ବିଦେଶରେ ବିଜେପି ଉପରେ ଗର୍ଜିଲେ ରାହୁଲ । କହିଲେ ‘ବିଜେପି ଚାରିଆଡେ କିରୋସିନ୍ ଛିଞ୍ଚି ରଖିଛି’ ।
କନକ ବ୍ୟୁରୋ: ଲଣ୍ଡନର କେମ୍ବ୍ରିଜ୍ ବିଶ୍ୱିଦ୍ୟାଳୟରେ ‘ଆଇଡିଆଜ୍ ଫର୍ ଇଣ୍ଡିଆ’ସମ୍ମିଳନୀରେ ଭାଗ ନେଇଛନ୍ତି କଂଗ୍ରେସ ସଭାପତି ରାହୁଲ ଗାନ୍ଧୀ । ଏହି ଅବସରରେ ଭାରତ ରାଷ୍ଟ୍ରର ବିଚାର ଧାରା ଉପରେ ଆଲୋକପାତ କରିବା କ୍ରମରେ ବିଜେପିର ସଂଘୀୟ ବିଚାରଧାରାକୁ ଟାର୍ଗେଟ କରିଛନ୍ତି । ବିଜେପି ଭାରତ ବର୍ଷକୁ ଏକ ଭୂଗୋଳ ଭାବେ ଦେଖୁଛି ବୋଲି ଆପତ୍ତି ଉଠାଇଛନ୍ତି ରାହୁଲ ।
Kanak News is now on WhatsApp
Join and get latest news updates delivered to you via WhatsApp
ରାହୁଲ ଗାନ୍ଧୀ ଆହୁରି ମଧ୍ୟ କହିଛନ୍ତି ଯେ, କଂଗ୍ରେସ ଏକ ସ୍ୱର୍ଣ୍ଣିମ ଭାରତର ସ୍ୱପ୍ନ ଦେଖିଛି, ଯାହାପାଇଁ ଦଳ ଆଜିଯାଏଁ ସଂଘର୍ଷ କରୁଛି । ହେଲେ ଭାରତୀୟ ଜନତା ପାର୍ଟି ଦଳର ସ୍ୱରକୁ ଦବାଇବାକୁ ଚେଷ୍ଟା କରୁଛି । କେବଳ ଦଳର ନୁହେଁ କଂଗ୍ରେସ ଦେଶବାସୀଙ୍କ କଥା ଶୁଣିବକୁ ଚେଷ୍ଟା କରୁଥିବାବେଳେ ବିଜେପି ଏହାକୁ ଲୁଚାଇବାକୁ ସବୁବେଳେ ଚେଷ୍ଟା କରୁଛି । ଏହାସହ ଯେଉଁ ସଂସ୍ଥା ଭାରତକୁ ସବୁବେଳେ ମଜବୁତ ରଖିବାକୁ ଚେଷ୍ଟା କରୁଛି ବିଜେପି ସେମାନଙ୍କ ଉପରେ ଆକ୍ରମଣାତ୍ମକ ମନୋଭାବ ପୋଷଣ କରୁଛି ବିଜେପି । ଚୀନର ବିସ୍ତାରବାଦ ପ୍ରସଙ୍ଗରେ ମଧ୍ୟ ବିଜେପିଙ୍କୁ ଘେରିଛନ୍ତି ରାହୁଲ ଗାନ୍ଧୀ ।
ବିଜେପି ସରକାର ସମୟରେ ଦେଶରେ ବେରୋଜଗାରୀ ବଢିଛି । ଏହା ସତ୍ତେ୍ୱ ଧ୍ରୁବିକରଣ ଯୋଗୁଁ ସତ୍ତାରେ ଦଳ ତିଷ୍ଠି ପାରିଛି । ଦେଶକୁ ଧ୍ୱଂସ କରିବାକୁ ବିଜେପି ଯେପରି ଚାରିଆଡେ କିରୋସିନ୍ ଛିଞ୍ଚିକି ରଖିଛି ବୋଲି ରାହୁଲ ଏହି ସମ୍ମିଳନୀରେ କହିଛନ୍ତି ।
ବିଦେଶରେ ବିଜେପି ଉପରେ ଗର୍ଜିଲେ ରାହୁଲ