କନକ ବ୍ୟୁରୋ: ଆଇପିଏଲ ୨୦୨୩ର କାଉଣ୍ଟଡାଉନ ଆରମ୍ଭ ହୋଇଯାଇଛି । ଆଜି ସମସ୍ତ ଦଳ ନିଜ ରିଟେନ ଲିଷ୍ଟ ଜାରି କରିଦେଇଛନ୍ତି । ତେବେ ଡ୍ୱେନ ବ୍ରାଭୋ, କେନ ୱିଲିୟମସନ, ମୟଙ୍କ ଅଗ୍ରୱାଲଙ୍କ ଭଳି ବଡ ଖେଳାଳିଙ୍କୁ ଏଥର ଅକ୍ସନକୁ ଯିବାକୁ ପଡିବ । ଡିସେମ୍ବର ଶେଷ ଆଡକୁ ଆଇପିଏଲର ମିନି ଅକ୍ସନ ହେବାର ଅଛି, ଯାହାକୁ ନେଇ ଫ୍ୟାନମାନେ ଉତ୍ସୁକ ଅଛନ୍ତି । ତେବେ ଆସନ୍ତୁ ଦେଖିବାକୁ କେଉଁ ବଡ ଖେଳାଳିଙ୍କ ହାତ ଛାଡିଲା ଦଳ ।
Kanak News is now on WhatsApp
Join and get latest news updates delivered to you via WhatsApp
ପଞ୍ଜାବ ନିଜ ଅଧିନାୟକ ମୟଙ୍କ ଅଗ୍ରୱାଲଙ୍କୁ ରିଲିଜ କରିଥିବା ବେଳେ ସନରାଇଜର୍ସ ହାଇଦ୍ରାବାଦ ନିଜ ଅଧିନାୟକ କେନ ୱିଲିୟମସନଙ୍କ ହାତ ଛାଡି ଦେଇଛି । ସେପଟେ ଚେନ୍ନାଇ ସହ ବହୁ ବର୍ଷ ଧରି ଖେଳିଆସୁଥିବା ଡ୍ୱେନ ବ୍ରାଭୋଙ୍କୁ ରିଲିଜ କରିଛି ଦଳ । ମୁମ୍ବାଇ ସର୍ବାଧିକ ୧୩ ଜଣ ଖେଳାଳିଙ୍କୁ ରିଲିଜ କରିଛି ।
ନିଜ ଦେଶ ପାଇଁ ମ୍ୟାଚ ଖେଳିବାକୁ କୋଲକାତାରୁ ୩ ଷ୍ଟାର ଖେଳାଳି ରିଟେନସନରୁ ନିଜ ନାଁ ନେଇଯାଇଛନ୍ତି । ସେମାନେ ହେଲେ ପ୍ୟାଟ କୁମିନ୍ସ, ସାମ ବିଲିଙ୍ଗସ, ଆଲେକ୍ସ ହିଲ୍ସ । ସେହିପରି ଦୁଇ ବଡ ଖେଳାଳି ଏଥର ଆଇପିଏଲରୁ ଅବସର ନେଇଛନ୍ତି । ମୁମ୍ବାଇର କିରନ ପୋଲାର୍ଡ ଓ ଚେନ୍ନାଇ ରବିନ ଉଥାପ୍ପାଙ୍କୁ ଆଉ ଆଇପିଏଲରେ ଦେଖିବାକୁ ମିଳିବ ନାହିଁ ।