ଦଳରେ ଚୟନ କରିନଥିବା କୋଚଙ୍କୁ ଗୁରୁଦିବସର ଶୁଭେଚ୍ଛା ଜଣାଇଲେ ଗାଙ୍ଗୁଲି: ସେୟାର କଲେ ଖରାପ ସମୟର କଥା…
କନକ ବ୍ୟୁରୋ: ପୂର୍ବତନ ଭାରତୀୟ କ୍ରିକେଟର ତଥା ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲି ଗୁରୁ ଦିସବରେ ନିଜ ଗୁରୁମାନଙ୍କୁ ମନେ ପକାଇଛନ୍ତି । ଆଜି ସେ ଏକ ଭିଡିଓ ସେୟାର କରି ନିଜ ଜୀବନର କିଛି ଖାସ କଥା କହିଛନ୍ତି । ଏହାସହ କହିଛନ୍ତି ନିଜ ଫେବରେଟ ଗୁରୁ କିଏ । ଟିମରେ ଜାଗା ପାଇବାଠୁ ଆରମ୍ଭ କରି ବାହାର ହେବା ପୁଣି ଫେରିବାର ସଂଘର୍ଷ କାହାଣୀ ସେ ଫ୍ୟାନମାନଙ୍କ ସାମ୍ନାରେ ରଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗୁରୁ ଦିବସରେ ଗାଙ୍ଗୁଲି ନିଜ ଟ୍ୱିଟର ଆକାଉଣ୍ଟରେ ଏକ ଭିଡିଓ ସେୟାର କରିଛନ୍ତି । ଏହାକୁ ସେୟାର କରି ସେ ଲେଖିଛନ୍ତି, ଦେବୋ ମିତ୍ର, ଜନ ରାଇଟ ଆଉ ମୋର ଅତି ପ୍ରିୟ ଗ୍ୟାରି କଷ୍ଟେନ ଓ ଗ୍ରେଗ୍ ଆପଣ ମାନଙ୍କୁ ଗୁରୁ ଦିବସର ଶୁଭେଚ୍ଛା । ଏହାସହ ସେ ସେହି ଭିଡିଓରେ କହିଛନ୍ତି ମୁଁ ସେହି ମଣିଷଙ୍କୁ ବି ଶୁଭେଚ୍ଛା ଜଣାଇବାକୁ ଚାହୁଁଛି ଯିଏ ମୋ ଜୀବନ ବଦଳାଇକି ରଖିଦେଇଥିଲେ ।
Major missing Debo Mitra, John Wright, my favourite one ,Gary Kirsten and Greg. Happy Teachers’ Day!
There are few moments in life that make you relive your past, here’s to my failures & bouncing back.
Watch here: https://t.co/xNIlW4EdZa#TeachersDay
— Sourav Ganguly (@SGanguly99) September 5, 2022
ସେ ଆହୁରି କହିଛନ୍ତି ୧୯୨ ହେଉ କି ଆଜିର ଦିନ ଗୋଟିଏ ଜିନିଷ ସବୁ ବେଳେ ଆପଙ୍କ ସାଥିରେ ଥିବ ସେ ହେଉଛି ଅସଫଳତା । ମୋର ମନେ ଅଛି ପ୍ରଥମ ଗସ୍ତ କଥା, ଯେତେବେଳେ ମୁଁ ୧୯ ବର୍ଷର ଥିଲି । ସଚିନ ତେନ୍ଦୁଲକର ଯିଏ ଟିମରେ ନିଜ ସ୍ଥାନ ପକ୍କା କରିସାରିଥିଲେ । ସେହି ମ୍ୟାଚରେ ସେ ୭୭ ରନ କରିଥିଲେ ଆଉ ମୁଁ ଶସ୍ତାରେ ଆଉଟ ହୋଇଯାଇଥିଲି । ଫଳରେ ମତେ ୪ ବର୍ଷ ଟିମରୁ ବାହାର ହେବାକୁ ପଡିଥିଲା । ଏହି ସମୟ ମତେ ବହୁତ କିଛି ସିଖାଇଛି । ଆଉ ବହୁତ ଜିନିଷକୁ ମୁଁ ବୁଝିଛି ।