ଭୋଟରଙ୍କୁ ଆକୃଷ୍ଟ କରିବାକୁ ସୁନ୍ଦରଗଡ଼ରେ ମାଦଳ ବଜାଇ ଭୋଟ୍ ମାଗିଲେ ବିଜେଡି ବିଧାୟକ ପ୍ରାର୍ଥୀ ଯୋଗେଶ ସିଂହ । ଆଦିବାସୀ ନାଚର ତାଳେ ତାଳେ ନାଚିଲେ ଦୀଲ୍ଲିପ ତିର୍କି ।
କନକ ବ୍ୟୁରୋ: ନିର୍ବାଚନ ଯେତିକି ପାଖେଇ ଆସୁଛି ରାଜନୈତିକ ମାହୋଲ ବି ସେତିକି ଉଷ୍ମ ହେବାରେ ଲାଗିଛି । ଏବେ ଭୋଟରଙ୍କୁ ଆକୃଷ୍ଟ କରିବାକୁ ନୂଆ ନୂଆ ପନ୍ଥା ଆପଣାଉଛନ୍ତି ପ୍ରାର୍ଥୀ । ନିର୍ବାଚନୀ ପ୍ରଚାର ବେଳେ ମାଦଳ ବଜାଇଛନ୍ତି ବିଜେଡି ବିଧାୟକ ପ୍ରାର୍ଥୀ ଯୋଗେଶ ସିଂହ । ସେହିପରି ଆଦିବାସୀ ନାଚର ତାଳେତାଳେ ନାଚିଛନ୍ତି ସାଂସଦ ପ୍ରାର୍ଥୀ ଦିଲ୍ଲୀପ ତିର୍କି । ବିଜେଡି ସୁନ୍ଦରଗଡ ସଦର ବିଧାନସଭା ନିର୍ବାଚନ ମଣ୍ଡଳୀରେ ମାରାଥନ ପ୍ରଚାର କରିଛି ।
Kanak News is now on WhatsApp
Join and get latest news updates delivered to you via WhatsApp
ସୁନ୍ଦରଗଡ ବିଧନସଭା ନିର୍ବାଚନ ମଣ୍ଡଳୀର ତସଲାଡିହି, ସିଆଁବାହାଲ, ଖୁଟଗାଁ, ଅଲେଇକୋର ଗାଁରେ ପ୍ରଚାର କରିଛନ୍ତି ବିଜେଡି ଲୋକସଭା ପ୍ରାର୍ଥୀ ଦିଲ୍ଲୀପ ତିର୍କୀ ଓ ସୁନ୍ଦରଗଡ ବିଧାନସଭା ପ୍ରାର୍ଥୀ ଯୋଗେଶ ସିଂହ । ହେଲେ ଏହି ମାରାଥନ ପ୍ରଚାର ସମୟରେ ଟାଙ୍ଗରପାଲୀର ତସଲାଡିହିରେ ଦେଖିବାକୁ ମିଳିଥିଲା ଏକ ରୋଚକ ଦୃଶ୍ୟ । ଏହି ଗାଁରେ ଦୁଇ ହେବିୱେଟ୍ ପ୍ରାର୍ଥୀ ପହଞ୍ଚିବା ପରେ ସ୍ଥାନୀୟ ଆଦିବାସୀ ମହିଳା ମାନେ ପାରମ୍ପାରିକ ଆଦିବାସୀ ନୃତ୍ୟରେ ତାଙ୍କୁ ପାଛୋଟି ନେଇଥିଲେ । ଏହି ସମୟରେ ସୁନ୍ଦରଗଡ ବିଜେଡି ବିଧାନସଭା ପ୍ରାର୍ଥୀ ଯୋଗେଶ ସିଂହ ମାଦଳ ଧରି ବାଜା ବଜାଉଥିବା ବେଳେ ଲୋକସଭା ପ୍ରାର୍ଥୀ ଦିଲ୍ଲୀପ ତିର୍କୀ ଆଦିବାସୀ ମହିଳାଙ୍କ ସହ ଆଦିବାସୀ ନାଚର ତାଳେ ତାଳେ ନାଚିଥିଲେ । ଏହିଭଳି ମାଦଳ ବଜାଇ ଏବଂ ନାଚି ପୁରା ଗାଁ ପରିକ୍ରମା କରାଇଥିଲେ ।