ପୁଣି ଲଜ୍ଜିତ ହେଲା ପାକିସ୍ତାନ । ଲାଇଭ୍ ମ୍ୟାଚରେ ଲିଭିଗଲା ଲାଇଟ୍ । ଶ୍ରୀଲଙ୍କା ବିପକ୍ଷ ମ୍ୟାଚ୍ ବେଳେ ଅନ୍ଧାର ହେଲା ଷ୍ଟାଡିୟମ୍ ।
କନକ ବ୍ୟୁରୋ : ଅନ୍ତରାଷ୍ଟ୍ରୀୟ ସ୍ଥରରେ ବାରମ୍ବାର ଅପଦସ୍ଥ ହେଉଥିବା ପାକିସ୍ତାନକୁ ପୁଣି ଥରେ ସମାଲୋଚନାର ଶିକାର ହେବାକୁ ପଡିଛି । ଆତଙ୍କବାଦ ସମସ୍ୟା ପାଇଁ ଗତ ପ୍ରାୟ ୧୦ ବର୍ଷ ଧରି ପାକିସ୍ତାନକୁ କୌଣସି ଦେଶ କ୍ରିକେଟ ଖେଳିବାକୁ ଯାଉନଥିଲେ । ବହୁ ଅନୁରୋଧ ପରେ ଶେଷରେ ଶ୍ରୀଲଙ୍କା କ୍ରିକେଟ ଦଳ ଏବେ ପାକିସ୍ତାନ ଗସ୍ତରେ ଅଛି । ଏତେ ଦିନ ପରେ ଏତେ କଷ୍ଟରେ ହେଉଥିବା ଏହି ସିରିଜ କିନ୍ତୁ ନାନା ଅବ୍ୟବସ୍ଥା ଦେଇ ଗତି କରୁଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରଥମ ଏକଦିବସୀୟ ମ୍ୟାଚଟି ବର୍ଷା ହେବା ଯୋଗୁଁ ବାତିଲ ହୋଇଯାଇଥିବାବେଳେ ଗତ ସୋମବାରଦିନ ଖେଳାଯାଇଥିବା ୨ୟ ଏକଦିବସୀୟ ମ୍ୟାଚଟି ଏକ ଭିନ୍ନ କାରଣରୁ ଚର୍ଚ୍ଚାରେ ରହିଛି । ଏହି ମ୍ୟାଚ ଚାଲିଥିବାବେଳେ ହଠାତ୍ ଫ୍ଲଡ ଲାଇଟ ବନ୍ଦ ହୋଇଯିବାରୁ ଷ୍ଟାଡିୟମଟି ଅନ୍ଧାର ହୋଇଯାଇଥିଲା । ଗୋଟିଏ ନୁହେଁ ୬ଟି ଫ୍ଲଡଲାଇଟ୍ ବନ୍ଦ ହୋଇଯାଇଥିଲା । ଏହା ଫଳରେ ମ୍ୟାଚ ପ୍ରାୟ ଅଧଘଣ୍ଟାଏ ଧରି ଅଟକି ରହିଥିଲା । ଏହି ଘଟଣାକୁ ନେଇ ପାକିସ୍ତାନ କ୍ରିକେଟ ବୋର୍ଡ ଚାରିଆଡୁ ସମାଲୋଚନାର ଶରବ୍ୟ ହୋଇଛି । ସୋସିଆଲ ମିଡିଆରେ ପିସିବିକୁ ଲୋକମାନେ ସମାଲୋଚନା କରିଛନ୍ତି ।