କନକ ବ୍ୟୁରୋ : ପ୍ରେମରେ ବିଫଳ ପରେ ପ୍ରେମିକାକୁ ଛୁରୀ ଭୁସି ହତ୍ୟା କଲା ପ୍ରେମିକ । ଥରେ କି ଦୁଇ ଥର ନୁହେଁ ଏକାବେଳକେ ୬ ଥର ଛୁରୀରେ ଆକ୍ରମଣ କଲା ପିଶାଚ ପ୍ରେମିକ । ରାଜଧାନୀ ଦିଲ୍ଲୀର ଆଦର୍ଶନଗରରେ ଘଟିଛି ଏଭଳି ଘଟଣା । ଏହି ଲୋମଟାଙ୍କୁରା ଦୃଶ୍ୟ ସିସିଟିଭିରେ କଏଦ ହୋଇଛି । ଗୁରୁତର ଅବସ୍ଥାରେ ଯୁବତୀଙ୍କୁ ହସ୍ପିଟାଲରେ ଭର୍ତି କରାଯାଇଛି । ଏବେ ତାଙ୍କ ସ୍ୱାସ୍ଥ୍ୟବସ୍ଥା ସ୍ଥିର ଥିବା ଜଣାପଡିଛି । ଗତ କିଛି ଦିନ ହେବ ରାଜଧାନୀ ଦିଲ୍ଲୀ ମହିଳାଙ୍କ ପାଇଁ ଅସୁରକ୍ଷିତ ପାଲଟିଯାଇଛି ।
Kanak News is now on WhatsApp
Join and get latest news updates delivered to you via WhatsApp
ନିକଟରେ ଶ୍ରଦ୍ଧା ୱାଲକର ହତ୍ୟା ଘଟଣା ମନରୁ ଲିଭିନଥିବା ବେଳେ ଏବେ ସେମିତି ଏକ ସମାନ ଘଟଣା ଦେଖିବାକୁ ମିଳିଛି । ପ୍ରେମରେ ବିଫଳ ହେବା ପରେ ପ୍ରେମିକାକୁ ମାରିଦେବାକୁ ଏଭଳିକାଣ୍ଡ ଭିଆଇଛି ପ୍ରେମିକ । ପିଡିତା ଯୁବତୀ ଦିଲ୍ଲୀ ୟୁନିଭରସିଟିରେ ସ୍ନାତକ ପଢୁଥିବା ବେଳେ ୫ବର୍ଷ ପୂର୍ବରୁ ସୁଖବିନ୍ଦରଙ୍କ ସହ ତାଙ୍କ ପ୍ରେମ ସମ୍ପର୍କ ଗଢିଉଠିଥିଲା । ହେଲେ ପରିବାର ସମ୍ମତି ଦେଉନଥିବାରୁ ଯୁବତୀଜଣକ ଦୂରେଇ ଯିବାକୁ ଚାହୁଁଥିଲେ । ଏଥିରେ ଉତକ୍ଷିପ୍ତ ହୋଇ ପ୍ରେମିକ ଯୁବତୀଙ୍କୁ ଛୁରୀରେ ୬ଥର ଆକ୍ରମଣ କରିଛି ।