ଯାତାୟତ ପାଇଁ ଡଙ୍ଗା ଭରସା ! ବାଲେଶ୍ୱର ପଂଚୁପଡାରେ ଜମି ବିବାଦରୁ ଅଟକିଛି ୨୧୦୦କୋଟି ଟଙ୍କାର ପ୍ରକଳ୍ପ
କନକ ବ୍ୟୁରୋ : ଯାତାୟତ ପାଇଁ ଡଙ୍ଗା ଭରସା । ବାଲେଶ୍ୱରରେ ପଂଚୁପଡା ସେତୁ ନିର୍ମାଣ ପାଇଁ ଦୁଇ ଥର ଶିଳାନ୍ୟାସ ସରିଛି, କିନ୍ତୁ ଏପର୍ଯ୍ୟନ୍ତ କାମ ସମ୍ପୂର୍ଣ୍ଣ ହୋଇପାରୁନାହିଁ । ୨୧୦୦କୋଟି ଟଙ୍କାର ଏହି ପ୍ରକଳ୍ପ ଜମି ବିବାଦ ପାଇଁ ଅଟଳି ରହିଛି । ପୋଲ ନିର୍ମାଣ ହୋଇପାରୁନାହିଁ ଫଳରେ ଯାତାୟତ ପାଇଁ ଡଙ୍ଗା ହିଁ ପାଲଟିଛି ଭରସା । ଜମି ବିବାଦ କାରଣରୁ ୨୧୦୦କୋଟି ଟଙ୍କାର ଏହି ପ୍ରକଳ୍ପ ଅଟଳି ରହିଛି । ବାଲେଶ୍ୱରର ଭୋଗରାଇ, ବାଲିଆପାଳ, ବସ୍ତା ଓ ସଦର ବ୍ଲକର ଲକ୍ଷାଧିକ ଲୋକଙ୍କୁ ବାଲେଶ୍ୱର ସହରକୁ ଆସିବା ପାଇଁ ହେଲେ ନଦୀ ପାରି କରିବାକୁ ପଡେ । ନଚେତ ଅଧିକ ୪୦କିଲୋମିଟର ଯାତ୍ରା କରିବାକୁ ପଡେ । ଏପରିକି ଦୈନନ୍ଦିନ ସ୍କୁଲ ଓ ସ୍ୱାସ୍ଥ୍ୟ ସେବା ପାଇଁ ଡଙ୍ଗା ଭରସାରେ ନଦୀ ପାରି କରିବାକୁ ପଡୁଛି ।
Kanak News is now on WhatsApp
Join and get latest news updates delivered to you via WhatsApp
ପଂଚୁପଡାରେ ତିଆରି ହେଉଥିବା ପୋଲର ନିର୍ମାଣ କାମ ଡିସେମ୍ବର ୨୦୧୭ ମଧ୍ୟରେ ସମ୍ପୂର୍ଣ୍ଣ କରିବା ପାଇଁ କାର୍ଯାଦେଶ ହୋଇଛି । କିନ୍ତୁ ଜମି ବିବାଦ କାରଣରୁ ଏହି କାମ ଅଧାରେ ଅଟକି ରହିଛି । ୧୫୦ମିଟର ଲମ୍ବର ସେତୁ ଓ ୧୧୦୦ଶହ ମିଟର ଲମ୍ବର ଆପ୍ରୋଚ ରୋଡ ରହିଛି । ପୋଲ ନିର୍ମାଣ କାମ ସରିଥିବା ବେଳେ ସୋଲପଟା ଆଡୁ ୬୪୦ମିଟର ଓ ପଂଚୁପଡା ଆଡୁ ୨୯୦ମିଟର କାମ ସରିଛି । ମାତ୍ର ୧୫୦ମିଟର କାମ ଅଟକିଛି ଜମି ବିବାଦ ପାଇଁ । ଜମି ମାଲିକ ୨୫ଲକ୍ଷ ଟଙ୍କା କ୍ଷତିପୂରଣ ଦାବି କରି କୋର୍ଟର ଦ୍ୱାରସ୍ଥ ହୋଇଛନ୍ତି । ସେପଟେ ପୂର୍ତ ବିଭାଗ ଅଧିକାରୀଙ୍କ କହିବା କଥା ହେଲା, କୋର୍ଟରେ ମାମଲାର ଶୁଣାଣୀ ସରିବା ପରେ ବାକି ଥିବା କାମ ସମ୍ପୂର୍ଣ୍ଣ କରାଯିବ ।
ପ୍ରଥମେ ୧୯୮୮ଡିସେମ୍ବର ଓ ପରେ ପୁଣି ୨୦୧୪ ଫେବୃୟାରୀରେ ଏହି ସେତୁ ପାଇଁ ଦୁଇ ଦୁଇ ଥର ଶିଳାନ୍ୟାସ ହୋଇଛି । ୨୧୦୦କୋଟି ଟଙ୍କା ବ୍ୟୟ ଅଟକଳରେ କାମ ଆରମ୍ଭ ହୋଇ ଅଧପନ୍ତରିଆ ହୋଇପଡିରହିଛି । ଯାହାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।