‘ଡୋଲୋ’ ପ୍ରେସ୍କ୍ରାଇବ୍ ପାଇଁ ହଜାରେ କୋଟିର ଉପହାର : ସୁପ୍ରିମକୋର୍ଟ ବିଚାରପତି କହିଲେ ଗୁରୁତର ପ୍ରସଙ୍ଗ, ଜବାବ ଦେବାକୁ କେନ୍ଦ୍ରକୁ ନିର୍ଦ୍ଦେଶ
କନକ ବ୍ୟୁରୋ : ଆପଣ ଯେଉଁ ଔଷଧ ଖାଉଛନ୍ତି ତାହା ଡାକ୍ତର ନିଜ ମନରୁ ଲେଖୁଛନ୍ତି ନା ଉପହାର ପାଇ ଲେଖୁଛନ୍ତି ତାହା ଏବେ ସନ୍ଦେହ ଘେରରେ । ଏପରି ଏକ ଖବର ଏବେ ସାମ୍ନାକୁ ଆସିଛି । କରୋନା ବେଳେ ଡାକ୍ତରମାନେ ରୋଗୀଙ୍କୁ ଜ୍ୱର ପାଇଁ ଡୋଲୋ-୬୫୦ ଟାବଲେଟ ବା ବଟିକା ଖାଇବାକୁ ପରାମର୍ଶ ଦେଉଥିଲେ । ଡାକ୍ତରଙ୍କ ପରାମର୍ଶ କ୍ରମେ ଏହି ବଟିକା ଘରେ ଘରେ ମଧ୍ୟ ଆଦୃତ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ଡାକ୍ତରମାନେ ରୋଗୀଙ୍କୁ ଏହି ଔଷଧ ଖାଇବାକୁ କହିବା ପଛରେ ଗୋଟିଏ ବଡ ଉପହାର କାରବାର ଥିବା ଜଣାପଡିଛି । ଡାକ୍ତରଙ୍କୁ ଏହି ବଟିକା ରୋଗୀଙ୍କୁ ଦେବାକୁ ଔଷଧ କମ୍ପାନୀ ଉପହାର ଦେଇଥିଲା ବୋଲି ଜଣାପଡିଛି । ଏଥିପାଇଁ ଔଷଧ ନିର୍ମାତା କମ୍ପାନୀ ହଜାରେ କୋଟିରୁ ଅଧିକ ଟଙ୍କା ଉପହାର ଦେଇଥିବା ଜଣାପଡିଛି । ଏ ନେଇ ଫେଡେରେସନ ଅଫ୍ ମେଡିକାଲ ଆଣ୍ଡ ସେଲସ ରିପ୍ରେଜେଣ୍ଟିଭ ଦାବି କରିଛି । ଏ ନେଇ ସୁପ୍ରିମକୋର୍ଟକୁ ଅବଗତ କରାଇଛି ସଂପୃକ୍ତ ସଂସ୍ଥା । ବିଚାରପତି ଏହାକୁ ଗୁରତର ପ୍ରସଙ୍ଗ ବୋଲି କହିଛନ୍ତି । ଏଥିସହ ୧୦ ଦିନ ଭିତରେ ଜବାବ ଦେବାକୁ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେଇଛନ୍ତି ।