କନକ ବ୍ୟୁରୋ: ଅଭିବ୍ୟକ୍ତି ବା ବାକ୍ ସ୍ୱାଧୀନତାକୁ ଉପରେ ରୋକ୍ ଲଗାଇବା ପାଇଁ ସୁପ୍ରିମକୋର୍ଟରେ ହୋଇଥିବା ମାମଲା ଗୁଡିକର ବିଚାର କରି, ଖଣ୍ଡପୀଠ ଏଭଳି ଗୁରୁତ୍ୱପୂର୍ଣ୍ଣ ରାୟ ଦେଇଛନ୍ତି । ମନ୍ତ୍ରୀ, ବିଧାୟକ ଏବଂ ସାଂସଦଙ୍କ ବୟନେ ଉପରେ ଅଧିକ କଟକଣା ଲଗାଇବାକୁ ସର୍ବୋଚ୍ଚ ନ୍ୟାୟାଳୟ ମନା କରି ଦେଇଛନ୍ତି । ଖଣ୍ଡପୀଠ କହିଛନ୍ତି, କୌଣସି ଜନପ୍ରତିନିଧିଙ୍କ ଆପତ୍ତିଜନକ କିମ୍ବା ଅନୁଚିତ ବୟାନ ପାଇଁ କେବଳ ସେ ହିଁ ଦାୟୀ, ସରକାର ନୁହେଁ । ଏଭଳି ବ୍ୟକ୍ତିବିଶେଷଙ୍କ ବୟାନକୁ ପରୋକ୍ଷ ଭାବେ ସରକାରଙ୍କ ସହିତ ଯୋଡି, ସରକାରଙ୍କ ଆଭିମୁଖ୍ୟ ଭାବେ ଦର୍ଶା ଯାଇପାରିବ ନାହିଁ । ସମ୍ବିଧାନର ଧାରା ୧୯(୨)ରେ ପୂର୍ବରୁ ବାକ୍ ସ୍ୱାଧୀନତା ଉପରେ ଅଂକୁଶ ରହିଛି । ଏହି ଧାରା ବାହାରେ ସେମାନଙ୍କ ଉପରେ ଆଉ ଅତିରିକ୍ତ କଟକଣା ଲଗାଯାଇପାରିବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
୨୦୧୬ରେ ଉତରପ୍ରଦେଶର ବୁଲନ୍ଦସହରରେ ଏକ ଗଣବଳାକ୍ରାର ମାମଲାରେ ମନ୍ତ୍ରୀ ପଦରେ ଥିବା ଆଜମ ଖାନ ବିବାଦୀୟ ମନ୍ତବ୍ୟ ଦେଇଥିଲେ । ଏହି ମାମଲା ସୁପ୍ରିମକୋର୍ଟରେ ପହଁଚିଥିଲା । ସାମ୍ବିଧାନିକ ପଦବୀରେ ଥିବା ବ୍ୟକ୍ତିଙ୍କ ବୟାନବାଜି ଯୋଗୁଁ ତଦନ୍ତ ପ୍ରଭାବିତ ହୋଇଥିବା ଅଭିଯୋଗ ଆଣି ପୀଡିତଙ୍କ ପରିବାର ପକ୍ଷରୁ କୋର୍ଟରେ ପିଟିସନ ଦାଖଲ ହୋଇଥିଲା ।
ଜଷ୍ଟିସ ଏସ.ଏ. ନାଜିରଙ୍କ ଅଧ୍ୟକ୍ଷତାରେ ଜଷ୍ଟିସ ଏ.ଏସ. ବୋପାନ୍ନା, ବି.ଆର. ଗାଭାଇ, ଭି, ରାମସୁବ୍ରମଣ୍ୟମ, ଏବଂ ବି.ଭି. ନାଗରତ୍ନାଙ୍କୁ ନେଇ ଗଠିତ ଖଣ୍ଡପୀଠ ସେହି ମାମଲାର ଶୁଣାଣି କରି ଏହି ରାୟ ଦେଇଛନ୍ତି । ତେବେ ବିମୁଦ୍ରୀକରଣ ଭଳି ଏହି ମାମଲାରେ ମଧ୍ୟ ଜଷ୍ଟିସ୍ ବି.ଭି. ନାଗରତ୍ନା ଭିନ୍ନ ମତ ରଖିିଛନ୍ତି । କହିଛନ୍ତି, – ସମ୍ବିଧାନର ଅନୁଛେଦ ୧୯(୨) ବ୍ୟତୀତ ଅଭିବ୍ୟକ୍ତିର ସ୍ୱାଧୀନତା ଉପରେ ଅଧିକ କଟକଣା ଲଗାଯାଇପାରିବ ନାହିଁ ।
– କିିନ୍ତୁ କେହି ଯଦି ମନ୍ତ୍ରୀ ପଦରେ ଥାଇ ଅପମାନଜନକ ମନ୍ତବ୍ୟ ଦିଅନ୍ତି, ଏଥିପାଇଁ ସରକାରଙ୍କୁ ଦାୟୀ କରାଯାଇପାରିବ
– ହେଲେ ଯଦି ମନ୍ତ୍ରୀ ଅଭ୍ୟାସଗତ ଭାବେ ଏଭଳି ମନ୍ତବ୍ୟ ଦେଉଥାନ୍ତି ଓ ସରକାରଙ୍କ ଆଭିମୁଖ୍ୟ ବିରୋଧୀ ତେବେ ତାହାକୁ ବ୍ୟକ୍ତିଗତ ମନ୍ତବ୍ୟ ବିଚାର କରାଯିବ
ସୁପ୍ରିମକୋର୍ଟଙ୍କ ରାୟକୁ ନେଇ ପ୍ରତିକ୍ରିୟା ରଖିଛନ୍ତି ରାଜନୈତିକ ଦଳର ନେତା ଓ ବୁଦ୍ଧିଜୀବୀ । ସୁପ୍ରିମକୋର୍ଟଙ୍କ ରାୟ ସର୍ବମାନ୍ୟ । କିନ୍ତୁ ସାମ୍ବିଧାନିକ ପଦ ପଦବୀରେ ଥିବା କୌଣସି ବ୍ୟକ୍ତି ଯେତେବେ ଦାୟୀତ୍ୱହୀନ ବୟାନ ଦିଅନ୍ତିି, ସେତେବେଳେ ତାହା ବଡ ବର୍ଗଙ୍କୁ ପ୍ରଭାବିତ କରିଥାଏ । ସେମାନ ବୟାନ ଯୋଗୁଁ ଅନେକ ସମୟରେ ତଦନ୍ତ ମଧ୍ୟ ପ୍ରଭାବିତ ହୋଇଥାଏ । ତେଣୁ ସେଭଳି ନେତାଙ୍କ ବିରୋଧରେ ଆଇନଅନୁସାରେ ଦୃଢ଼ କାର୍ଯ୍ୟାନୁଷ୍ଠାନ ନେବାର ଆବଶ୍ୟକତା ରହିଛି ।