କନକ ବ୍ୟୁରୋ : ଡିକି ଭାଙ୍ଗି ୨ଲକ୍ଷ ୭୫ ହଜାର ଟଙ୍କା ଲୁଟି ନେଲେ ଦୁର୍ବୃତ୍ତ । କଟକ ଜିଲ୍ଲା କାନପୁର ଥାନା ରୁଷିପଡା ଛକରେ ଘଟିଛି ଏହି ଲୁଟ ଘଟଣା । ନରସିଂହପୁର ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ ବ୍ୟାଙ୍କରୁ ଟଙ୍କା ଉଠାଇ ବାସେଳିହତା ଗାଁର ବିନୟ କୁମାର ସ୍ୱାଇଁ ଜନସେବା କେନ୍ଦ୍ରକୁ ଫେରୁଥିଲେ । କିଛି ଜରୁରୀ କାର୍ଯ୍ୟ ପାଇଁ ରୁଷିପଡା ଛକ ନିକଟରେ ଅଟକିଥିଲେ ବିନୟ ।
Kanak News is now on WhatsApp
Join and get latest news updates delivered to you via WhatsApp
ଛକରେ ବାଇକ ଥିବା ବେଳେ କୌଣସି ଦୁର୍ବୃତ ଡୁପ୍ଲିକେଟ ଚାବିରେ ଡିକି ଖୋଲି ଟଙ୍କା ଲୁଟିନେଇଥିବା ଅଭିଯୋଗ ହୋଇଛି । ଏନେଇ ଜନସେବା ଅପରେଟର ବିନୟ ସ୍ୱାଇଁ କାନପୁର ଥାନାରେ ଲିଖିତ ଅଭିଯୋଗ କରିଛନ୍ତି । ଲିଖିତ ଏତଲା ପରେ କାନପୁର ଥାନା ଅଧିକାରୀ ରବୀନ୍ଦ୍ର ଭୁଜବଳଙ୍କ ନିର୍ଦ୍ଦେଶରେ ଏକ ଟିମ ଯାଇ ରୁଷିପଡା ଛକକୁ ଯାଇ ତଦନ୍ତ ଆରମ୍ଭ କରିଛନ୍ତି ।