହତ୍ୟା କରିବାର ଥିଲା, ଦୋଷୀ ସାବ୍ୟସ୍ତ ହେବା ପରେ ଆତ୍ମହତ୍ୟା କରିଥାନ୍ତେ ।
Kanak News is now on WhatsApp
Join and get latest news updates delivered to you via WhatsApp
ସେ ଆହୁରି ମଧ୍ୟ କହିଛନ୍ତି ଯେ, ଜେଲ୍ ଏକ ସୁରକ୍ଷିତ ସ୍ଥାନ, ସେଠାରେ କଏଦୀଙ୍କ ଉପରେ ନଜର ରଖିବା ପାଇଁ ଅନେକ ଷ୍ଟାଫ୍ ଅଛନ୍ତି । ତେଣୁ ଜେଲ ଭିତରେ ଜଣେ ବ୍ୟକ୍ତି ଆତ୍ମହତ୍ୟା କରିବା କୌଣସି ପ୍ରକାର ସମ୍ଭବ ନୁହେଁ । ତାଙ୍କୁ ଷଡଯନ୍ତ୍ର କରି ହତ୍ୟା କରାଯାଇଛି । ପ୍ରଫେସନାଲ କିଲରଙ୍କୁ ନେଇ ଗୋବିନ୍ଦଙ୍କୁ ହତ୍ୟା କରାଯାଇଛି । ଯେଉଁମାନେ ମମିତା ମେହେର ହତ୍ୟା ମାମଲାରେ ସମ୍ପୃକ୍ତ ଅଛନ୍ତି ସେମାନେ ହିଁ ଏହି ହତ୍ୟା କରିଥାଇ ପାରନ୍ତି । କାରଣ ଗୋବିନ୍ଦ ଯେତେବେଳେ ଆମ ସହିତ କଥାବାର୍ତ୍ତା ହେଉଥିଲା ସେତେବେଳେ ଆତ୍ମହତ୍ୟା କଲାଭଳି ଚିନ୍ତାଧାରା ପରିଲକ୍ଷିତ ହୋଇପାରିନଥିଲା । ଗତ କିଛିଦିନ ତଳେ ତାଙ୍କ ସ୍ତ୍ରୀଙ୍କ ସହ ଗୋବିନ୍ଦ କଥା ହୋଇଥିଲେ । ଆଉ କହିଥିଲେ, ମୁଁ ନିର୍ଦ୍ଦୋଷ, ମୋର କେହି କିଛି କରିପାରିବେ ନାହିଁ । କିଛି ଦିନ ପରେ ମୁଁ ଖଲାସ ହୋଇଯିବି । ଏତେ ଭଲସେ କଥା ହେବା ପରେ ଜଣେ ବ୍ୟକ୍ତି ଆତ୍ମହତ୍ୟା କରିବା ସମ୍ଭବ ନୁହେଁ ।
ଗୋବିନ୍ଦଙ୍କ ପକେଟରୁ ଯେଉଁ ନୋଟ୍ ବାହାରିଥିଲା । ତାକୁ ପଢିବା ପାଇଁ ଆମେ କହିଥିଲୁ କିନ୍ତୁ ନୋଟ୍ ପଢିବାକୁ ମନା କରିଦିଆଯାଇଥିଲା । ପ୍ରଥମେ ପୋଲିସ ହଁ କରିଥିଲେ କିନ୍ତୁ ପରେ ମନା କରିଦେଲେ ।