କନକ ବ୍ୟୁରୋ : କଳାହାଣ୍ଡିର ବହୁ ଚର୍ଚ୍ଚିତ ଦଶମ ଶ୍ରେଣୀ ପରୀକ୍ଷାର ଭୁଲ ପ୍ରଶ୍ନ, ଭୁଲ ଉତ୍ତର ବଣ୍ଟନ ଘଟଣାରେ କେସିଙ୍ଗା ପୁଲିସର କାର୍ଯ୍ୟାନୁଷ୍ଠାନ । ଶିକ୍ଷା ବିଭାଗର ଏତଲା ପରେ ୮ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ଗିରଫ ଅଭିଯୁକ୍ତଙ୍କ ମଧ୍ୟରେ ରୁପ୍ରାର ଆରକେ ଶକୁନ୍ତଳା ଉଚ୍ଚବିଦ୍ୟାଳୟର ପରିଚାଳକ ମଧ୍ୟ ଅଛନ୍ତି । ଅଭିଯୁକ୍ତଙ୍କ ବିରୋଧରେ ୪୨୦, ୩୪ ଆଇପିସି ଓ ଓଡିଶା ପରୀକ୍ଷା ଅଧିନିୟମ ୯ରେ ମାମଲା ରୁଜୁ କରାଯାଇଛି । ଏହି ଘଟଣାରେ ପୁଲିସ ନକଲି ପ୍ରଶ୍ନପତ୍ର, ମୋବାଇଲ ଓ ଟଙ୍କା ଜବତ କରିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଦଶମ ଶ୍ରେଣୀ ପରୀକ୍ଷା ଚାଲିଥିଲା ବେଳେ କେନ୍ଦ୍ର ବାହାରେ ଗିରଫ ଅଭିଯୁକ୍ତମାନେ ଭୁଲ ପ୍ରଶ୍ନ, ଭୁଲ ଉତ୍ତର ବଣ୍ଟନ କରୁଥିଲେ । ଅଭିଭାବକଙ୍କୁ ମାଟ୍ରିକ ଏକଜାମର ପ୍ରଶ୍ନ ଓ ଉତ୍ତର କହି ଟଙ୍କା ଦେଲେ ଭୁଲ ପ୍ରଶ୍ନ ସହ ଭୁଲ ଉତର ଯୋଗାଇ ଦେଉଥିବା ଅଭିଯୋଗ ହୋଇଥିଲା । ଏନେଇ ଗତ ୧୪ ତାରିଖରେ ଜିଲ୍ଲା ଅତିରିକ୍ତ ଶିକ୍ଷା ଅଧିକାରୀଙ୍କ ଅଭିଯୋଗରେ ୮ଜଣଙ୍କୁ ପୁଲିସ ଉଠାଇ ନେଇ ପଚରା ଉଚରା କରି ଛାଡି ଦେଇଥିଲା । କିନ୍ତୁ ମାର୍ଚ୍ଚ ୧୮ରେ ଜିଲ୍ଲା ଅତିରିକ୍ତ ଶିକ୍ଷା ଅଧିକାରୀଙ୍କ ଏତଲା ଆଧାରରେ ପୁଲିସ ୮ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ।